05th Oct2018

ໂຮງຮຽນແຫ່ງຕ່າງໆອ້ອມກະຊວງ ປກສ ພ້ອມກັນຈັດຕັ້ງສະເຫຼີມສະຫຼອງວັນຄູ ແຫ່ງຊາດ ຄົບຮອບ 24 ປີ ຢ່າງຟົດຟື້ນ.

by somchan

ວິທະຍາຄານປ້ອງກັນຄວາມສະຫງົບແຫ່ງຊາດ ໄດ້ຈັດຕັ້ງສະເຫຼີມສະຫຼອງວັນຄູແຫ່ງຊາດວັນທີ 7 ຕຸລາ ຄົບຮອບ 24 ປີ. ໃນວັນທີ 5 ຕຸລາ2018 ນີ້ ໂດຍການເຂົ້າຮ່ວມຂອງ ພົຈວ ປອ ສົມຫວັງ ທຳມະສິດ ຮອງລັດຖະມົນຕີ ກະຊວງປ້ອງກັນຄວາມສະຫງົບ, ມີພົຈວບຸນຊູ ນາມມະຈັກ ຜູ້ອຳນວຍການໂຮງຮຽນ ວິທະຍາຄານຕຳຫຼວດປະຊາຊົນ ມີບັນດາຄູອາຈານ, ຕະຫຼວດຮອດນັກສຶກສາພາຍໃນວິທະຍາຄານເຂົ້າຮ່ວມ.

ເຊິ່ງການສະເຫຼີມສະຫຼອງວັນຄູແຫ່ງຊາດໃນຄັ້ງນີ້ ເພື່ອເປັນການລະນຶກເຖິງມູນຊາດຜົນງານ, ສ້າງຄວາມຮັບຮູ້ເຂົ້າໃຈຕໍ່ກັບຄວາມໝາຍຄວາມສຳຄັນ ຂອງຄູ່ໃນຖານະທີ່ເປັນແມ່ພິມຂອງຊາດ, ຄືວິສະວະກອນແຫ່ງດວງວິຍານ ແລະຄືພໍ່ແມ່ຜູ້ທີ່ສອງຂອງເດັກ ພ້ອມກັນນີ້ ພັກຍັງໄດ້ຢັ້ງຢືນວ່າ: ຄູຄືຄົນຂອງພັກ ເພາະວ່າຄູທີ່ນຳເອົາບັນດາແນວທາງນະໂຍບາຍຂອງພັກລົງສູ່ເດັກ, ໃນຊື່ທີ່ເອີ້ນວ່າ: “ຄູ” ໝາຍເຖິງຜູ້ທີ່ມີພາລະໜັກ ເປັນຜູ້ທີ່ມີຄວາມຮູ້ຄວາມສາມາດ ມີແບບແຜນການດຳລົງຊີວິດທີ່ສວຍງາມ ຊຶ່ງເປັນຕົວແບບອັນດີເລີດໃຫ້ແກ່ເດັກໄດ້ຮຽນຮູ້ ແລະ ເຮັດຕາມ, ສົມທົບກັບຄຳເວົ້າທີ່ວ່າ: “ຄູ” ຄືແມ່ພິມຂອງຊາດ ຄູ ຄືພໍ່ແມ່ຜູ້ທີ່ສອງຂອງເດັກ, ຄູເປັນຄົນຂອງພັກ. ດັ່ງນັ້ນ, ທຸກຄົນໃນສັງຄົມລ້ວນແຕ່ຮັບຮູ້ພາລະບາດບາດກຽດສັກສີຂອງຄູ,​ ພ້ອມທັງຍົກບົດບາດ ແລະ ກຽດສັກສີອັນນີ້ໃຫ້ສູງຂຶ້ນຢູ່ສະເໝີ, ຊຶ່ງເປັນການສະແດງເຖິງເຈດຕະນາຂອງຜູ້ທີ່ມີຄວາມກະຕັນຍູ້ກະຕະວີທີທີ່ແທ້ຈິງ.

ການເຫຼີມສະຫຼອງວັນຄູແຫ່ງຊາດໃນຄັ້ງນີ້ຍັງໄດ້ມີການຮັບຟັງ ແລະ ຮັບຊົມບົດເພງ, ບົດລຳ ແລະ ບົດຟ້ອນຈາກນັກສຶສາພາຍໃນວິທະຍາຄານຢ່າງຟືນ ແລະ ເບີກບານມ່ວນຊື່ນ, ເຕັມໄປດ້ວຍຄວາມໝາຍຄວາມສຳຄັນ.

ແລະ ໃນວັນດຽວກັນ, ຢູ່ທີ່ວິທະຍາຄານຕຳຫຼວດປະຊາຊົນ, ໂຮງຮຽນ ປກສ ຊັ້ນກາງເລກ 2 ປກສ ແຂວງ ສະຫວັນນະເຂດ ແລະ ສູນຝຶກອົບຮົມວິຊາສະເພາະຄົບວົງຈອນ ກອງບັນຊາການປ້ອງກັນເຄື່ອນທີ່ ກະຊວງປ້ອງກັນຄວາມສະຫງົບ ກໍ່ໄດ້ສະເຫຼີມສະຫຼອງ ແລະ ຫວນຄືນປະຫວັດມູນເຊື້ອວັນຄູແຫ່ງຊາດ ຄົບຮອບ 24 ປີເຊັ່ນດຽວກັນ.

Off

Comments are closed.