08th Feb2019

ໃນປີ 2018 ເຈົ້າໜ້າທີ່ສາມາດມ້າງຄະດີດ້ານ ເສດຖະກິດໄດ້ 137 ເລື່ອງ

by somchan

ພັອ ປອ ພູທອນ ວໍລະເພັດ ຫົວໜ້າຫ້ອງການ ກົມໃຫ່ຍຕຳຫຼວດ ກະຊວງປ້ອງກັນຄວາມສະຫງົບ ໄດ້ລາຍງານຕໍ່ກອງປະຊຸມສະຫລຸບວຽກງານຕຳຫຼວດທົ່ວປະເທດ ປະຈຳປີ 2018 ແລະ ທິດທາງແຜນການວຽກງານຈຸດສຸມປີ 2019 ທີ່ຈັດຂື້ນໃນລະຫວ່າງວັນທີ 31 ມັງກອນ ຫາວັນທີ 1 ກຸມພາ 2019 ນີ້ 1 ປີຜ່ານມາໂດຍຈັດຕັ້ງປະຕິບັດ 1 ແຜນງານ, 4 ໂຄງການ ແລະ 16 ວຽກງານຈຸດສຸມຂອງກົມໃຫ່ຍຕຳຫຼວດວາງອອກ ຄະນະພັກ, ພະນັກງານຫຼັກແຫຼ່ງກົມໃຫ່ຍຕຳຫຼວດ ແມ່ນສ້າງໄດ້ຜົນງານຫຼາຍດ້ານ ເປັນຕົ້ນວຽກງານປ້ອງກັນສະກັດກັ້ນບັນຫາອາຊະຍາກຳທາງດ້ານເສດຖະກິດ ໂດຍໄດ້ສຸມໃສ່ປະສານສົມທົບກັບບັນດາກະຊວງອົງການທຽບເທົ່າ, ຫົວໜ່ວຍທຸລະກິດ ແລະ ພາກສ່ວນທີ່ກ່ຽວຂ້ອງເຊັ່ນ: ພະແນກຕຳຫຼວດເສດຖະກິດໃນຂອບເຂດທົ່ວປະເທດ ເພື່ອເກັບກຳສະພາບຄະດີທາງດ້ານເສດຖະກິດທີ່ເກີດຂື້ນໃນແຕ່ລະວັນ ແລະ ມີທິດແກ້ໄຂໃຫ້ທັບກັບສະພາບການທີ່ເກີດຂື້ນ ໃນໜຶ່ງປີຜ່ານມາໄດ້ຮັບຄຳຮ້ອງຟ້ອງທັງໝົດ 907 ເລື່ອງ ແລະ ໄດ້ຄົ້ນຄວ້າແກ້ໄຂສຳເລັດ 383 ເລື່ອງ, ທຽບໃສ່ປີ 2017 ຜ່ານມາແມ່ນຫຼຸດລົງ 28 ເລື່ອງ ຄະດີການກະທຳຜິດທາງດ້ານເສດຖະກິດເກີດຂື້ນ 224 ເລື່ອງ ແລະ ມ້າງໄດ້ 137 ເລື່ອງ ແລະ ອື່ນໆ.

Off

Comments are closed.