13th May2019

ໄຟໄໝ້ຫ້ອງການສູູນໂພສະນາການ ຍ້ອນຈູດທຳລາຍຫຼັກຖານລະບົບການເງີນ

by somchan

ໃນວັນທີ 29 ເມສາ 2019 ເຈົ້າໜ້າທີ່ຕຳຫຼວດ ເມືອງສີສັດຕະນາກ ໄດ້ກັກຕົວນາງ ປິ່ນມຸກ ອາຍຸ 30 ປີ ອາຊີບ ພະນັກງານ ພັກເຊົາຢູ່ບ້ານໜອງທາໃຕ້ ເມືອງຈັນທະບູລີ ນະຄອນຫຼວງວຽງຈັນ ແລະ ນາງ ເກດນາລີ ອາຍຸ 28 ປີ ອາຊີບ ພະນັກງານ ຢູ່ບ້ານທ່າມວ່ງ ເມືອງຫາດຊາຍຟອງ ນະຄອນຫຼວງວຽງຈັນ ໃນຂໍ້ຫາຍັກຍອກຊັບຂອງລັດ, ທຳລາຍຊັບຂອງລັດ ແລະ ການສໍ້ໂກງຊັບພົນລະເມືອງ.

ຄື: ໃນວັນທີ 28 ເມສາ 2019 ນາງ ປິ່ນມຸກ ແລະ ນາງ ເກດນາລີ ໄດ້ຮ່ວມກັນງັດຕູ້ເຊັບ ແລະ ຈູດທຳລາຍຫ້ອງການສູູນໂພສະນາການ ກະຊວງສາທາລະນະສຸກ ເພື່ອສ້າງສະຖານະການພ້ອມທຳລາຍຫຼັກຖານກ່ຽວກັບລະບົບການເງີນຢູ່ພາຍໃນຫ້ອງການຂອງຕົນ ເພາະໄລຍະຜ່ານມາ ນາງປິ່ນມຸກ ໄດ້ເອົາເງີນຂອງລັດໃຫ້ ນາງເກດນາລີ ຢືມໄປໃຊ້ຈ່າຍໃນການຫຼິ້້ນການພະນັນຈຳນວນເງີນ 1 ຕື້ກວ່າກີບ. ເຊິ່ງ ນາງເກດນາລີ ບໍ່ມີເງີນທີ່ຈະມາໃຊ້ແທນຄືນຈຳນວນທີ່ເອົາໄປ, ທັງສອງຈຶ່ງໄດ້ວາງແຜນກັນທຳລາຍຫຼັກຖານດ້ວຍການງັດຕູ້ເຊັບ ແລະ ຈູດທຳລາຍຫ້ອງການເພື່ອທຳລາຍຫຼັກຖານ ປະຈຸບັນເຈົ້າໜ້າທີ່ພວມດຳເນີນຄະດີ ແລະ ຂະຫຍາຍຜົນຫາຜູ້ຮ່ວມຂະບວນການເພື່ອມາດຳເນີນຄະດີຕາມຂັ້ນຕອນຂອງກົດໝາຍ.

Comments are closed.