13th May2020

ບັນດາການນຳຂັ້ນສູງແຫ່ງ ສປປ ລາວ ເຂົ້າວາງພວງມາລາໄຫ້ວອາໄລຕໍ່ການຈາກໄປ ຂອງ ພົນເອກ ສີສະຫວາດ ແກ້ວບຸນພັນ

by somchan

ໃນວັນທີ 13 ພຶດສະພາ 2020 ນີ້ບັນດາການນຳຂັ້ນສູງແຫ່ງ ສປປ ລາວ ໄດ້ເຂົ້າວາງພວງມາລາໄຫວ້ອາໄລຕໍ່ການຈາກໄປຂອງ ພົນເອກ ສີສະຫວາດ ແກ້ວບຸນພັນ ນຳໂດຍພະນທ່ານ ບຸນຍັງ ວໍລະຈິດ ປະທານປະເທດ, ທ່ານ ນາງ ປານີ ຍາທໍ່ຕູ້ ປະທານສະພາແຫ່ງຊາດ, ທ່ານ ບຸນທອງ ຈິດມະນີ ຮອງນາຍົກລັດຖະມົນຕີ, ພົນເອກ ຈັນສະຫມອນ ຈັນຍາລາດ ລັດຖະມົນຕີກະຊວງປ້ອງກັນປະເທດ, ພົນໂທ ວິໄລ ຫລ້າຄຳຟອງ ລັດຖະມົນຕີກະຊວງ ປກສ ແລະ ບັນດາຄະນະລັດຖະບານ, ຄະນະຈັດຕັ້ງສູນກາງພັກ, ການນຳ ນະຄອນຫລວງວຽງຈັນ, ພ້ອມກັບບັນດາການຈັດຕັ້ງອ້ອມຂ້າງຂອງສູນກາງເຂົ້າຮ່ວມ.

ການເຂົ້າວາງພວງມາລາໃນຄັ້ງນີ້ກໍເພື່ອສະແດງຄວາມຮູ້ບຸນຄຸນຕໍ່ ພົນເອກ ສີສະຫວາດ ແກ້ວບຸນພັນ ທີ່ໄດ້ອຸທິຕົນເພື່ຶອປະເທດຊາດ ໃນຕະຫຼອດໄລຍະຜ່ານມາໂດຍແມ່ນຜູ້ນຳຮຸ່ນທຳອິກຂອງ ພັກ ແລະ ລັດ ທີ່ຕິດພັນກັບການຕໍ່ສູ້ກູ້ຊາດຕ້ານຈັກກະພັດລາເມືອງຂື້ນທັງ ເກົ່າ ແລະ ໃໝ່,ມີນ້ຳໃຈເສຍສະລະອັນສູງສົງ,ເປັນພະນັກງານການນຳ ທີ່ມີແບບແຜນນຳພາທີ່ດີເລີດ,ຍຶດໝັ້ນອຸດົມການປະຕິວັດທີ່ສູງສົງ. ໃນພາລະກິດປະຕິວັດປົດປ່ອຍຊາດ,ປົກປັກຮັກສາ ແລະ ສ້າງສາປະເທດຊາດ ທີໄດ້ຮັບຄວາມໄວ້ເນື້ອເຊື່ອໃຈ ແລະ ເຄົາລົບຮັກຈາກສາມັກຊິກພັກ,ພະນັກງານ,ນັກຮົບ ແລະ ປະຊາຊົນບັນດາເຜົ່າ.

Off

Comments are closed.