17th May2020

ງານຊາປະນາກິດສົບ ພົອ ສີສະຫວາດ ແກ້ວບຸນພັນ ຈັດຂື້ນຢ່າງສົມກຽດ

by somchan

ງານຊາປະນາກິດສົບ ພົອ ສີສະຫວາດ ແກ້ວບຸນພັນ ອະດີດກຳມະການສູນກາງພັກ ສະໄໝ 1,2,3,4,5,6,7 ແລະ 8 ,ອະດີດເລຂາທິການສູນກາງພັກສະໄໝທີ່ 3 ແລະ 4 ,ອະດີດກຳມະການກົມການເມືອງສູນການພັກ ສະໄໝທີ່ 4,6,7 ແລະ 8, ອະດີດ ນາຍົກລັດຖະມົນຕີ, ອະດີດຮອງປະທານປະເທດ , ອະດີດປະທານສູນກາງແນວລາວສ້າງຊາດ, ອະດີດຫົວໜ້າບັນນາທິການໃຫ່ຍ ກອງທັບປົດປ່ອຍປະຊາຊົນປະຕິວັດລາວ ,ອະດີີດລັດຖະມົນຕີ ປະຈຳສຳນັກງານນາຍົກລັດຖະມົນຕີ, ອະດີີດລັດຖະມົນຕີ ກະຊວງປ້ອງກັນຄວາມສະຫງົບ,ອະດີເລຂາຄະນະພັກ,

,ປະທານຄະນະກຳມະການປົກຄອງກຳແພງນະຄອນຫຼວງວຽງຈັນ,ອະດີດລັດຖະມົນຕີກະຊວງກະສິກຳ ແລະ ປ່າໄມ້ ແລະ ອະດີດປະທານຄະນະຂົນຂວາຍ ສ້າງຕັ້ງຄະນະຊາວໜຸ່ມ ປະຊາຊົນປະຕິວັດລາວ ໄດ້ຈັດຂື້ນຢ່າງສົມກຽດຢູ່ເດີນນະຄອນຫຼວງວຽງຈັນ ໂດຍໃຫ້ກຽດເປັນປະທານຂອງພະນະ ທ່ານ ທອງລຸນ ສີສຸລິດ ນາຍົກລັດຖະມົນຕີ ໃຫ້ກຽດເຂົ້າຮ່ວມ

ໄວ້ອາໄລມີ ພະນະທ່ານ ບຸນຍັງ ວໍລະຈິດ ປະທານປະເທດ, ພະນະທ່ານ ປານີ ຢ່າທໍ່ຕູ້,ປະທານສະພາແຫ່ງຊາດ ແຫ່ງ ສປປ ລາວ ພ້ອມດ້ວຍການນຳຂັ້ນສູງ ຂອງພັກ-ລັດ, ອົງການຈັດຕັ້ງຂັ້ນສູນກາງ ແລະ ເລຂາທິການປະຈຳລາວ ຕະຫຼອດຮອດພະນັກງານ-ນັກຮົບ ,ທະຫານ,ຕຳຫຼວດ, ພະນັກງານລັດຖະກອນ ,ຄອບຄົວຍາດພີ່ນ້ອງລູກຫຼານ ແລະ ພໍ່ແມ່ປະຊາຊົນບັນດາເຜົ່າເຂົ້າຮ່ວມ ໄວ້ອາໄລຢ່າງສຸດຊື້ງ ເປັນຈຳນວນຫຼວງຫຼາຍ ພະນະທ່ານ ທອງລຸດ ສີສຸລິດ ນາຍົກລັດຖະມົນຕີ ທັງເປັນປະມານຄະນະຮັບຜິດຊອບງານປະນາກິດສົບ ໄດ້ໃຫ້ກຽດຂື້ນອ່ານ ປະຫວັດຫຍໍ້ໂດຍທ່ານໄດ້ກ່າວວ່າ ພົອ ສີສະຫວາດ ແກ້ວບຸນພັນ ແມ່ນຜູ້ນຳຮຸ່ນທຳອິດຂອງພັກ ແລະ ລັດ ເຮົາທີ່ໄດ້ອຸທິດຂອງຕົນ ຕິດພັນກັບການຕໍ່ສູ້ກູ້ຊາດ ຕ້ານຈັກກະພັດລ່າເມືອງຂື້ນແບບເກົ່າ ແລະ ໃໝ່, ສະຫາຍ ແມ່ນນັກຮົບຫະຕິວັດຜູ້ອັງອາດ ທີ່ເກັ່ງກ້າສາມາດ, ມີນ້ຳໃຈເສຍສະຫຼະອັນສູງສົ່ງ, ເປັນໜື່ງໃນບັນດານາຍທະຫານ ນຳພາບັນຊາທີ່ດີເດັ່ນ ເປັນທີ່ເຄົາລົບຮັກຂອງ ກຳລັງປະກອບອາວຸດ ແລະ ກປະຊາຊົນ ລາວ ບັນດາເຜົ່າ, ແມ່ນພະນັກງານການນຳທີ່ມີແບບແຜນນຳພາທີ່ດີຍຶດໜັ້ນອຸດົມການ ປະຕິວັດອັນສູງສົ່ງ ໃນພາລະກິດປະຕິວັດປົດປ່ອຍຊາດ, ປົກປັກຮັກສາ ແລະ ສ້າງລະບອບໃໝ່ ເຄີງວ່າສະຫາຍ ຈະຈາກໄປໂດຍບໍ່ມີວັນຫວນກັບ ແຕ່ຜົນງານ ແລະ ຄຸນງາມຄວາມດີ, ຄຸນສົມບັດສິນທຳປະຕິວັດອັນພ່ວງໃສ ແລະ ຄວາມຮັກເຊື້ອແພງຊາດ, ໝາກຜົນ ແລະ ມູນຊາດການປະຕິວັດ ຂອງສະຫາຍ ຈະຄົງຢູ່ໃນໃຈຂອງປວງຊົນລາວທັງຊາດ, ປະເທດຊາດ ແລະ ປະຊາຊົນ ຂໍຈາລຶກຄຸນງາມຄວາມດີ ທີ່ ພົອ ສີສະຫວາດ ແກ້ວບຸນພັນ ໄດ້ສ້າງໄວ້ຕະຫຼອດຊົ່ວກາລະນານ ເທີນ.

Off

Comments are closed.