20th May2020

ມອບເຄື່ອງຊ່ວຍເຫຼືອ ແລະ ເງິນໃຫ້ຄອບຄົວທີ່ໄດ້ຮັບຜົນເສຍຫາຍ ຈາກເຫດການໄຟໄຫມ້ເຮືອນ

by somchan

ໃນວັນທີ 19 ພຶດສະພາ 2020 ພະແນກແຮງງານ ແລະ ສະຫວັດດີການສັງຄົມ, ອົງການກາແດງລາວ ແລະ ອຳນາດການປົກຄອງເມືອງສີສັດຕະນາກ ໄດ້ນໍາເອົາເຄື່ອງຊ່ວຍເຫຼືອ ແລະ ເງິນ ມາມອບໃຫ້ຄອບຄົວທີ່ໄດ້ຮັບ ຜົນກະທົບຈາກເຫດການໄຟໄຫມ້ເຮືອນ ທີ່ ບ້ານໂພນສີນວນ ໃນວັນທີ 8 ພຶດສະພາ 2020 ຈໍານວນ 9 ຄອບຄົວ ເຊິ່ງໃນນັ້ນ, ພະແນກແຮງງານ ແລະ ສະຫວັດດີການ ສັງຄົມ ມອບສັງກະສີ ຈໍານວນ 540 ເເຜ່ນ ແລະ ຕະປູ 135 ກັບ ລວມມູນຄ່າ 18.630.000 ກີບ, ອົງການກາແດງລາວ ມອບເຄື່ອງອຸປະໂພ-ບໍລລິໂພກ ລວມມູນຄ່າ 5.330.000 ກີບ ໂດຍການມອບຂອງ ທ່ານ ນາງ ລໍາພອຍ ສີອັກຄະຈັນ ຫົວຫນ້າພະແນກແຮງງານ ແລະ ສະຫວັດດີການສັງຄົມ ນະຄອນຫຼວງວຽງຈັນນອກນັ້ນປົກຄອງເມືອງສີສັດຕະນາກ ມອບເງິນໃຫ້ຄອບຄົວລະ 1.000.000 ກີບ ໂດຍການມອບຂອງ ທ່ານ ເດດສົງຄາມ ທໍາມະວົງ ເຈົ້າເມືອງ ເມືອງສີສັດຕະນາກ ຮັບໂດຍຄອບຄົວທີ່ໄດ້ ຮັບ ມີບັນດາຄະນະພັກ-ຄະນະນໍາເມືອງ ຕະຫຼອດຮອດອໍານາດການປົກຄອງບ້ານໂພນສີນວນ ເຂົ້າຮ່ວມ.

ສໍາລັບເຄື່ອງຊ່ວຍເຫຼືອ ແລະ ເງິນ ທີ່ນໍາມຄູມອບໃຫ້ທັງ 9 ຄອບຄົວຄັ້ງນີ້ ກໍ່ເພື່ອເປັນຂັວນກໍາລັງໃຈ ແລະ ເປັນການ ຊ່ວຍເຫຼືອປະກອບສ່ວນເຂົ້າໃນການປູກສ້າງເຮືອນຄືນໃຫມ່ ໃຫ້ແກ່ຜູ້ທີ່ໄດ້ຮັບຜົນກະທົບຈາກເຫດການໄຟໄຫມ້ເຮືອນ ໃຫ້ມີ ກໍາລັງໃຈໃນການດໍາລົງຊີວິດຕໍ່ໄປ. ຈາກນັ້ນ, ທ່ານ ນາງ ວັນເພັງ ພົມພັກດີ ນາຍບ້ານ ບ້ານໂພນສີນວນ ກໍ່ຕາງໜ້າໃຫ້ໝົດຄອບຄົວທີ່ໄດ້ຮັບການຊ່ວຍເຫຼືອໄດ້ສະແດງຄວາມ ຂອບໃຈ ຕໍ່ຄະນະພັກ-ຄະນະນໍາເມືອງ ຕະຫຼອດຮອດພະແນກແຮງງານ ແລະ ສະຫວັດດີການສັງຄົມ ແລະ ອົງການກາແດງລາວ ໃຫ້ຄວາມເປັນຫ່ວງເປັນໄຍຕໍ່ຄອບຄົວທີ່ໄດ້ຮັບຜົນກະທົບຕໍ່ກັບຜົນເສຍຫາຍທີ່ເກິດຂື້ນ ເພື່ອເຮັດໃຫ້ເຂົາເຈົ້າມີກໍາລັງໃຈໃນການເລີ້ມຕົ້ນໃຫມ່ອີກຄັ້ງ, ພ້ອມທັງອວຍພອນ ໃຫ້ຄະນະ ຈົ່ງມີສຸຂະພາບເຂັ້ມແຂງແຮງ, ສືບຕໍ່ຊີ້ນໍາ-ນໍາພາປະຕິບັດຫນ້າທີ່ ເປັນທີ່ເພີ່ງໃຫ້ແກ່ປະຊາຊົນຕະຫຼອດໄປ

 

Off

Comments are closed.