20th May2020

ຮອງນາຍົກຕ້ອນຮັບການຢຽມຄໍານັບ ຂອງຫົວຫນ້າຫ້ອງການທະນາຄານໂລກປະຈໍາລາວ

by somchan

 

ວັນທີ 18 ພຶດສະພາ 2020 ຢູ່ກະຊວງແຜນການ ແລະ ການລົງທຶນ ທ່ານ ສອນໄຊ ສີພັນ ດອນ ຮອງນາຍົກລັດຖະມົນຕີ, ລັດຖະມົນຕີກະຊວງແຜນການ ແລະ ການລົງທຶນ ໄດ້ຕ້ອນຮັບການ ເຂົ້າພົບປະຂອງທ່ານ ນິໂຄລາ ປອນຕາລາ ( Nicola Pontara ) ຫົວຫນ້າຫ້ອງການທະນາ ຄານໂລກປະຈໍາລາວ ພ້ອມຄະນະ ເພື່ອປຶກສາຫາລືກ່ຽວກັບການຮ່ວມມືກັບທະນາຄານໂລກ ເພື່ອຊ່ວຍ ຫຼຸດຜ່ອນຜົນກະທົບຈາກການລະບາດຂອງພະຍາດໂຄວິດ-19 ແລະ ຂໍ້ສະເຫນີກ່ຽວກັບການເລື່ອນຊໍາລະຫນີ້ສິນໃຫ້ແກ່ບັນດາປະເທດດ້ອຍພັດທະນາ ລວມທັງລາວເພື່ອຫຼຸດຜ່ອນພາລະຂອງລັດຖະບານ ແລະ ສາມາດນໍາໃຊ້ງົບປະມານເພື່ອແກ້ໄຂຜົນທະທົບຈາກໂຄວິດ-19.

ໂອກາດນີ້ ທ່ານຮອງນາຍົກລັດຖະມົນຕີ ໄດ້ສະແດງຄວາມຂອບໃຈມາຍັງທະນາຄານໂລກ ທີ່ໄດ້ ຊ່ວຍເຫຼືອ ຫຼາຍດ້ານແກ່ ສປປ ລາວ ໃນໄລຍະຜ່ານມາ ພ້ອມທັງລາຍງານຜົນກະທົບທາງເສດຖະກິດ ການຄ້າ ການລົງທຶນ ແລະ ອື່ນໆຈາກການລະບາດຂອງພະຍາດໂຄວິດ-19 ໃນຄັ້ງນີ້ ເຊິ່ງຖືວ່າເປັນຄັ້ງ ຮ້າຍແຮງ ແລະ ຈະຕ້ອງໃຊ້ເວລາໃນການຟື້ນຟູເສດຖະກິດເປັນເວລາດົນສົມຄວນ ເພື່ອໃຫ້ກັບມາ ປົກກະຕິ.

 

 

Off

Comments are closed.