21st May2020

ກອງບັນຊາການປ້ອງກັນທີຕັ້ງ ກະຊວງ ປກສ ປະກາດແຕ່ງຕັ້ງ ຮອງກອງບັນຊາການເພີມ 2 ທ່ານ

by somchan

ພິທີປະກາດແຕ່ງຕັ້ງຮອງຫົວໜ້າກອງບັນຊາການ ປ້ອງກັນທີ່ຕັ້ງ ກະຊວງປ້ອງກັນຄວາມສະຫງົບ ໄດ້ຈັດໃນວັນທີ 21 ພືດສະພາ 2020 ນີ້  ໂດຍການເປັນປະທານຂອງ ພັອ ປອ ໄຊສີ ແກ້ວສະຫງ່າ ຮັກສາການຫົວໜ້າ ກອງບັນຊາການ ປ້ອງກັນທີ່ຕັ້ງ ໃຫ້ກຽດເຂົ້າຮ່ວມໂດຍ ພົຕ ປອ ສົມຫວັງ ທຳມະສິດ ຮອງລັດຖະມົນຕີ ກະຊວງປ້ອງກັນຄວາມສະຫງົບ ມີຄະນະພັກ, ຄະນະກອງບັນຊາການ ພ້ອມດ້ວຍພະນັກງານ-ນັກຮົບເຂົ້າຮ່ວມ.

ພັທ ຄຳພອນ ແສງສາລີຈັນ ຮອງຫົວໜ້າກົມຈັດຕັ້ງ ພະນັກງານກົມໃຫ່ຍການເມືອງ ປ້ອງກັນຄວາມສະຫງົບ ໄດ້ຜ່ານຂໍ້ຕົກລົງ ຂອງລັດຖະມົນຕີກະຊວງປ້ອງກັນຄວາມສະຫງົບ ວ່າດ້ວຍການແຕ່ງຕັ້ງ ນາຍຕຳຫຼວດ ທີຂື້ນກັບກອງບັນຊາການ ປ້ອງກັນທີ່ຕັ້ງ, ໃນນີ້ໄດ້ປະກາດແຕ່ງຕັ້ງ ພັອ ຄົມ ອິນທິລາດ ແລະ ພັທ ຈັນທອນ ແກ້ວມະນີ ເປັນຮອງຫົວໜ້າ ກອງບັນຊາການ ປ້ອງກັນທີຕັ້ງ, ສ່ວນຫົວໜ້າແລະຮອງທີມີຢູ່ແລ້ວ ແມ່ນຮັກສາໄວ້ຄືເກົ່າ ການປະກາດແຕ່ງຕັ້ງໃນຄັ້ງນີ້ ກໍ່ເພື່ອຕອບສະໜອງກັບຄວາມຮຽກຮ້ອງຕ້ອງການຂອງໜ້າທີວຽກງານໃນໄລຍະໃໝ່, ໃຫ້ມີຄວາມເຕີບໃຫ່ຍຂະຫຍາຍຕົວ ມີຄວາມໜັກແໜ້ນເຂັ້ມແຂງທາງດ້ານການຈັດຕັ້ງ ແລະ ມີລະບຽບວິໄນທີເຂັ້ມງວດ ພ້ອມນີ້ໃນພິທີຍັງໄດ້ມອບໃບຢັ້ງຢືນ, ໜ່ວຍພັກປອດໄສ, ເຂັ້ມແຂງ ໜັກແໜ້ນປະຈຳປີ 2019 ໃຫ້ໜ່ວຍພັກອ້ອມຂ້າງ ກອງບັນຊາການປ້ອງກັນທີຕັ້ງ ຈຳນວນ 14 ໜ່ວຍພັກ

ໂອກາດນີ້ ພົຕ ປອ ສົມຫວັງ ທຳມະສິດ ຮອງລັດຖະມົນຕີກະຊວງ ປກສ ໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານການເຄື່ອນໄຫວ ໃນການປະຕິບັດໜ້າທີ່ວຽກງານ ໃນໄລຍະຜ່ານມາ ພ້ອມທັງໄດ້ເນັ້ນໜັກ.ໃຫ້ຈົ່ງສືບຕໍ່ເອົາໃຈໃສ່ຊີ້ນຳໆພາພະນັກງານ-ນັກຮົບ ຂອງຕົນດ້ວຍຄວາມຮັບຜິດຊອບສູງ ເຮັດໃຫ້ກຳລັງປະກອບອາວຸດ ໃນກຳລັງ ປກສ ກາຍເປັນຜູ້ສືບທອດປ່ຽນແທນໃນອານາຄົດ.

 

Off

Comments are closed.