26th May2020

ກອງປະຊຸມໃຫ່ຍຜູ້ແທນອົງຄະນະພັກ ກົມໃຫ່ຍການເມືອງ ປກສ ປິດລົງດ້ວຍຜົນສຳເລັດຈົບງາມ

by somchan

ກອງປະຊຸມໃຫ່ຍຜູ້ແທນອົງຄະນະພັກ ກົມໃຫຍ່ການເມືອງປ້ອງກັນຄວາມສະຫງົບ ຄັ້ງທີ່ 6 ໄດ້ອັດລົງດ້ວຍຜົນສຳເລັດອັນຈົບງາມໃນວັນທີ່ 26 ພຶດສະພາ 2020 ນີ້ ພາຍຫຼັງດຳເນີນມາເປັນເວລາໜື່ງວັນ ພາຍໃຕ້ການເປັນປະທານຂອງ ສະຫາຍ ພົນຕີ ວັນທອງ ກອງມະນີ ຄະນະປະຈຳພັກກະຊວງ, ເລຂາອົງຄະນະພັກ.ຫົວໜ້າກົມໃຫ່ຍການເມືອງ ປ້ອງກັນຄວາມສະຫງົບ ແລະ ໂດຍການໃຫ້ກຽດເຂົ້າຮ່ວມຂອງ ສະຫາຍ ພົນໂທ ວິໄລ ຫຼ້າຄຳຟອງ ເລຂາທິການສູນກາງພັກ, ເລຂາອົງຄະນະພັກກະຊວງ,ລັດຖະມົນຕີກະຊວງປ້ອງກັນຄວາມສະຫງົບ, ມີຄະນະບໍລິຫານງານພັກ, ຕົວແທນສະມາຊິກພັກສົມບູນ, ພະນັກງານອາວຸໂສບຳນານ ແລະ ແຂກຖືກເຊີນເຂົ້າຮ່ວມ.

ໃນກອງປະຊຸມທີ່ມີຄວາມໜາຍສຳຄັນ ພົນຕີ ວັນທອງ ກອງມະນີ ຄະນະປະຈຳພັກກະຊວງ,ເລຂາອົງຄະນະພັກ, ຫົວໜ້າກົມໃຫ່ຍການເມືອງປ້ອງກັນຄວາມສະຫງົບ ໄດ້ຜ່ານບົດລາຍງານການເມືອງສະຫຼຸບຕີລາຄາ ການນຳພາຈັດຕັ້ງປະຕິບັດມະຕິກອງປະຊຸມໃຫ່ຍຄັ້ງທ່ີ 5 ຕໍ່ກອງປະຊຸມໃຫ່ຍຄັ້ງທີ່ 6 ຂອງອົງຄະນະພັກກົມໃຫ່ຍການເມືອງປ້ອງກັນຄວາມສະຫງົບ, ສະຫາຍໄດ້ກ່າວວ່າ: ໃນ 5 ປີຜ່ານມາພາຍໃຕ້ການຊີ້ນຳ-ນຳພາ ຂອງຄະນະເລຂາທິການສູນການພັກ, ຄະນະພັກກະຊວງປ້ອງກັນຄວາມສະຫງົບ, ອົງຄະນະພັກກົມໃຫ່ຍການເມືອງປ້ອງກັນຄວາມສະຫງົບ, ໄດ້ມີການເຕີບໃຫ່ຍຂະຫຍາຍຕົວທາງດ້ານປະລິມານ ແລະ ຄຸນນະພາບມີຄວາມສາມັກຄີເປັນປຶກແຜ່ນຫ້າວຫັນໃນການປະກອບສ່ວນຢ່າງຕັ້ງໜ້າ ເຂົ້າໃນການຈັດຕັ້ງຜັນຂະຫຍາຍມະຕິກອງປະຊຸມໃຫ່ຍຄັ້ງທີ່ 5 ຂອງອົງຄະນະພັກກົມໃຫ່ຍການເມືອງປ້ອງກັນຄວາມສະຫົງບ, ມະຕິກອງປະຊຸມໃຫ່ຍຄັ້ງທີ່ 4 ຂອງຄະນະພັກກະຊວງປ້ອງກັນຄວາມສະຫົງບ ແລະ ມະຕິຕ່າງໆສະໄໝທີ່ 10 ຂອງຄະນະບໍລິຫານງານສູນກາງພັກຫັນເປັນແຜນການລະອຽດ ແລະ ໄດ້ຈັດຕັ້ງປະຕິບັດມີຜົນສຳເລັດໃນຫຼາຍດ້ານເປັນຕົ້ນ ນຳພາວຽກງານສຶກສາອົບຮົມການເມືອງນຳພາ-ແນວຄິດ, ວຽກງານກໍ່ສ້າງພັກວຽກງານຈັດຕັ້ງ-ພະນັກງານ ແລະ ອົງການຈັດຕັ້ງມະຫາຊົນ,ວຽກງານນະໂຍບາຍ ແລະ ປະກັນສັງຄົມ, ວຽກງານເສນາທິການ ແລະ ພະລາທິການ, ເຕັກນິກ,ວຽກງານພົວພັນຮ່ວມມືກັບຕ່າງປະເທດເຊິ່ງຜົນງານທີ່ບັນລຸໄດ້ທັງໝົດນັ້ນຢັ້ງຢືນຢ່າງຈະແຈ້ງວ່າບັນດາທິດທາງໜ້າທີ່ ທີ່ກອງປະຊຸມໃຫ່ຍຄັ້ງທີ່ 5 ຂອງອົງຄະນະພັກກົມໃຫ່ຍການເມືອງປ້ອງກັນຄວາມສະຫງົບ ວາງອອກແມ່ນຖືກຕ້ອງສອດຄ່ອງ, ມັນແມ່ນໝາກຜົນແຫ່ງຄວາມພະຍາມບຸກບືນສູ້ຊົນ ແລະ ຄວາມຮັບຜິດຊອບຂອງອົງຄະນະພັກແຕ່ລະຂັ້ນໃນການນຳພາ-ບັນຊາ,ກໍ່ຄືສະມາຊິກພັກ.

ນາຍ ແລະ ພົນຕຳຫຼວດທຸກສະຫາຍໄດ້ເຊີດຊູນ້ຳໃຈຮັກຊາດຕິດພັນກັບພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ ເປັນເຈົ້າຂອງຕົນເອງສ້າງຄວາມເຂັ້ມແຂງດ້ວຍຕົນເອງ.ກໍ່ສ້າງກຳລັງປ້ອງກັນຄວາມສະຫົງບປະຊາຊົນລາວ ໃຫ້ເຂັ້ມແຂງ ແລະ ທັນສະໄໝຂື້ນຢ່າງເປັນຮູບປະທຳແມ່ນໝາກຜົນແຫ່ງການສະໜັບສະໜູນ

ໃນກອງປະຊຸມສຳຄັນດັ່ງກ່າວນີ້ຍັງໄດ້ປ່ອນບັດຄັດເລືອກເອົາຄະນະພັກ ກົມໃຫ່ຍການເມືອງປ້ອງກັນຄວາມສະຫົງບ ຊຸດໃໝ່ເຊິ່ງມີຜູ້ລົງສະມັກ 17 ສະຫາຍ ແລະ ເລືອກເອົາ 15 ສະຫາຍໄດ້ຕາມລຳດັບຄາດໝາຍກອງປະຊຸມຄັ້ງປະຖົມມະລືກໄດ້ເຫັນດີເລືອກເອົາ ພົນຕີ ວັນທອງ ກອງມະນີ ເປັນເລຂາອົງຄະນະພັກ,ພົຈວ ປອ ສຸວັນນີ ສີສຸພາບມີໄຊ ເປັນຮອງເລຂາ ແລະ ພົຈວ ຄຳສາຍ ຈັນທະວົງ ເປັນປະທານກວດກາພັກກົມໃຫ່ຍການເມືອງປ້ອງກັນຄວາມສະຫງົບຊຸດໃໝ່.

ໃນໂອກາດທີ່ມີຄວາມໝາຍສຳຄັນ ສະຫາຍລັດຖະມົນຕີກະຊວງປ້ອງກັນຄວາມສະຫງົບ, ໄດ້ໂອ້ລົມໃຫ້ທິດຊື້ນຳຕໍ່ຄະນະພັກກົມໃຫ່ຍການເມືອງປ້ອງກັນຄວາມສະຫງົບຊຸດໃໝ່ວຽກງານທີ່ຈະຕ້ອງໄດ້ເອົາໃຈໃສ່.

Off

Comments are closed.