27th May2020

ຫ້ອງວ່າການສຳນັກງານປະທານປະເທດ ສະຫຼຸບການເຄື່ອນໄຫວ ວຽກງານຈັດຕັ້ງ ກໍ່ສ້າງພັກ-ພະນັກງານ

by somchan

ຫ້ອງວ່າການສຳນັກງານປະທານປະເທດ ໄດ້ຈັດກອງປະຊຸມສະຫຼູບການເຄື່ອນໄຫວ ວຽກງານຈັດຕັ້ງກໍ່ສ້າງພັກ-ພະນັກງານ ປະຈຳປີ 2019 ແລະ ວາງທິດທາງແຜນການປີ 2020 ໃນວັນທີ 26 ພຶດສະພາ 2020, ທີ່ຫ້ອງວ່າການປະທານປະເທດ, ໂດຍ ການເຂົ້າຮ່ວມຂອງສະຫາຍ ຄໍາເມິງ ພົງທະດີ ກໍາມະການສູນກາງພັກ, ເລຂາຄະນະພັກ, ລັດຖະມົນຕີ, ຫົວຫນ້າຫ້ອງວ່າການ໌ສຳນັກງານ ປະທານປະເທດ, ມີບັນດາເລຂາຄະນະພັກ-ຮອງເລຂາຄະນະພັກ, ປະທານ ກວດກາ ແລະ ພະນັກງານລັດຖະກອນເຂົ້າຮ່ວມ.

ສະຫາຍ ຄໍາຕາ ລາດຊະວົງ ເລຂາຫນ່ວຍພັກ, ຫົວຫນ້າກົມຈັດຕັ້ງກວດກາ ແລະ ໂຄສະນາ ໄດ້ ຍົກໃຫ້ເຫັນການເຄື່ອນໄຫວວຽກງານຈັດຕັ້ງ ພັກ-ພະນັກງານຂອງຫ້ອງວ່າການປະທານປະເທດ ໃນ ໄລຍະຜ່ານມາ, ຄະນະພັກ-ຄະນະນໍາ ໄດ້ເອົາໃຈໃສ່ສຶກສາອົບຮົມການເມືອງ-ແນວຄິດໂດຍໄດ້ມີ ການຈັດຕັ້ງເຜີຍແຜ່ບັນດາເອກະສານສໍາຄັນຕ່າງໆ ໃຫ້ພະນັກງານ-ລັດຖະກອນໄດ້ເຊື່ອມຊຶມ ແລະ ເຂົາໃຈຕໍ່ແນວທາງນະໂຍບາຍຂອງພັກ, ລະບຽບກົດຫມາຍຂອງລັດທີ່ວາງອອກໃນແຕ່ລະໄລຍະ. ພ້ອມ ດຽວກັນນັ້ນ ກໍໄດ້ເອົາໃຈໃສ່ກວດກາການປະຕິບັດລັດຖະທໍາມະນູນ, ກົດຫມາຍ ແລະ ລະບຽບການ ຕ່າງໆ ໂດຍສະເພາແມ່ນພາລະບົດບາດ, ວິໄນແຜນການ ການເງິນ ແລະ ອື່ນໆ ໂດຍຜ່ານການສ່ອງແສງ ປະຈໍາອາທິດ, ການຮ່ວມຊີວິດສໍາຫຼວດກວດກາຂອງກົມປະຈໍາເດືອນ, ນອກນັ້ນ ຫ້ອງວ່າການສຳນັກງານປະທານ ປະເທດ ຍັງໄດ້ເຮັດຫນ້າທີ່ເປັນເສນາທິການໃຫ້ແກ່ການນໍາຂັ້ນສູງ ໃນການປັບປຸງ, ຈັດຕັ້ງເພື່ອໃຫ້ ມີ ຄວາມຫນັກແໜ້ນ, ເຂັ້ມແຂງທາງດ້ານການປະຕິບັດ ເຊິ່ງສະແດງອອກຄື: ອົງຄະນະພັກຫ້ອງວ່າການສຳນັກງານ ປະທານປະເທດມີ 5 ຫນ່ວຍພັກ, ມີສະມາຊິກທັງຫມົດ 48 ສະຫາຍ, ຍິງ 18 ສະຫາຍ, ໃນນັ້ນ ມີ ສະມາຊິກພັກສົມບູນ 44 ສະຫາຍ, ຍິງ 14 ສະຫາຍ, ສໍາຮອງ 6 ສະຫາຍ, ຍິງ 3 ສະຫາຍ, ໃນໄລຍະ ຜ່ານມາ ໄດ້ກໍ່ສ້າງຫນ່ວຍພັກປອດໄສ, ເຂັ້ມແຂງ, ຫນັກແຫນ້ນ ປະຈໍາປີ 2019 ໂດຍໄດ້ມີການກວດກາຕີ ລາຄາແຜນສູ້ຊົນຂອງຕົນ ແລະ ໄດ້ຮັບໃບຢັ້ງຢືນເປັນຫນ່ວຍພັກປອດໄສ, ເຂັ້ມແຂງ ແລະ ຫນັກແຫນ້ນ ທັງຫມົດ 5 ຫນ່ວຍພັກ ແລະ ໄດ້ເອົາໃຈໃສ່ກວດກາຕີລາຄາຈັດແບ່ງປະເພດສະມາຊິກພັກ ປະຈໍາປີ 2019 ໄດ້ປະເພດແຂງ 34 ສະຫາຍ, ສ່ວນທິດທາງແຜນການໃນ ຕໍ່ຫນ້າ ແມ່ນຈະໄດ້ສືບຕໍ່ເອົາໃຈໃສ່ສຶກສາອົບຮົມການເມືອງ-ແນວຄິດໃຫ້ສະມາຊິກພັກ-ພະນັກງານ ໃຫ້ ມີແນວຄິດອຸ່ນອ່ຽງທຸນທ່ຽງ ເຊື່ອຫມັ້ນຕໍ່ການນໍາພາຂອງພັກ-ລະບຽບກົດຫມາຍຂອງລັດ, ສືບຕໍ່ຍົກ ລະດັບໃນການຈັດຕັ້ງປະຕິບັດຫນ້າທີ່ການເມືອງ ກໍ່ຄືພາລະບົດບາດການເປັນເສນາທິການໃຫ້ແກ່ ການເຄື່ອນໄຫວລັດຖະກິດຂອງປະທານປະເທດ ແລະ ຮອງປະທານປະເທດ ໂດຍມີການປະສານສົບ ທົບກັບພາກສ່ວນທີ່ກ່ຽວຂ້ອງ ເພື່ອເຮັດໃຫ້ການດໍາເນີນວຽກງານຮັບປະກັນໄດ້ຢ່າງຮອບດ້ານ ແລະ ມີ ຜົນສໍາເລັດຕາມແຜນການ ແລະ ລະດັບຄາດຫມາຍທີ່ວາງໄວ້, ສືບຕໍ່ເອົາໃຈໃສ່ສ້າງຫນ່ວຍພັກ ແລະ ສະ ມາສິກພັກ ປອດໄສ, ເຂັ້ມແຂງ, ຫນັກແຫນ້ນ. ພ້ອມທັງເອົາໃຈໃສ່ປະຕິບັດຕາມພາລະບົດບາດສິດ ແລະ ຫນ້າທີ່ຂອງຕົນໃຫ້ມີຄວາມສໍາເລັດເປັນກ້າວໆ

Off

Comments are closed.