28th May2020

ມອບ-ໂອນການຄຸມຄອງນາຍ ແລະ ພົນທະຫານ ນາຍ ແລະ ພົນຕຳຫຼວດໃຫ້ 2 ກອງບັນຊາການ

by somchan

ພິທີມອບ-ໂອນການຄຸມຄອງ ນາຍ ແລະ ພົນທະຫານ, ນາຍ ແລະ ພົນຕຳຫຼວດ ທີ່ໄດ້ຮັບນະໂຍບາຍອຸດໜູນບຳນານ, ເສຍອົງຄະຍ້ອນສູ້ຮົບ ລະຫວ່າງພະແນກແຮງງານ ແລະ ສະວັດດີການສັງຄົມ ແລະ ກອງບັນຊາການທະຫານ ແລະ ປກສ ແຂວງ ອຸດົມໄຊ ໄດ້ຈັດໃນວັນທີ 27 ພຶດສະພາ 2020 ນີ້ ໂດຍການເຂົ້າຮ່ວມຂອງ ທ່ານ ນາງ ໄຊສະຫວັນ ນັນທະໄຊ ຮັກສາການຫົວໜ້າພະແນກແຮງງານ ແລະ ສະວັດດີການສັງຄົມ ແຂວງ ມີ ພົອ ຄຳຢີນ ແສງສຸລີ ຫົວໜ້າການເມືອງ ກອງບັນຊາການທະຫານ ແຂວງ ແລະ ພັທ ບູນແພງ ລໍນິຈັນ ຫົວໜ້າກອງບັນຊາການ ປ້ອງກັນຄວາມສະຫງົບ ແຂວງ ມີພະແນກການ, ຫ້ອງການທີ່ກ່ຽວຂ້ອງເຂົ້າຮ່ວມ.

ດຣ ດ້ວງ ເກດເຮືອງສີ ຮອງຫົວໜ້າສູນບໍລິການ ກອງທືນປະກັນສົງຄົມ ແຂວງ ໄດ້ຜ່ານລາຍງານກ່ຽວກັບການສັງລວມຂໍ້ມູນຂອງພະນັກງານບຳນານ ແລະ ພົນທະຫານ, ນາຍ ແລະ ພົນຕຳຫຼວດ ພະນັກງານເສຍອົງຄະຍ້ອນການສູ້ຮົບ ແລະ ຮັບໃຊ້ການສູ້ຮົບທີຖືກມອບໂອນ ຄວາມຮັບຜິດຊອບໃຫ້ ກອງບັນຊາການທະຫານ ແລະ ປກສ ແຂວງ ເພື່ອສືບຕໍ່ຄຸ່ມຄອງ ຕາມແນວທາງນະໂຍບາຍຂອງພັກ, ລັດຕໍ່ໄປ, ໃຫ້ມີຄວາມຖືກຕ້ອງສອດຄອງກັບສະພາບການ ປະຈຸບັນ, ມີນາຍ ແລະ ພົນທະຫານ, ນາຍ ແລະ ພົນຕຳຫຼວດ ທີໄດ້ຮັບອຸດໜູນບຳນານເສຍອົງຄະຍ້ອນການສູ້ຮົບ ແລະ ຮັບໃຊ້ສູ້ຮົບທີໄດ້ມອບໂອນ ທັງໝົດ 375 ສະຫານ ໃນນີ້ມີນາຍ ແລະພົນທະຫານ 93 ສະຫາຍ ລູກພະນັກງານບຳນານ, ເສຍອົງຄະທີຍັງບໍ່ທັນພົບສົບ 75 ຄົນ, ແລະ ນາຍພົນຕຳຫຼວດ 20 ຄົນ, ໃນໂອກາດດຽວກັນກໍ່ໄດ້ຮ່ວມລົງນາມເຊັ້ນບົດບັນທືກການມອບ-ໂອນ ລະຫວ່າງທ່ານ ນາງ ໄຊສະຫວັນ ນັນທະໄຊ, ພັອ ຄຳຢີນ ແສງສຸລີ, ພັທ ບຸນແພງ ລໍນິຈັນ.

Off

Comments are closed.