07th Aug2020

ປະກາດແຕ່ງຕັ້ງຫົວຫນ້າກອງບັນຊາການປ້ອງກັນທີ່ຕັ້ງ

by somchan

ກອງບັນຊາການ ປ້ອງກັນທີ່ຕັ້ງ ກະຊວງປ້ອງກັນຄວາມສະຫງົບ ໃດ້ຈັດພິທີປະກາດແຕ່ງຕັ້ງ : ຫົວຫນ້າຫ້ອງບັນຊາການປ້ອງກັນທີ່ຕັ້ງ ໃນວັນທີ 28 ກໍລະກົດ 2020 ນີ້ ໂດຍການເປັນກຽດເຂົ້າ ຮວມຂອງ ພົຕ ປອ ທອງເຫລັກ ມັງຫນໍ່ເມກ ຮອງ ລັດຖະມົນຕີກະຊວງປ້ອງກັນຄວາມສະຫງົບ

 ມີບັນດາຄະນະພັກຄະນະບັນຊາ ຄະນະກອງຮ້ອຍ, ໂຮງຮຽນ ຫົວຫນ້າ-ຮອງພະແນກແລະພະນັກງານຫລັກ ແຫລງເຂົ້າຮ່ວມ.

ພ້ອ ຄອນສະຫວັນ ສົມພາໄຊ ຫົວຫນ້າກົມຈັດຕັ້ງພະນັກງານ ກົມໃຫຍ່ການເມືອງ ປກສ ໃດ້ ຜ່ານດໍາລັດຂອງນາຍຍົກລັດຖະມົນຕີ ວ່າດ້ວຍການແຕ່ງຕັ້ງຫົວຫນ້າກອງບັນຊາການປ້ອງກັນທີ່ຕັ້ງ ກະຊວງ ປກສ ໃນນີ້ແຕ່ງຕັ້ງ ຜອ ໄຊສີ ແກ້ວສະຫງ່າ ເປັນຫົວຫນ້າກອງບັນຊາການປ້ອງກັນທີ່ຕັ້ງ ການປະກາດແຕ່ງຕັ້ງໃນຄັ້ງນີ້ ແມ່ນອີງໄສ່ຄວາມຮຽກຮ້ອງຕ້ອງການຂອງຫນ້າທີ່ການເມືອງໃນໄລຍະ ໃຫມ່ ເພື່ອສືບຕໍ່ຊີ້ນໍາ-ນໍາພາພະນັກງານນັກຮົບແຕ່ລະຂັ້ນ ປະຕິບັດຫນ້າທີ່ວິຊາສະເພາະໃຫ້ມີຜົນສໍາເລັດສູງ.

ໂອກາດນີ້ທ່ານຮອງ ລ.ມ.ຕ ຍັງໃດ້ເນັ້ນຫນັກໃຫ້ຫົວຫນ້າກອງບັນຊາການຜູ້ໄຫມເອົາໃຈໄສ ປັບປຸງກໍ່ສ້າງກໍາລັງໃຫ້ເຕີບໄຫຍ່ເຂັ້ມແຂງມີແບບແຜນທີ່ທັນສະໄຫມ ເພື່ອຮັບໄຊ້ຊາດ-ຮັບໄຊ້ ປະຊາຊົນໃຫ້ມີຄວາມປອດໄພໂດຍພື້ນຖານ.ເພີ່ມຄວາມສາມັກຄີພາຍໃນໃຫ້ເປັນຈິດຫນຶ່ງໃຈດຽວ, ສຶກສາອົບຮົມການເມືອງແນວຄິດໃຫ້ພະນັກງານນັກຮົບເປັນປົກກະຕິແລະຕໍ່ ເນື່ອງ ມີນໍ້າໃຈ ເສຍສະຫລະ ຮັບປະກັນຄວາມປອດໄພຮອບດ້ານໃຫ້ແກ່ສໍານັກງານອົງການ ສະຖານທູດ ວັດຖຸທີ່ມີຄ່າ ກອງປະຊຸມລະດັບຊາດ-ສາກົນ ໃຫ້ມີຄວາມສະຫງົບປອດໄພ ເອົາໃຈໃສ່ກໍ່ສ້າງພະນັກງານສືບທອດ ປ່ຽນແທນໃຫ້ມີຄຸນນະພາບສູງ.

Off

Comments are closed.