07th Aug2020

ກອງປະຊຸມຄົ້ນຄ້ວາປືກສາຫາລື ຄະນະຮັບຜິດຊອບຊີ້ນຳ ກໍ່ສ້າງຮາກຖານການເມືອງ

by somchan

ກອງເສນາກໍ່ສ້າງຮາກຖານການເມືອງ ນະຄອນຫຼວງວຽງຈັນ ຈັດກອງປະຊຸມຄົ້ນຄ້ວາປືກສາຫາລື ຄະນະຮັບຜິດຊອບຊີ້ນຳ ກໍ່ສ້າງຮາກຖານການເມືອງ ນະຄອນຫຼວງວຽງຈັນ ໃນວັນທີ 3 ສິງຫາ 2020 ນີ້ ທີສະໂມສອນກອງບັນຊາການ ປກສ ນະຄອນຫຼວງວຽງຈັນ ໂດຍການເຂົ້າຮ່ວມເປັນກຽດຂອງ ພົຈວ ຄຳສາຍ ຈັນທະວົງ ຮອງຫົວໜ້າກົມໃຫ່ຍການເມືອງປ້ອງກັນຄວາມສະຫງົບ  ຮອງຫົວໜ້າຄະນະຮັບຜິດຊອບຊີ້ນຳວຽກງານ ກໍ່ສ້າງຮາກຖານ ການເມືອງ ນະຄອນຫຼວງວຽງຈັນ ມີຄະນະຊີ້ນຳກອງເສນາກໍ່ສ້າງຮາກຖານ ແລະ ຄະນະຮັບຜິດຊອບທີ່ກ່ຽວຂ້ອງເຂົ້າຮ່ວມ.

ພັອ ຈັນຫອມ ແກ້ວສຸລະໄຊ ຮອງຫົວໜ້າກອງບັນຊາການ ປກສ ນະຄອນຫຼວງວຽງຈັນ ຫົວໜ້າກອງເສນາກໍ່ສ້າງຮາກຖານການເມືອງ ນະຄອນຫຼວງວຽງຈັນ ໄດ້ກ່າວວ່າ ເນື້ອໃນເອກກະສານທີນຳມາຄົ້ນຄ້ວາ ປືກສາຫາລືໃນກອງປະຊຸມໃນຄັ້ງນີ້ ມີຜົນສຳເລັດບາງວຽກງານ ໃນການຈັດຕັ້ງປະຕິບັດ ວຽກງານກໍ່ສ້າງຮາກຖານ ແລະ ວຽກງານຈຸດສຸມທີຈະສືບຕໍ່ປະຕິບັດໃນຕໍ່ໜ້າເຊັ້ນ: ການແຕ່ງຕັ້ງຄະນະກອງຮ້ອຍ, ກອງເສນາເມືອງ ຮູບແບບແລະເນື້ອໃນ ໃບຢັ້ງຢືນລົງກໍ່ສ້າງຮາກຖານ, ການຄົ້ນຄ້ວາຍົກຍ້າຍ, ຊັບຊ້ອນພະນັກງານຮາກຖານຢູ່ບາງກອງຮ້ອຍ ການສະເໜີນະໂຍບາຍເລື່ອນຊັ້ນ ໃຫ້ພະນັກງານລົງກໍ່ສ້າງຮາກຖານ ແລະ ວຽກງານສຳຄັນອື່ນໆ ພ້ອມນີ້ຜູ້ແທນກອງປະຊຸ່ມ ໄດ້ສຸມທຸກສະຕິປັນຍາຄວາມຮູ້ຄວາມສາມາດ ຂອງຕົນປະກອບຄຳເຫັນເຂົ້າໃສ່ໃນແຕ່ລະວຽກງານດ້ວຍຄວາມຮັບຜິດຊອບສູງ ມີເນື້ອໃນຄວາມໝາຍເລີກເຊີ່ງ ແລະ ກົງໄປກົງມາເພື່ອພ້ອມກັນປັບປຸງຈຸດອ່ອນ ຂໍ້ຄົງຄ້າງທີເຮັດບໍ່ທັນໄດ້ດີໃນໄລຍະຜ່ານມາໃຫ້ດີຂື້ນກ່ວາເກົ່າ ກອງປະຊຸມໄດ້ເຫັນດີເປັນເອກກະພາບຕໍ່ການປະກອບຄຳເຫັນຂອງຜູ້ແທນກອງປະຊຸມ ແລະ ຈະນຳເອົາເນືອໃນຈິດໃຈການປະກອບຄຳເຫັນຂອງຜູ້ແທນກອງປະຊຸມໃນຄັ້ງນີ້ ນຳໄປປັບປຸງ ເຂົ້າໃສ່ໃນແຕ່ລະວຽກງານໃຫ້ມີເນື້ອໃນຄົບຖ້ວນສົມບູນ ແລະ ນຳໄປຈັດຕັ້ງປະຕິບັດເຂົ້າໃນໜ້າທີວຽກງານວິຊາສະເພາະຕົວຈິງໃນການລົງກໍ່ສ້າງຮາກຖານ ຢູ່ນະຄອນຫຼວງວຽງຈັນ ໃນຊຸດນີ້ໃຫ້ໄດ້ຮັບໝາກຜົນສູງສຸດ.

Off

Comments are closed.