07th Aug2020

ແມ່ຍິງກົມໃຫຍ່ການເມືອງສະຫລຸບວຽກງານ 6 ເດືອນຕົ້ນ ປີ 2020

by somchan

ສະຫະພັນແມ່ຍີງ ກົມໃຫຍ່ການເມືອງ ປກສ ໄດ້ຈັດກອງປະຊຸມສະຫຼຸບວຽກງານ 6 ເດືອນຕົ້ນປີ ແລະ ທິດທາງແຜນການ 6 ເດືອນທ້າຍປີ 2020 ໃນວັນທີ 4 ສິງຫາ 2020 ໂດຍການ ເປັນປະທານຂອງ ອ ນາງ ຈັນເດືອນ ເທພະວົງ ຄະນະບໍລິຫານງານສະຫະພັນແມ່ຍິງກະຊວງ ປະທານ ສະຫະພັນແມ່ຍິງກົມໃຫຍ່ການເມືອງ ປກສ ເປັນກຽດເຂົ້າຮ່ວມຂອງ ພົຈວ ຄໍາສາຍ ຈັນທະວົງ ຮອງຫົວຫນ້າ ກົມໃຫຍ່ການເມືອງ ປກສ ມີຄະນະສະຫະພັນແມ່ຍິງ, ຫນ່ວຍແມ່ຍິງອ້ອມຂ້າງຕະຫຼອດຮອດສະມາຊິກ ແມ່ຍິງກົມໃຫຍ່ການເມືອງເຂົ້າຮ່ວມ

ພັທ ນາງ ຄໍາວັນ ຈັນທະວົງ ຮອງປະທານສະຫະພັນແມ່ຍິງກົມໃຫຍ່ການເມືອງໃດ້ຜ່ານບົດ ລາຍງານຕໍ່ກອງປະຊຸມ ທ່ານໃຫ້ຮູ້ວ່າ: ໃນໄລຍະ 6 ເດືອນຜ່ານມາ ຄະນະສະຫະພັນແມ່ຍິງກົມໃຫຍ່ ການເມືອງ ປກສ ໄດ້ຖືເອົາວຽກງານສຶກສາອົບຮົມການເມືອງ-ແນວຄິດ ປຸກລະດົມເອື້ອຍນ້ອງແມ່ຍິງເຂົ້າຮ່ວມເຊື່ອມຊຶມແນວທາງນະໂຍບາຍຂອງພັກ,ກົດຫມາຍຂອງລັດ, ມະຕິຄໍາສັ່ງຕ່າງໆ ເພື່ອເຮັດໃຫ້ສະມາຊິກແມ່ຍິງຮັບ ຮູ້ເຂົ້າໃຈ ແລະ ເປັນເຈົ້າການໃນການປະກອບສ່ວນຢ່າງຕັ້ງຫນ້າເຂົ້າໃນວຽກງານຮອບດ້ານ ພ້ອມທັງ ຈັດຕັ້ງປະຕິບັດໃຫ້ມີຜົນສໍາເລັດຕິດພັນກັບການຈັດຕັ້ງປະຕິບັດຂໍ້ແຂ່ງຂັນ 3 ດີ ສາມາດເຮັດສໍາເລັດຫຼາຍດ້ານສະແດງອອກ ວຽກງານຫ້ອງການບໍລິຫານ ແລະ ວຽກງານການເມືອງ ເປົກຈາຍອຸປະກອນເຄື່ອງໃຊ້ຕ່າງໆໄດ້ 1.470 ຄັ້ງ, ເບີກຈ່າຍເງິນເດືອນ, ເງິນອຸດຫນູນບໍານານ ແລະ ເງິນຮວງຕ່າງໆຢ່າງເປັນປົກກະຕິ, ວຽກງານໂຄສະນາ, ສື່ມວນຊົນ ແລະ ກິລາ ສາມາດພິມ ແລະ ຈໍາຫນາຍວາລະສານ ປກສ 7.500 ສະບັບ; ຫນັງສືພິມ 30.000 ສະບັບ, ຂຽນບົດ-ຂຽນຂ່າວ, ອ່ານຂ່າວ-ອ່ານບົດໄດ້ 3.544 ຂ່າວ, ກວດບົດອອກລາຍການຕ່າງໆໄດ້ 4.225 ບົດ, ຜະລິດລາຍການອອກອາກາດສົດ, ຕັດຕໍ່ພາບ, ຕັດຕໍ່ສຽງ, ຕັດຕໍ່ລາຍການວິທະຍຸ-ໂທລະພາບ, ບັນທຶກ ພາບ ແລະ ຖ່າຍທໍາລາຍການໄດ້ 1,472 ຄັ້ງ, ຈັດລາຍການໂທລະພາບ ແລະ ຈັດຫນ້າຫນັງສືພິມໄດ້ 100 ຄັ້ງມີ 230 ເທື່ອຄົນ ພິເສດແມ່ນໄດ້ເຄື່ອນໄຫວເກັບກໍາຂ່າວພາກສະຫນາມ ສໍາພາດກ່ຽວກັບການເຄື່ອນໄຫວຂອງຄະນະສະເພາະກິດຕ້ານພະຍາດໂຄວິດ 19 ໄດ້ 116 ຄັ້ງ ແລະ ວຽກງານອື່ນໆມີຜົນສໍາເລັດ, ສ້າງໄດ້ສະມາຊິກແມ່ຍີງ 3 ດີ ປະເພດ 1 ມີ 509 ສະຫາຍ ປະເພດ 2 ມີ 29 ສະຫາຍ ແລະ ປະເພດ 3 91 ສະຫາຍ

ສ້າງໄດ້ສະມາຊິກແມ່ຍີງຕົວແບບວິຊາສະ ເພາະມີ 2 ສະຫາຍ, ຕົວແບບເສດຖະກິດມີ 3 ສະຫາຍ ຫນ່ວຍສະຫະພັນແມ່ຍິງ 3 ດີ ປະເພດ 1: ມີ 15 ໜ່ວຍ ຕີລາຄາສະຫະພັນແມ່ຍິງກົມໃຫຍ່ການເມືອງ ປກສ ເປັນສະຫະພັນແມ່ຍິງ 3 ດີ ປະເພດ 1

ໃນຕໍ່ຫນ້າແມ່ນຈະສືບຕໍ່ປຸກລະດົມໃຫ້ສະມາຊິກສະຫະພັນແມ່ຍິງທຸກຄົນ ຕັ້ງຫນ້າປະຕິບັດຫນ້າທີ່ | ວຽກງານວິຊາສະ ເພາະບໍາການຈັດຕັ້ງມອບຫມາຍໃຫ້ດ້ວຍຄວາມຮັບຜິດຊອບສູງ, ເອົາໃຈໃສ່ປັບປຸງ ແບບແຜນວິທີເຮັດວຽກ, ເສີມຂະຫຍາຍຫົວຄິດປະດິດສ້າງຂອງຕົນເຂົ້າໃນຫນ້າທີ່ວຽກງານວິຊາສະເພາະ ໃຫ້ມີຜົນສໍາເລັດ ແລະ ປະສິດທິຜົນສູງ; ຕັ້ງຫນ້ານໍາພາຂະບວນການປະຕິບັດຂໍ້ແຂ່ງຂັນ 3 ດີຄື:

ພົນລະເມືອງດີ, ພັດທະນາດີ, ຄອບຄົວດີຂອງແມ່ຍິງລາວຕິດພັນກັບການປະຕິບັດຂໍ້ແຂ່ງຂັນລວມຂອງ ແມ່ຍິງກະຊວງ ແລະ ຂອງກົມກອງວາງອອກ, ນໍາເອົາເນື້ອໃນຂໍ້ແຂ່ງຂັນ 3 ດີ ເປັນເນື້ອໃນເຂົ້າໃນການ ສໍາຫຼວດກວດກາ, ຕີລາຄາແບ່ງປະເພດບຸກຄົນໃນແຕ່ລະເດືອນ,ເເຕ່ລະໄລຍະ, ສ້າງບຸກຄົນດີ, ຄອບຄົວ ດີ ແລະ ຫນ່ວຍ 3 ດີໃຫ້ເພີ່ມຂື້ນທັງຮັບປະກັນທາງດ້ານຄຸນະພາບ ແລະ ປະລິມານ.

 

Off

Comments are closed.