07th Aug2020

6 ເດືອນຕົ້ນປີ 2020 ທົ່ວປະເທດ ມີອັກຄີໄພເກີດຂື້ນທັງຫມົດ 116 ຄັ້ງ

by somchan

ພັທ ວິລະພອນ ວົງຄໍາມຸນຕີ ຫົວຫນ້າກົມຕໍາຫລວດສະກັດກັ້ນແລະຕ້ານອັກຄີໄພ ກົມໃຫຍ່ , ຕໍາຫລວດກະຊວງ ປກສ ໄດ້ໃຫ້ສໍາພາດວ່າ 6 ເດືອນຕົ້ນປີ 2020 ຄະນະພັກຄະນະບັນຊາກົມ ໄດ້ – ເອົາໃຈໃສ່ໃນການສຶກສາອົບຮົມ ພະນັກງານ-ນັກຮົບໃຫ້ມີຄວາມໜັກແໜ້ນໃນດ້ານການເມືອງແນວຄິດ ພ້ອມທັງໄດ້ສຸມໃສ່ການຊີ້ນໍາ – ນໍາພາພະນັກງານ-ນັກຮົບ ພາຍໃນກົມປະຕິບັດຫນ້າທີ່ວິຊາສະເພາະດ້ວຍຄວາມ 5 ຮັບຜິດຊອບສູງສະແດງອອກ ໄດ້ຈັດຕັ້ງປະຈໍາການກຽມພ້ອມຕະຫລອດ 24 ຊົ່ວໂມງ, ອອກມອດໄຟຊ່ວຍພະແນກສະກັດກັ້ນແລະຕ້ານອັກຄີໄພນະຄອນຫລວງວຽງຈັນ ໄດ້ 8 ຄັ້ງ, ປ້ອງກັນກອງປະຊຸມຕ່າງໆ, ງານບຸນປະເພນີ 9 ຄັ້ງໃຊ້ລົດມອດໄຟ 18 ຄັນ, ຈໍານວນພົນ 72 ສະຫາຍ, ຝຶກຊ້ອມຍຸດທະວິທີສູ້ຮົບ ໕ ມອດໄຟໃຫ້ພະນັກງານນັກຮົບໄດ້ 6 ຄັ້ງ ມີ 65 ສະຫາຍ, ເຄື່ອນໄຫວໂຄສະນາວຽກງານສະກັດກັ້ນ ແລະ ຕ້ານອັກຄີໄພຢູ່ບັນດາ ໂຮງຮຽນ, ໂຮງຈັກ, ໂຮງງານ, ສໍານັກງານອົງການ, ປ້ຳນ້ໍາມັນ ແລະ ສະຖານທີ່ສໍາຄັນອື່ນໆໄດ້ 30 ຄັ້ງ, ນອກຈາກນີ້ກໍ່ໄດ້ເອົາໃຈໃສ່ກວດກາ, ສ້ອມແປງ ແລະ ບົວລະບັດຮັກສາພາຫະນະ-ອຸປະກອນມອດໄຟ ແລະ ໄພໃຫ້ຢູ່ໃນສະພາບກຽມພ້ອໃຊ້ຢູ່ສະເຫມີ, 6 ເດືອນຜ່ານມາທົ່ວປະເທດ ມີອັກຄີໄພເກີດຂື້ນທັງຫມົດ 116 ຄັ້ງ ເຊິ່ງໄດ້ສ້າງຜົນເສຍຫາຍໃຫ້ແກ່ຊີວິດ, ຊັບສິນຂອງລັດ, ຂອງລວມຫມູ່ ແລະ ປະຊາຊົນເປັນຈໍານວນຫລວງຫລາຍ ໃນນີ້ມີຄົນເສຍຊີວິດ 6 ຄົນ ບາດເຈັບ 3 ຄົນ ເຮືອນຖືກໄຟໄຫມ້ຫມົດ 56 ຫລັງ, ຫໍພັກ 10 ຫ້ອງ,ຫ້ອງນອນ 2 ຫ້ອງ,ກຸດຕິ ວັດ 9 ຫລັງ,ຮ້ານຂາຍເຄື່ອງ 4 ຮ້ານ,ຮ້ານອາຫານ 1 ຮ້ານ,ຮ້ານສ້ອມແປງລົດ 1 ຮ້ານ, ໂຮງສີເຂົ້າ 1. ຫລັງ, ໂຮງງານ 4 ຫລັງ, ໄຫມ້ລົດໃຫຍ່ 14 ຄັນ, ລົດໄຖນາ 3 ຄັນ,ລົດຈັກ 9 ຄັນ, ໄຫມ້ສວນ ຢາງພາລາ,ສວນຫມາກພຸກ,ສວນຊາ,ສວນຫມາກແຫນ່ງ ລວມເນື້ອທີ່ທັງຫມົດ 110 ເຮັກຕາ ລວມ ມູນຄ່າເສຍຫາຍ 77 ຕື້ 300 ລ້ານກວ່າກີບ, ສາເຫດ ເກີດຈາກໄຟຟ້າລັດວົງຈອນ 57 ຄັ້ງ.ເລີນເລີ້ ຂາດສະຕິ 25 ຄັ້ງ, ຂາດຄວາມຮັບຜິດຊອບ 17 ຄັ້ງ, ຄົນຈຸດ 9 ຄັ້ງ, ໄພທໍາມະຊາດ 2 ຄັ້ງ.

ທ່ານຍັງໃຫ້ຮູ້ຕື່ມອີກວ່າ: ໃນຕໍ່ຫນ້າ ຄະນະພັກ-ຄະນະບັນຊາກົມຕຳຫຼວດສະກັດກັ້ນ ແລະ ຕ້ານອັກຄີໄພ ຈະສືບຕໍ່ສຸມໃສ່ສຶກສາອົບຮົມການເມືອງ-ນໍາພາແນວຄິດ ໃຫ້ພະນັກງານ-ນັກຮົບຢ່າງທົ່ວເຖີງ, ຄຸ້ມຄອງ ຊີ້ນໍາ – ນໍາພາວຽກງານວິຊາສະເພາະໃນແຕ່ລະທ້ອງຖິ່ນຕາມພາລະບົດບາດ , ຄົ້ນຄວ້າສ້າງນິຕິກໍາ, ບັນດາເອກະສານຕ່າງໆ ເພື່ອຮັບໃຊ້ເຂົ້າໃນການເຄື່ອນໄຫວວຽກງານວິຊາສະເພາະ, ສຸມໃສ່ຈັດຕັ້ງປະຕິບັດບັນດາໂຄງການ ເຊັ່ນ: ໂຄງການສ້າງຕຶກຫ້ອງການກົມ, ສູນບັນຊາ ແລະ ຈັດຊື້

ພາຫະນະ-ອຸປະກອນມອດໄຟ ແລະ ກູ້ໄພ ທີ່ຍັງບໍ່ທັນສໍາເລັດ, ໂຄງການສ້າງສະຖານີ ແລະ ຈັດຊື້ ພາຫະນະ-ອຸປະກອນ ໃຫ້ນະຄອນຫຼວງວຽງຈັນ ແລະ ຫຼວງພະບາງ, ສຸມໃສ່ການ ຮຽນ-ການສອນ ໂຮງຮຽນນາຍສິບຕໍາຫຼວດສະກັດກັ້ນ ແລະ ຕ້ານອັກຄີໄພ ໃຫ້ໄດ້ຕາມລະດັບ ຄາດຫມາຍ.

Off

Comments are closed.