10th Aug2020

ກະະຊວງ ຖະແຫຼງຂ່າວ,ວັດທະນາທຳ ແລະ ທ່ອງທ່ຽວ ປະກາດປັບປຸງການຈັດຕັ້ງ

by somchan

ກະຊວງຖະແຫລງຂ່າວ, ວັດທະນະທໍາ ແລະ ທ່ຽວທ່ຽວ (ຖວທ) ໄດ້ປະກາດປັບປຸງການຈັດຕັ້ງ ໃນ ວັນທີ 7 ສິງຫາ 2020 ຢູ່ຫໍວັດທະນະທໍາແຫ່ງຊາດ ພາຍໃຕ້ການເປັນປະທານຂອງ ທ່ານ ກິແກ້ວ ໄຂຄໍາພິທູນ ລັດຖະມົນຕີ ກະຊວງຖະແຫລງຂ່າວ, ວັດທະນະທໍາ ແລະ ທ່ອງທ່ຽວ ໂດຍມີບັນດາຮອງລັດຖະມົນຕີ, ຫົວຫນ້າກົມ, ຮອງຫົວຫນ້າກົມ, ພ້ອມດ້ວຍພະນັກງານລັດຖະກອນອ້ອມຂ້າງທີ່ກ່ຽວຂ້ອງເຂົ້າຮ່ວມ.

ໃນພິທີໄດ້ຜ່ານດໍາລັດຂອງນາຍຍົກລັດຖະມົນຕີ ວ່າດ້ວຍການແຕ່ງຕັ້ງ ທ່ານ ວັນໄຊ ຕະວັນ ຍານ ເປັນຫົວຫນ້າບັນນາທິການໃຫຍ່ຫນັງສືພິມປະຊາຊົນ, ທ່ານ ສົມສະຫວາດ ພົງສາ ເປັນ ຫົວຫນ້າກົມສື່ມວນຊົນ, ທ່ານ ຄໍາເພົ້າ ວັນນະວົງ ເປັນຫົວຫນ້າກົມຮູບເງົາ, ທ່ານ ນາງ ດາລານີ ພົມມະວົງສາ ເປັນຫົວຫນ້າກົມຄຸ້ມຄອງການກ່ອງທ່ຽວ, ທ່ານ ຄໍາສຸກ ແກ້ວວົງ ຊາຍ ເປັນຜູ້ອໍານວຍການສະຖາບັນວິຈິດສິນແຫ່ງຊາດ ແລະ ທ່ານ ຄໍາເຜີຍ ມີລາເປັນ ຜູ້ອໍານວຍການໃຫຍ່ສໍານັກຂ່າວສານປະເທດລາວ ແລະ ໄດ້ຜ່ານຂໍ້ຕົກລົງຂອງ ລັດຖະມົນຕີ ກະຊວງ ຖວທ ວ່າດ້ວຍການແຕ່ງຕັ້ງ ທ່ານ ບົວໄລ ພານຸວົງ ເປັນຜູ້ວ່າການທົ່ວຫນ້າຫ້ອງການ, ທ່ານ ຄໍາພັນ ພົນທອງສີ ເປັນຜູ້ວ່າການຫົວຫນ້າກົມສິລະປະການສະແດງ, ທ່ານຄົມ ດວງ ເປັນຜູ້ວ່າການຫົວຫນ້າກົ້ມໂຄສະນາ ການທ່ອງ່ທ່ຽວ ທ່ານຄຳຫຼ້າ ຍອຍສາຄຳ, ເປັນຜູ້ວ່າການຫົວຫນ້າທະຖາບັນສື່ມວນຊົນ,ວັດທະນາທຳ ແລະ ທ່ອງທ່ຽວ, ທ່ານ ນາງ ວັນສີ ຈະເລີນສຸກ

ເປັນຮອງຫົວຫນ້າກົມສີລະປະການສະແດງ ແລະ ທ່ານ ວຽງພອນ ສຸກຂະວົງ ເປັນຜູ້ອຳນວຍການໂຮຽຮຽນສີລະປະແຫ່ງຊາດ.ພ້ອມນີ້ຍັງໄດ້ຜ່ານດຳລັດຂອງນາຍົກລັດຖະມົນຕີ ວ່າດ້ວຍການອະນຸມັດ ໃຫ້ພະນັກງານຂອງກະຊວງ ຖະແຫຼ່ງຂ່າວວັດທະນາທຳ ແລະ ທ່ອງທ່ຽວ ອອກພັກການ-ຮັບອຸດໜູນບຳນານຈຳນວນ 11 ທ່ານ

ໂອກາດດັ່ງກ່າວ ທ່ານ ກິແກັວ ໄຂຄຳພິທູນ ລມຕ ກະຊວງຖະແຫຼ່ງຂ່າວວັດທະນາທຳ ແລະ ທ່ອງທ່ຽວ ໄດ້ໃຫ້ກຽດໂອ້ລົມ ໃນຄັ້ງນີ້ ເພື່ອຍົກລະດັບຄວາມສາມາດໃນການຈັດຕັ້ງປະຕິບັດໜ້າທີການເມືອງຂອງພັກ-ລັດມອບໝາຍ ໃຫ້ຮັບໝາກຜົນຍິງຂື້ນ ພ້ອມກັນນັ້ນ ກໍ່ໄດ້ສະແດງຄວາມຊົມເຊີຍບັນດາສະຫາຍທີໄດ້ຮັບອະນຸມັດອອກພັກການ-ຮັບອຸດໜູນບຳນານ ທີມີຜົນງານ ແລະ ໄດ້ອຸທິດເຫື່ອແຮງ ແລະ ສະຕິປັນຍາເຂົ້າໃນການປະຕິບັດໜ້າທີວຽກງານໃນການພັດທະນາປະເທດຊາດຕະຫຼອດຫຼາຍປີຜ່ານມາ ແລະ ກໍ່ໄດ້ສະແດງຄວາມຊົມເຊີຍ ຕໍ່ຜູ້ທີໄດ້ຮັບໜ້າທີ່ໃໝ່ ເພື່ອສືບຕໍ່ພາລະກິດປະຕິວັດ ແລະ ສືບຕໍ່ນຳພາໜ້າທີວຽກງານໃຫ້ສຳເລັດແນ່ໃສ່ປະກອບສ່ວນສຳຄັນເຂົ້າໃນພາລະກິດຂອງພັກ-ລັດ ໃຫ້ບັນລຸເປົ້າໝາຍ.

 

Off

Comments are closed.