12th Aug2020

ກົມໃຫ່ຍຕຳຫຼວດ ກະຊວງ ປກສ ເຊື່ອມຊືມວຽກງານຕ້ານສະກັດກັ້ນການຟອກເງີນ

by somchan

ກົມໃຫ່ຍຕຳຫຼວດ ກະຊວງປ້ອງກັນຄວາມສະຫງົບ ໄດ້ເຊື່ອມຊືມວຽກງານຕ້ານສະກັດກັ້ນການຟອກເງີນ ແລະ ການສະໜອງທືນໃຫ້ແກ່ການກໍ່ການຮ້າຍ ໃນວັນທີ 11 ສິງຫານີ້ ເປັນກຽດເຂົ້າຮ່ວມຂອງ ພົຈວ ຄຳກິ່ງ ຜຸຍຫຼ້າມະນີວົງ ຫົວໜ້າກົມໃຫ່ຍຕຳຫຼວດ ມີທ່ານ ຈິນດາໄມ ວິໄລຫົງ ຮອງຫົວໜ້າສຳນັກງານຂໍ້ມູນ ຕ້ານການຟອກເງີນ, ມີຄະນະພັກ-ຄະນະບັນຊາ, ພະນັກງານຫຼັກແຫຼ່ງ ກົມກອງອ້ອມຂ້າງເຂົ້າຮ່ວມ.

ພົຈວ ຄຳກິງ ຜຸຍຫຼ້າມະນີວົງໄດ້ກ່າວວ່າ: ຈຸດປະສົງໃນການເຜີຍແຜ່ເຊື່ອມຊືມໃນຄັ້ງນີ້ ເພື່ອເປັນການເຜີຍແຜ່ວຽກງານຕ້ານການຟອກເງີນ ແລະ ການສະໜອງທືນໃຫ້ການກໍ່ການຮ້າຍ ເພື່ອເຮັດໃຫ້ວຽກງານດັ່ງກ່າວດຳເນີນໄປຢ່າງມີປະສິດທິຜົນ ແລະ ສອດຄ່ອງຕາມລະບຽບກົດໝາຍ ແລະ ຖືກຕ້ອງຊັດເຈນ ຫຼັງຈາກນັ້ນ ທ່ານ ຈິນດາໄມ ວິໄລຫົງ ຮອງຫົວໜ້າສຳນັກງານຂໍ້ມູນຕ້ານການຟອກເງີນ ໄດ້ນຳສະເໜີພາບລວມການຈັດຕັ້ງປະຕິບັດວຽກງານຕ້ານການຟອກເງີນ ແລະ ການສະໜອງທືນໃຫ້ແກ່ການກໍ່ການຮ້າຍ ເປັນຕົ້ນຂະບວນການຈັດຕັ້ງວຽກງານ ຢູ່ໃນ ສປປ ລາວ ທີປະກອບມີຄະນະກຳມະການແຫ່ງຊາດ ແລະ ຄະນະວິຊາການຮັບຜິດຊອບຈາກແຕ່ລະພາກສ່ວນ ທີຕິດພັນ 13 ກະຊວງ ສິດໜ້າທີຂໍ້ມູນຕ້ານການຟອກເງີນ ແມ່ນການວິເຄາະຂ່າວໂດຍການເກັບຂໍ້ມູນ, ການວິເຄາະການເຜີຍແຜ່ການດຳເນີນຄະດີສະຖານນະການຟອກເງີນຄຽງຄູ່ກັບການດຳເນີນຄະດີສະຖານຄວາມຜິດທາງອາຍາຕ່າງໆ ແລະ ການຕິດຕາມກວດກາບັນດາຫົວໜ່ວຍທີມີໜ້າທີລາຍງານ ຊຸກຍູ້ໃຫ້ບັນດາຫົວໜ່ວຍທີມີໜ້າທີລາຍງານປະຕິບັດ ພັນທະວຽກງານຕ້ານການຟອກເງີນ ແລະ ສະໜອງທືນໃຫ້ແກ່ການກໍ່ການຮ້າຍ ພ້ອມທັງການກະກຽມປະເມີນຜົນຮອບດ້ານ ໃນປີ 2020-2021 ຂອງ ສປປ ລາວ ທັງນີ້ແນໃສ່ສ້າງຄວາມຮັບຮູ້ເຂົ້າໃຈໃຫ້ນາຍແລະພົນຕຳຫຼວດ ພາຍໃນກົມໃຫ່ຍຕຳຫຼວດຕໍ່ກັບຜົນການປະເມີນ ຄວາມສ່ຽງແຮງຊາດ ແລະ ແຜນການຈັດຕັ້ງປະຕິບັດແກັໄຂໃນຕໍ່ໜ້າ ໂດຍລົງເລີກສະເພາະວຽກທີຕິດພັນ ກັບການປະຕິບັດວຽກງານຂອງເຈົ້າໜ້າທີວິຊາສະເພາະໃນການສືບສວນ-ສອບສວນຄະດີ ແລະ ບາງບັນຫາທີ່ຕ້ອງເອົາໃຈໃສ່ເພື່ອນຳໄປຜັນຂະຫຍາຍເຂົ້າໃນໜ້າທີຮັບຜິດຊອບຂອງຕົນໄດ້ຢ່າງມີປະສິດທິຜົນ.

Off

Comments are closed.