19th Aug2020

ກອງປະຊຸມດຳເນີນຊີວິດການເມືອງ ທ້າຍສະໄໝຂອງຄະນະບໍລິຫານງານພັກ ກະຊວງ ປກສ

by somchan

ກອງປະຊຸມດຳເນີນຊີວິດການເມືອງ ທ້າຍສະໄໝຂອງຄະນະບໍລິຫານງານພັກ ກະຊວງປ້ອງກັນຄວາມສະຫງົບ ສະໄໝທີ IV ໄດ້ຈັດໃນວັນທີ 17 ສິງຫາ 2020 ນີ້ ໂດຍການເປັນກຽດເຂົ້້າຮ່ວມຂອງສະຫາຍ ບຸນຍັງ ວໍລະຈິດ ເລຂາທິການໃຫ່ຍ ຄະນະບໍລິຫານງານສູນກາງພັກ, ປະທານປະເທດ ພົທ ວິໄລ ຫຼ້າຄຳຟອງ ເລຂາຄະນະພັກ ລັດຖະມົນຕີກະຊວງປ້ອງກັນຄວາມສະຫງົບ

ພ້ອມດ້ວຍຄະນະ ຮອງຫົວໜ້າຄະນະຈັດຕັ້ງສູນກາງພັກ, ຮອງປະທານກວດກາສູນກາງພັກ, ຮອງເລຂາ, ຄະນະປະຈຳພັກ, ຄະນະພັກກະຊວງ ແລະ ແຂກຖືກເຊີນເຂົ້າຮ່ວມ.

ໃນກອງປະຊຸມດຳເນີນ ຊີວິດການເມືອງທ້າຍສະໄໝຄັ້ງນີ້ ຜູ້ແທນກອງປະຊຸມໄດ້ພ້ອມກັນ ພິຈາລະນາຮັບຮອງເອົາບັນຫາສຳຄັນຄື: ຮ່າງບົດສຳຫຼວດ ການນຳພາລວມຂອງຄະນະພັກ ກະຊວງປ້ອງກັນຄວາມສະຫງົບສະໄໝທີ IV ດຳເນີນການສຳຫຼວດກວດກາ ຕໍ່ການຊີ້ນຳ-ນຳພາລວມຂອງຄະນະພັກ ແລະ ບຸກຄົນ ຕະຫຼອດໄລຍະຜ່ານມາ ພິຈາລະນາຮັບຮອງເອົາບຸກຄະລາກອນທີຈະສະໝັກ ຮັບເລືອກຕັ້ງ ເຂົ້າໃນຄະນະບໍລິຫານງານພັກ ກະຊວງ ສະໄໝທີ V ແລະ ຄົ້ນຄ້ວາຕົກລົງ ບັນຫາສຳຄັນອື່ນໆ ເພື່ອກະກຽດຄວາມພ້ອມດ້ານຕ່າງໆ ໃຫ້ແກ່ການດຳເນີນກອງປະຊຸມໃຫ້ອົງຄະນະພັກ ກະຊວງ ປກສ ຄັ້ງທີ V ໄດ້ຮັບການຈັດຕັ້ງປະຕິບັດຕາມກຳນົດ ແລະ ມີຜົນສຳເລັດຕາມຄາດໝາຍ.

Off

Comments are closed.