08th Sep2020

ການນໍາຂັ້ນສູງກະຊວງ ປກສ ເຂົ້າວາງພວງມາລາ ຢູ່ອານຸສາວະລີນັກຮົບ

by somchan

ການນໍາຂັ້ນສູງກະຊວງປ້ອງກັນຄວາມສະຫງົບ ເຂົ້າວາງພວງມາລາ ຢູ່ອານຸສາວະລີນັກຮົບນິລະນາມ ແລະ ວາງກະຕ່າດອກໄມ້ຢູ່ຫໍພິພິດທະພັນ ໄກສອນພົມວິຫານ, ໃນວັນທີ 8 ກັນຍາ 2020 ນໍາໂດຍພົນໂທ ວິໄລ ຫຼ້າຄໍາຟອງ ເລຂາທິການສູນກາງພັກ ເລຂາອົງຄະນະພັກກະຊວງ ລັດຖະມົນຕີກະຊວງປ້ອງກັນຄວາມສະຫງົບ ພ້ອມດ້ວຍຄະນະພັກ ຄະນະນຳ ເນື່ອງໃນໂອກາດທີ່ກະຊວງປ້ອງກັນຄວາມສະຫງົບ ຈະຈັດກອງປະຊຸມໃຫຍ່ຄັ້ງທີ 5 ອົງຄະນະພັກ ກະຊວງປ້ອງກັນຄວາມສະຫງົບ.

ການເຂົ້າວາງພວງມາລາ ແລະ ກະຕ່າດອກໄມ້ຄັ້ງນີ້ ເພື່ອເປັນການສະແດງຄວາມເຄົາລົບຮັກ ຄວາມກະຕັນຍູຮູ້ບຸນຄຸນ ເຖີງຄຸນງາມຄວາມດີ ນໍ້າໃຈ ຕໍ່ສູ້ອັນພິລະອາດຫານ ແລະ ບໍ່ຍອມຈໍານົນ ຂອງບັນພະບູລຸດລາວ ກໍ່ຄືບັນດານັກຮົບປະຕິວັດ ທີ່ເສຍສະຫລະຊີວິດເລືອດເນື້ອ ເພື່ອພາລະກິດ  ປະຕິວັດ ແລະ ປົດປ່ອຍຊາດເຊິ່ງພາຍໃຕ້ການຊີ້ນໍາ-ນໍາພາອັນສະຫລາດສ່ອງໃສຂອງພັກປະຊາຊົນ ປະຕິວັດລາວ ແລະ ການຕໍ່ສູ້ຢ່າງອົງອາດກ້າຫານຂອງປະຊາຊົນບັນດາເຜົ່າ ໄດ້ເຮັດໃຫ້ພວກສັດຕູຜູ້ ມາຮຸກຮານປະລາໄຊລົງ ແລະ ສະຖາປານາເປັນ ສປປ ລາວ ໃນວັນທີ 2 ທັນວາ 1975 ພ້ອມນັ້ນຍັງໄດ້ສືບຕໍ່ ນໍາພາປະຊາຊົນລາວບັນດາເຜົ່າປະຕິບັດ ສອງຫນ້າທີ່ຍຸດທະສາດຄື: ປົກປັກຮັກສາ ແລະ ສ້າງສາພັດທະນາປະເທດຊາດເຮັດໃຫ້ ສປປ ລາວ ໄດ້ຮັບການພັດທະນາເປັນກ້າວໆ.

Off

Comments are closed.