09th Sep2020

ວາລະດຳເນີນກອງປະຊຸມໃຫຍ່ຄັ້ງທີ V ຂອງອົງຄະນະພັກກະຊວງປ້ອງກັນຄວາມສະຫົງບ

by somchan

ໃນວາລະດຳເນີນກອງປະຊຸມໃຫຍ່ຄັ້ງທີ V ຂອງອົງຄະນະພັກກະຊວງປ້ອງກັນຄວາມສະຫົງບ ໂດຍພາຍໃຕ້ການເປັນປະທານຂອງ ພົທ ວິໄລ ຫຼ້າຄຳຟອງ ເລຂາທິການສູນກາງພັກ,ເລຂາຄະນະພັກ, ລັດຖະມົນຕີກະຊວງ ປກສ ແລະ ໂດຍການເປັນກຽດເຂົ້າຮ່ວມຂອງ ສະຫາຍ ບຸນຍັງ ວໍລະຈິດ ເລຂາທິການໃຫ່ຍ ຄະນະບໍລິຫານງານສູນກາງພັກ ປະທານປະເທດ ໃນຕອນບ່າຍຂອງວັນທີ 9 ກັນຍາ 2020 ນີ້ ບັນດາຜູ້ແທນກອງປະຊຸມໄດ້ພ້ອມກັນປະກອບຄຳຄິດຄຳເຫັນໃສ່ຮ່າງບົດລາຍງານການເມືອງເຊີ່ງໃນນັ້ນ ພົຈວ ປອ ສຸວັນນີ ສີສຸພາບມີໄຊ ຮອງເລຂາຄະນະພັກກົມໃຫ່ຍ ຮອງຫົວໜ້າກົມໃຫ່ຍການເມືອງ ປກສ ກໍ່ໄດ້ຕາງໜ້າ ກົມໃຫຍ່ການເມືອງປ້ອງກັນຄວາມສະຫົງບ ປະກອບຄຳເຫັນໃນວຽກງານກໍ່ສ້າງພັກ-ກໍ່ສ້າງພະນັກງານ ແລະ ວຽກງານການເມືອງແນວຄິດ ໃຫ້ຮູ້ວ່າ: ໃນໄລຍະ 5 ປີຜ່ານມາການກໍ່ສ້າງພັກ-ພະນັກງານແມ່ນໄດ້ເອົາໃຈໃສ່ຊີ້ນຳ-ນຳພາຈັດຕັ້ງປະຕິບັດມະຕິ, ຄຳສັ່ງ, ຂໍ້ກຳນົດ, ບົດແນະນຳຂອງກົມການເມືອງສູນກາງພັກ ເລຂາທິການສູນກາງພັກ, ຄະນະຈັດຕັ້ງສູນກາງພັກ ກ່ຽວກັບການສ້າງໜ່ວຍພັກ, ສະມາຊິກພັກປອດໃສ ເຂັ້ມແຂງ ໜັກແໜ້ນ ແລະ ສ້າງພະນັກງານ ສືບທອດປ່ຽນແທນ ໃນໄລຍະໃໝ່.

ພ້ອມກັນນີ້ໄດ້ຊີ້ນຳ-ນຳພາໂຄສະນາສຶກສາອົບຮົມທາງດ້ານການເມືອງແນວຄິດຄະນະພັກ ສະມາຊິກພັກ ນາຍແລະພົນຕຳຫຼວດໃຫ້ມີຄຸນທາດການເມືອງໜັກແໜ້ນ ແລະມີລະບຽບວິໄນເຂັ້ມງວດ ຮັກສາທາດແທ້- ມູນເຊື້ອອັນດີງາມຂອງພັກຂອງຊາດກໍຄືຂອງກຳລັງປ້ອງກັນຄວາມສະຫົງບຢ່າງຕໍ່ເນືອງເປັນຕົ້ນແມ່ນ: ໄດ້ເປັນກຳລັງຫຼັກແກ່ນສານ, ເປັນກຳລັງປະກອບອາວຸດທີ່ຈົ່ງຮັກພັກດີຂອງພັກ ປົກປ້ອງສິດ, ຜົນປະໂຫຍດອັນຊອບທຳຂອງປະເທດຊາດ ແລະ ປະຊາຊົນ ດ້ວຍຄວາມຊື່ສັດບໍລິສຸດໄປຄຽງຄູ່ກັນນັ້ນກໍ່ໄດ້ເອົາໃຈໃສ່ກໍ່ສ້າງພັກ ໃຫ້ໜັກແໜ້ນທາງດ້ານການເມືອງແນວຄິດ, ເຂັ້ມແຂງທາງດ້ານການຈັດຕັ້ງ ບົນພື້ນຖານຍຶດໝັ້ນ ໃນ 5 ຫຼັກການ 3 ທິດນຳ ເຮັດໃຫ້ບົດບາດການນຳພາຂອງພັກຕໍ່ກຳລັງປ້ອງກັນຄວາມສະຫົງບນັບມື້ໄດ້ຮັບການເຊີດຊູຂຶ້ນໂດຍສະເພາະຂະບວນການກໍ່ສ້າງໜ່ວຍພັກປອດໃສ ເຂັ້ມແຂງ ໜັກແໜ້ນ, ພ້ອມກັນນີ້ຍັງໄດ້ສຸມໃສ່ກໍ່ສ້າງພະນັກງານສືບທອດປ່ຽນແທນຕາມການກຳນົດຂອງຄະນະຈັດຕັ້ງສູນກາງພັກໃນນັ້ນໄດ້ສຳເລັດການກຳນົດ ສ້າງພະນັກງານສືບທອດປ່ຽນແທນຂັ້ນກະຊວງ ຂັ້ນກົມໃຫຍ່ ແລະ ກົມກອງຈຳນວນໜື່ງ.

ສຳລັບໃນຕໍ່ໜ້າຄະນະພັກຄະນະບັນຊາທຸກຂັ້ນຈະເພີ່ມທິວີສຶກສາອົບຮົມການເມືອງແນວຄິດໃຫ້ສະມາຊິກພັກ, ນາຍ ແລະ ພົນຕຳຫຼວດມີຄຸນທາດການເມືອງໜັກແໜ້ນ, ມີຄວາມຈົ່ງຮັກພັກດີຕໍ່ພັກຕໍ່ປະເທດຊາດ, ຕໍ່ລະບອບປະຊາທິປະໄຕປະຊາຊົນ, ປະຕິບັດກົດລະບຽບຂອງພັກ-ກົດໝາຍຂອງລັດ, ຂອງກຳລັງປ້ອງກັນຄວາມສະຫົງບຢ່າງເຂັ້ມງວດ, ເອົາໃຈໃສ່ຊີ້ນຳ ປັບປຸງກໍ່ສ້າງພັກ ບົນພື້ນຖານຍຶດໝັ້ນ 5 ຫຼັກການ 3 ທິດນຳ ເພື່ອສ້າງ ແລະ ຍົກສູງບົດບາດການນຳພາ ຂອງພັກໃນກຳລັງປ້ອງກັນຄວາມສະຫົງບ ໃນນັ້ນຍູ້ແຮງ ຊີ້ນຳຂະບວນການສ້າງໜ່ວຍພັກ ປອດໃສ ເຂັ້ມແຂງ ໜັກແໜ້ນ ໃຫ້ກາຍເປັນໜ້າທີ່ໃຈກາງຂອງຄະນະພັກແຕ່ລະຂັ້ນ, ຈະເພີ່ມທະວີ ຊີ້ນຳປັບປຸງ ລະບົບກົງຈັກການຈັດຕັ້ງໃຫ້ກະທັດຮັດ ປັບປຸງພາລະບົດບາດຂອບເຂດສິດໜ້າທີ່ ຈຳນວນໜື່ງທີ່ເຫັນວ່າບໍສອດຄ່ອງ, ຕັ້ງໜ້າຄົ້ນຄ້ວາເຊືອມຊືມ ກຳແໜ້ນ ແນວຄິດໄກສອນ ພົມວິຫານ ຕໍ່ກຳລັງປ້ອງກັນຄວາມສະຫົງບ, ຍຶດໝັ້ນການກໍ່ສ້າງກຳລັງປ້ອງກັນຄວາມສະຫົງບໃຫ້ເຂັ້ມແຂງຮອບດ້ານຕາມທິດສ້າງນາຍ ແລະ ພົນຕຳຫຼວດໃຫ້ໄດ້ຄົບ 6 ມາດຕະຖານລວມ ແລະ 4 ມາດຕະຖານ ສຳລັບພະນັກງານ ນຳພາ-ບັນຊາໃຫ້ເປັນຮູບປະທຳຢ່າງແທ້ຈິງ.

Off

Comments are closed.