15th Sep2020

ສປປ ລາວ ບໍ່ມີຜູ້ຕິດເຊື້ອໂຄວິດ-19 ເພີມ ແລະ ຍີ່ນດີກັບຜູ້ຕິດເຊື້ອນ້ຳເບີ 22 ໄດ້ອອກໂຮຽໝໍແລ້ວ

by somchan

ດຣ ນາງລັດສະໜີ ຮອງຫົວໜ້າກົມ ຄວບຄຸມພະຍາດຕິດຕໍ່ ກະຊວງສາທາລະນະສຸກ ໄດ້ລາຍງານສະພາບ ການລະບາດພະຍາດໂຄວິດ-19 ໃນວັນທີ 14 ກັນຍາ 2020 ນີ້ ໃຫ້ຮູ້ວ່າ: ໃນການເຝົ້າລະວັງການແຜ່ລະບາດຂອງພະຍາດໂຄວິດ-19 ຢູ່ ສປປ ລາວ ຮອດ 5 ໂມງແລງ ຂອງວັນທີ 13 ກັນຍາ 2020 ນີ້ ການຕິດຕາມຜູ້ເດີນທາງຈາກຈຸດຜ່ານແດນຕ່າງໆ ທົ່ວປະເທດມີຜູ້ເດີນທາງ ເຂົ້າມາທັງໝົດ 2,092 ຄົນ ໃນນັ້ນຈຸດຜ່ານແດນລາວ-ໄທ 804 ຄົນ, ຈຸດຜ່ານແດນ ລາວ-ຈີນ 31 ຄົນ, ຜ່ານແດນ ລາວ-ຫວຽດນາມ 919 ຄົນ, ຜ່ານແດນ-ກຳປູເຈຍ 01 ຄົນ, ຜ່ານແດນ ລາວ-ມຽນມາ 09 ຄົນ ເດີນທາງຜ່ານສະໝາມບີນ ສາກົນວັດໄຕ 328 ຄົນ ທຸກຄົນແມ່ນໄດ້ແທກອຸ່ນນະພູມຮ່າງກາຍ ແຕ່ບໍ່ມີຜູ້ມີອາການເປັນໄຂ້ ແລະ ໄດ້ເກັບຕົວຢ່າງທຸກໆຄົນມາກວດ ແລ້ວນຳສົງໄປສະຖານທີ່ຈຳກັດບໍລິເວນ ທີ່ກຳນົດໄວ້ຈົນກ່ວາຈະຄົບກຳນົດ 14 ວັນ ປັດຈຸບັນ ທົ່ວປະເທດມີສູນຈຳກັດບໍລິເວນ 48 ສູນ ມີຜູ້ຖືກຈຳກັກບໍລິເວນ 2,721 ຄົນ ໃນວັນທີ 13 ກັນຍາ 2020 ໄດ້ເກັບຕົວຢ່າງມາ ກວດວິເຄາະທັງໝົດ 315 ຄົນ, ໃນນັ້ນມີແຮງງານລາວມາແຕ່ໄທ 171 ຕົວຢ່າງ ແຮງງານຫວຽດນາມ 80 ຕົວຢ່າງ ແຮງງານ ໄທ 25 ຕົວຢ່າງ, ແຮງງານຈີນ 17 ຕົວຢ່າງ ສຳລັບຜູ້ຕິດເຊື້ອໂຄວິດ 19 ນ້ຳເບີ 22 ກັບມາກວດຄືນ 01 ຕົວຢ່າງ ບຸກຄົນທົ່ວໄປທີມີອາການ 11 ຕົວຢ່າງ ແລະ ບຸກຄົນທົ່ວໄປທີບໍ່ມີຕົວຢ່າງ 10 ຕົວຢ່າງ ຜົນກວດວິເຄາະທັງໝົດແມ່ນບໍພົບເຊື້ອ, ສຳລັບຜູ້ຕິດເຊື້ອ ນ້ຳເບີ 22 ຜົນກວດແມ່ນບໍ່ພົບເຊື້ອ ຕິດຕໍ່ກັນ 2 ຄັ້ງ, ສະນັ້ນຜູ້ກ່ຽວແມ່ນໄດ້ອອກໂຮຽໝໍ ແລະ ໄປຈຳກັດບໍລິເວນຢູ່ໂຮຽແຮມ ທີໄດ້ຖືກກຳນົດໄວ້ຈົນກ່ວາ ຈະຄົບ 14 ວັນ ສຳລັບຄົນເຈ້ບຕິດເຊື້ອພະຍາດ ໂຄວິດ-19 ນ້ຳເບີ 23 ຍັງສືບຕໍ່ປີ່ນປົວ ຢູ່ໂຮຽໝໍມິດຕະພາບ.

Off

Comments are closed.