17th Sep2020

ປກສ ແຂວງ ໄຊຍະບູລີ ມອບບັດສະມາຊິກພັກສົມບູນ ແລະ ປະດັບຫຼຽນ ປີທ່ອງທ່ຽວລາວ 2018

by somchan

ຕົ້ນເດືອນ ກັນຍາ 2020 ນີ້ ກອງບັນຊາການ ປກສ ແຂວງ ໄຊຍະບູ ລີ ໄດ້ຈັດພິທີມອບບັດໃຫ້ສະມາຊິກພັກສົມບູນ ພ້ອມທັງປະດັບຫຼຽນໄຊແຮງງານ, ຫຼຽນກາແຮງງານ ແລະ ໃບຍ້ອງຍໍ ໃຫ້ຜູ້ມີຜົນງານດີເດັ່ນ ໃນການປະກອບສ່ວນເຫື່ອແຮງ, ສະຕິປັນຍາ ເຂົ້າໃນການກະກຽມ ແລະ ຮັບໃຊ້ປີທ່ອງທ່ຽວລາວ ປີ 2018 ຜ່ານມາ. ໃຫ້ກຽດເປັນປະທານໂດຍ ສະຫາຍ ພັນເອກ ຄໍາແພງ ເພັດ ຄະນະປະຈໍາພັກແຂວງ ເລຂາຄະນະພັກ ຫົວໜ້າກອງບັນຊາການ ປກສ ແຂວງ ມີບັນດາຄະນະພັກ ແລະ ສະມາຊິກພັກອ້ອມຂ້າງ ຄະນະພັກກອງບັນຊາການ ປກສ ແຂວງເຂົ້າຮ່ວມ.

ສະຫາຍ ພັນໂທ ຄໍາສິນ ຜີວວັນນາ ຄະນະປະຈໍາພັກ, ປະທານກວດກາພັກ ຮອງຫົວໜ້າກອງບັນຊາການ ປກສ ແຂວງ ໄຊຍະບູລີ ໄດ້ຜ່ານມະຕິຕົກລົງ ຂອງຄະນະປະຈໍາພັກແຂວງ ວ່າດ້ວຍການຮັບຮອງ ແລະ ມອບບັດສະມາຊິກສົມບູນໃນທົ່ວແຂວງ ໄຊຍະບູລີ ຊຸດທີ່ IX ສໍາລັບສະມາຊິກພັກສົມບູນຢູ່ຄະນະພັກ ກອງບັນຊາການ ປກສ ແຂວງ ໄຊຍະບູລີ ທີ່ໄດ້ຮັບບັດສະມາຊິກພັກສົມບູນໃນຄັ້ງນີ້ ມີ 75 ສະຫາຍ; ພ້ອມນີ້ໃນພິທີຍັງໄດ້ ປະດັບຫຼຽນໄຊແຮງງານຊັ້ນ II ຈຳນວນ 8 ສະຫາຍ ແລະ 01 ກົມກອງ, ປະດັບຫຽນໄຊແຮງງານຊັ້ນ III  34 ສະຫາຍ, ມອບໃບຍ້ອງຍໍລັດຖະບານ 73 ສະຫາຍ,ໃບຍ້ອງຍໍກະຊວງຖະແຫຼ່ງຂ່າວວັດທະນະທໍາ ແລະ ທ່ອງທ່ຽວ 20 ສະຫາຍ ທີ່ມີຜົນງານດີເດັ່ນໃນການປະກອບສ່ວນດ້ານເຫື່ອແຮງ, ສະຕິປັນຍາເຂົ້າໃນການກະກຽມ ແລະ ຮັບໃຊ້ປີທ່ອງລາວ 2018 ໄດ້ຮັບຜົນສໍາເລັດເປັນຢ່າງດີ ໃຫ້ກຽດປະດັບ ຫຼຽນ, ມອບໃບຍ້ອງຍໍ ແລະ ມອບບັດສະມາຊິກພັກ ໂດຍ ພັນເອກ ຄໍາແພງ ເພັດ ຄະນະປະຈໍາພັກແຂວງ ເລຂາຄະນະພັກ ຫົວໜ້າກອງບັນຊາການ ປກສ ແຂວງ ໄຊຍະບູລີ.

Off

Comments are closed.