21st Sep2020

ສອງວິທະຍາຄານຂອງກະຊວງ ປກສ ສຸມໃສ່ກໍ່ສ້າງນາຍຕຳຫຼວດໃຫ້ມີຄຸນນະພາບ.

by somchan

ພັອ ປອ ວົງເຊໂດນ ພັນທະແກັວ ຄະນະພັກກະຊວງ, ຫົວໜ້າອຳນວຍການ ວິທະຍາຄານຕຳຫຼວດປະຊາຊົນ ໄດ້ປະກອບຄຳເຫັນ ຕໍ່ກອງປະຊຸມໃຫ່ຍຄັ້ງທີ 5 ຂອງອົງຄະນະພັກກະຊວງ ປກສ ກ່ຽວກັບການຈັດຕັ້ງປະຕິບັດ ຂະບວນການສອນດີ-ຮຽນເກັ່ງ, ຕິດພັນກັບການປະຕິບັດລະບຽບວິໄນ ຂອງກຳລັງປ້ອງກັນຄວາມສະຫງົບ ຢູ່ວິທະຍາຄານຕຳຫຼວດປະຊາຊົນ ແລະ ວິທະຍາຄານສັນຕິບານປະຊາຊົນ ຜ່ານມາຄະນະພັກ, ຄະນະນຳທັງສອງສະຖາບ້ນ ໄດ້ສຸມຄວາມຮັບຜິດຊອບຂອງຕົນເຂົ້າໃນການນຳພາ ປັບປຸງສະຖາບັນຢ່າງຮອບດ້ານ ແລະ ໄດ້ມີບາດກ່າວຫັນປ່ຽນ ທີ່ຕັ້ງໜ້າສະແດງອອກການສອນ ຄູ່-ອາຈານ ໄດ້ສູ້ຊົນປະຕິບັດມາດຕະຖານ 1,6,3 ໃນການສິດສອນ ນຳໃຊ້ຮູບແບບການສອນທີ່ຖືເອົານັກສືກສາເປັນໃຈກາງ, ປະສານສົມທົບການນຳໃຊ້ອຸປະກອນເຕັກນິກ-ເຕັກໂນໂລຊີທີທັນສະໄໝ ເປັນສື່ກາງໃນການສອນ, ທັງເປັນເຈົ້າການໃນການຄົ້ນຄ້ວາ ວິທະຍາສາດຂັ້ນຕ່າງໆ ເພື່ອເສີມສ້າງທິດສະດີ ຕິດພັນພືດຕິກຳຫຼາຍຂື້ນ ສຳລັບນັກສືກສາແມ່ນຖືເອົາຄວາມເປັນເຈົ້າການສືກສາຮ່ຳຮຽນ, ຝືກຝົນຫຼໍ່ຫຼອມຕົນເອງ ແລະ ເຂົ້າຮ່ວມຂະບວນການ ປີ່ນອ້ອມຂ້າງສະຖາບັນ, ປະຕິບັດລະບຽບການ ແລະ ລະບົບຫຼັກສູດການສືກສາຮ່ຳຮຽນຢ່າງມີປະສິດທິຜົນ ໂດຍສະເພາະການສົ່ງຄວາມຮູ້ຂອງຄູ-ອາຈານ, ການຄົ້ນຄ້ວາສົນທະນາລວມໝູ່,ຄົ້ນຄ້ວາດ້ວຍຕົນເອງ, ດ້ວຍການອ່ານປື້ມ, ອ່ານຕຳລາ ແລະ ວາລະສານ ຕິດພັນກັບການແລກປ່ຽນບົດຮຽນນຳຄູ-ອາຈານ,ສາມາດເສີມສ້າງຄວາມຮັບຮູ້ທາງດ້ານທິດສະດີ ຕິດພັນກັບພຶດຕິກຳຕົວຈິງ ໄດ້ຮັບໝາກຜົນຫຼາຍຂື້ນ ສຳລັບການປະຕິບັດລະບຽບວິໄນໄດ້ນຳພາ-ບັນຊາ ນັກສືກສາ ຈັດຕັ້ງປະຕິບັດກົດລະບຽບ, ຈັດຕັ້ງປະຕິບັດ ກົດໝາຍດ້ວຍການນຳພາສືກສາອົບຮົມການເມືອງ-ແນວຄິດ ຝືກຝົນຫຼໍ່ຫຼອມ ທາງດ້ານຄຸນສົມບັດ, ສີນທຳປະຕິວັດ ຈັນຍາບັນ, ຈັນຍາທຳ ມີແບບແຜນດຳລົງຊີວິດປອດໃສສີວິໄລ, ກ້າວໜ້າ, ຍົກສູງປະຕິບັດຄຳສັ່ງ  ລະບຽບວິໄນຂອງກຳລັງປ້ອງກັນຄວາມສະຫງົບ ໂດຍສະເພາະແມ່ນການປະຕິບັດ 7 ລະບອບ 18 ວຽກປະຈຳວັນ ຂອງນັກສືກສາ ແລະ ການເຄື່ອນໄຫວສືກສາຮ່ຳຮຽນເປັນໄມ້ຫຼາວັດແທກ ທາງດ້ານຄຸນສົມບັດ, ເພີ່ມທະວີການຄຸ້ມຄອງ, ກວດກາການປະຕິບັດວິໄນ ຂອງນັກສືກສາຢ່າງເຂັ້ມງວດ ໃນໄລຍະ 5 ປີຜ່ານມາສອງວິທະຍາຄານສາມາດສ້າງ ກຳລັງປ້ອງກັນຄວາມສະຫງົບໄດ້ 3,458 ຄົນ ໃນນັ້ນມີປະລິນຍາໂທ 279 ຄົນ, ປະລິນຍາຕີ 3,117 ຄົນ, ອະນຸປະລິນຍາ 62 ຄົນ, ໃນນັ້ນມີຈຳນວນຫຼາຍຄົນໄດ້ກາຍເປັນພະນັກງານຂັ້ນນຳພາ-ບັນຊາ ພະນັກງານ ຫຼັກແຫຼ່ງ ເປັນວິຊາການທີ່ຊຳນິຊຳນານທີ່ໄວ້ເນື້ອເຊື່ອໃຈຈາກພັກ-ລັດ ແລະ ປະຊາຊົນ.

Off

Comments are closed.