23rd Sep2020

ກົມໃຫ່ຍການເມືອງ ປກສ ຈັດພິທີປະກາດ ໃຫ້ນາຍຕຳຫຼວດຜູ້ທີມີເງື່ອນໄຂຄົບຖ້ວນ ອອກພັກການເຂົ້າອຸດໜູນບຳນານ

by somchan

ກົມໃຫ່ຍການເມືອງປ້ອງກັນຄວາມສະຫງົບ ຈັດພິທີປະກາດໃຫ້ນາຍຕຳຫຼວດຜູ້ທີມີເງື່ອນໄຂຄົບຖ້ວນ ອອກພັກການເຂົ້າອຸດໜູນບຳນານ ໃນວັນທີ 22 ກັນຍາ 2020 ນີ້ ໂດຍການເປັນປະທານຂອງ ພຈວ ປອ ສຸວັນນີ ສີສຸພາບມີໄຊ ຄະນະພັກກະຊວງ ຮອງຫົວໜ້າກົມໃຫ່ຍການເມືອງ ປກສ ມີບັນດາຄະນະພັກ-ຄະນະບັນຊາ ອ້ອມຂ້າງກົມໃຫ່ຍ ແລະ ນາຍຕຳຫຼວດ ທີໄດ້ອອກພັກການຮັບອຸດໜູນບຳນານເຂົ້າຮ່ວມ.

ພັອ ບຸນສີ ທຳມະລັງສີ ຮອງຫົວໜ້າຫ້ອງການເມືອງ ກົມໃຫ່ຍການເມືອງ ປກສ ວ່າດ້ວຍການອະນຸມັດໃຫ້ນາຍຕຳຫຼວດ ກົມໃຫ່ຍການເມືອງ ອອກພັກການຮັບອຸດໜູນບຳນານ ຈຳນວນ 12 ສະຫາຍຄື: ພັທ ສົມພອນ ວົງສຸທິ ຫົວໜ້າຫ້ອງກຳມະບານ, ພັທ ກິ່ງແກ້ວ ກິດທິພັນ ຮອງຫ້ອງການ, ພັທ ດາວເພັດ ກ້ວາງມະນີວັນ ຮອງຫ້ອງການ, ພັທ ບຸນປອນ ທະວີສຸກ ຮອງກົມໂຄສະນາ, ພັທ ບຸກຖອງ ຫຼວງນິກອນ ຮອງອຳນວຍການໂຮຽຮຽນ ວັດທະນາທຳຊົນເຜົ່າ ຫຼັກ 67 ,ພັທ ອຳພອນ ດວງປະສົງ ຮອງກົມຊື່ມວນຊົນ, ພັທ ບຸນລ້ອມ ເມກດາລາ ຮອງກົມນະໂຍບາຍ, ພັທ ໜູພອນ ມະຫາລາດບຸດດີ ແລະ ພັທ ນາງ ຫວານໃຈ ກົງພະຈັນ ຮອງພະແນກສືກສາ, ພັທ ນາງ ອິນແປງ ວົງສາລາດ ຮອງພະແນກຄຸມຄອງວິທະຍາສາດ ,ພັທ ນາງ ອາດອຳໄພ ດິດປັນຍາ ແລະ ພັນຕີ ນາງ ວຽງຂົງ ມູນຕິວົງ ຄູສອນ ໂຮຽຮຽນວັດທະນາທຳຊົນເຜົ່າ ຫຼັກ 67 ທັງນີ້ກໍ່ເພື່ອເປັນການປະຕິບັດນະໂຍບາຍຂອງພັກ-ລັດ ທີມີຕໍ່ນາຍແລະພົນຕຳຫຼວດ.

ໂອກາດນີ ພຈວ ສຸວັນນີ ສີສຸພາບມີໄຊ ໄດ້ໃຫ້ກຽດໂອ້ລົມ ໂດຍທ່ານໄດ້ຍ້ອງຍໍຊົມເຊີຍ ຕໍ່ຜູ້ທີອອກພັກການຮັບອຸດໜູນບຳນານໃນຄັ້ງນີ້ ທີ່ໄດ້ອຸທິດເຮື່ອແຮງສະຕິປັນຍາ ເຂົ້າໃນການປະຕິບັດໜ້າທີ ທີມີຜົນສຳເລັດໃນຕະຫຼອດໄລຍະ ຂອງການເປັນກຳລັງປ້ອງກັນຄວາມສະຫງົບ ເຖີງວ່າຈະອອກພັກການຮັບອຸດໜູນບຳນານແລ້ວ ໝາກຜົນຂອງການປະຕິວັດຍັງຈະໄດ້ການເສີມຂະຫຍາຍຕະຫຼອດໄປພ້ອມນີ້ ທ່ານ ຍັງໄດ້ອວຍພອນ ໃຫ້ທຸກທ່ານຈົງມີສຸຂະພາບແຂງແຮງ ແລະ ມີຄວາມສຸກໃນຊີວິດຄອບຄົວ.

Off

Comments are closed.