23rd Sep2020

ອິງຕາມການລາຍງານຂອງ ກະຊວງສາທາລະນະສຸກ ທົ່ວປະເທດມີຜູ້ຕິດເຊື້ອ ໄຂ້ຍຸງລາຍ 6,531 ກໍລະນີ ເສຍຊີວິດ 12 ຄົນ

by somchan

ອິງຕາມການລາຍງານຂອງ ກະຊວງ ສາທາລະນະສຸກ ປະຈຳວັນທີ 21 ກັນຍາ 2020 ໃຫ້ຮູ້ວ່າ: ນັບແຕ່ວັນທີ 28 ທັນວາ 2019 ຫາ 21 ກັນຍາ 2020 ທົ່ວປະເທດມີຜູ້ຕິດເຊື້ອ ໄຂ້ຍຸງລາຍ 6,531 ກໍລະນີ ເສຍຊີວິດ 12 ຄົນ ໃນນີ້ນະຄອນຫຼວງວຽງຈັນ 1,529 ກໍລະນີ ເສຍຊີວິດ 4 ຄົນ ແຂວງ ບໍລິຄຳໄຊ 741 ກໍລະນີ ເສຍຊີວິດ 2 ຄົນ, ແຂວງ ວຽງຈັນ 650 ກໍລະນີ, ແຂວງ ບໍ່ແກ້ວ 654 ກໍລະນີ ,ສະຫວັນນະເຂດ 641 ກໍລະນີເສຍຊີວິດ 1 ຄົນ, ຫຼວງນ້ຳທາ 437 ກໍລະນີ, ຫຼວງພະບາງ 403 ກໍລະນີ, ຄຳມວນ 352 ກໍລະນີ ເສຍຊີວິດ 2 ຄົນ, ສາລະວັນ 354 ກໍລະນີ, ອັດຕະປຶ 314 ກໍລະນີ, ໄຊຍະບູລີ 182 ກໍລະນີ, ໄຊສົມບູນ 54 ກໍລະນີ ,ຈຳປາສັກ 30 ກໍລະນີ, ຜົ້ງສາລີ 10 ກໍລະນີ, ເສຍຊີວິດ 1 ກໍລະນີ, ຫົວພັນ 2 ກໍລະນີ, ໃນນີ້ກໍລະນີທີເສຍຊີວິດຢູ່ແຂວງ ຜົ້ງສາລີ ແມ່ນຍ້ອນຜູ້ກ່ຽວບໍ່ປະຕິບັດຕາມແພດໝໍແນະນຳ ໂດຍບໍ່ຍອມມານອນຕິດຕາມປີ່ນປົວຢູ່ໂຮຽໝໍ.

ເພື່ອເປັນການຕ້ານ ແລະ ສະກັດກັ້ນການແຜ່ລະບາດຂອງພະຍາດໄຂ້ຍຸງລາຍ ປະຊາຊົນທຸກຄົວເຮືອນຕ້ອງມີສະຕິລະມັດລະວັງຕົວ, ໝັ່ນກວດກາພາຊະນະເຄື່ອງໃຊ້ພາຍໃນເຮືອນ ບໍ່ໃຫ້ມີນ້ຳຂັງ, ໝັ່ນຮັກສາອານາໄມ ທຳລາຍແຫຼ່ງເພາະພັນຂອງຍຸງລາຍເປັນປະຈຳ ປະຕິບັດ 5 ປໍ ທີກະຊວງສາທາລະນະສຸກວາງອອກຢ່າງເຂັ້ມງວດ, ຖ້າຫາກມີອາການໄຂ້ບໍ່ສະບາຍແມ່ນໃຫ້ໄປພົບແພດໝໍໂດຍດ່ວນ ເພື່ອປີ້ນປົວຮັກສາໄດ້ທັນເວລາ

Off

Comments are closed.