25th Sep2020

ກອງປະຊຸມເຈົ້າໜ້າທີ່ອາວຸໂສອາຊຽນ ວ່າດ້ວຍການຕ້ານອາຊະຍາກຳຂ້າມຊາດ

by somchan

ກອງປະຊຸມເຈົ້າໜ້າທີ່ອາວຸໂສອາຊຽນ ວ່າດ້ວຍການຕ້ານອາຊະຍາກຳຂ້າມຊາດ ຄັ້ງທີ 20 ໄດ້ຈັດຂື້ນໃນວັນທີ 24 ກັນຍາ 2020 ນີ້, ພາຍໃຕ້ການເປັນປະເທດ ຂອງເຈົ້າໜ້າທີ່ອາວຸໂສ ຟິລິບປິນ ໂດຍຜ່ານລະບົບສົ່ງສັນຍານທາງໄກ ຫຼື ວີດີໂອຄອນຟີເຣັນ ເຊິ່ງມີຜູ້ແທນຈາກ 10 ປະເທດສະມາຊິກອາຊຽນເຂົ້າຮ່ວມ. ສຳລັບຜູ້ແທນຈາກ ສປປ ລາວ ແມ່ນ ພົນຈັດຕະວາ ສົົມວັນ ສາຍລ້ອງພາ, ຫົວໜ້າຫ້ອງວ່າການກະຊວງປ້ອງກັນຄວາມສະຫງົບ, ຫົວໜ້າເຈົ້າໜ້າທີ່ອາວຸໂສອາຊຽນ ຮັບຜິດຊອບວຽກງານຕ້ານອາຊະຍາກຳຂ້າມຊາດ ແຫ່ງ ສປປ ລາວ ພ້ອມຄະນະເຂົ້າຮ່ວມ.

ກອງປະຊຸມໄດ້ປຶກສາຫາລື ແລະ ແລກປ່ຽນທັດສະນະ ກ່ຽວກັບຄວາມພະຍາຍາມລະດັບຊາດລະດັບພາກພື້ນ ແລະ ລະດັບສາກົນ ໃນການຕ້ານອາຊະຍາກຳຂ້າມຊາດ ທ່າມກາງການແຜ່ລະບາດຂອງພະຍາດໂຄວິດ 19. ກອງປະຊຸມຍັງໄດ້ປຶກສາຫາລື ກ່ຽວກັບຄວາມຄືບໜ້າໃນການຈັດຕັ້ງປະຕິບັດແຜນງານຂອງກອງປະຊຸມເຈົ້າໜ້າທີ່ອາວຸໂສອາຊຽນ ວ່າດ້ວຍການຕ້ານອາຊະຍາກຳຂ້າມຊາດ ສົກປີ 2019-2020 ພ້ອມມດຽວກັນນີ້, ຍັງໄດ້ປຶກສາຫາລືກ່ຽວກັບບັນຫາຄົງຄ້າງຂອງກອງປະຊຸມຄັ້ງຜ່ານມາ.

ກອງປະຊຸມເຈົ້າໜ້າທີ່ອາວຸໂສອາຊຽນ ວ່າດ້ວຍການຕ້ານອາຊະຍາກຳຂ້າມຊາດ ໄດ້ຮັບຜົນສຳເລັດຢ່າງຈົບງາມ ທ່າມກາງການປະກອບຄຳເຫັນຂອງບັນດາປະເທດສະມາຊິກ ດ້ວຍບັນຍາກາດເພື່ອນມິດທີ່ດີ ແລະ ມີປະສິດທິຜົນສູງ.

Off

Comments are closed.