28th Sep2020

ກອງປະຊຸມການລືບລ້າງຄວາມທຸກຍາກ ແລະ ຂອບການຮ່ວມມື ລະຫວ່າງ ປະເທດກໍາລັງພັດທະນາ

by somchan

ໃນວັນທີ 26 ກັນຍາ 2020 ນີ້,ທ່ານ ສະເຫລີມໄຊ ກົມມະສິດ ລັດຖະມົນຕີ ກະຊວງການຕ່າງປະເທດ ພ້ອມຄະນະ ໂດ້ເຂົ້າຮ່ວມ ກອງປະຊຸມ ລະດັບສູງທາງໄກ ກ່ຽວກັບການ ລືບລ້າງຄວາມທຸກຍາກ ແລະ ການຮ່ວມມືຂອບໃຕ້-ໃຕ້ ຫລື ຂອບການຮ່ວມມື ລະຫວ່າງ ປະເທດກໍາລັງພັດທະນາ ໃນຫົວຂໍ້: “ການກ້າວໄປສູ່ອະນາຄົດຮ່ວມກັນ ຂອງບັນດາປະເທດກຳລັງ ພັດທະນາ: ສົ່ງເສີມການລຶບລ້າງຄວາມທຸກຍາກ ແລະ ການພັດທະນາແບບຍືນຍົງ ໂດຍຜ່ານການຮ່ວມມືໃນຂອບໃຕ້-ໃຕ້ເພື່ອຮ່ວມກັນປຶກສາຫາລື ບາງບັນຫາສໍາຄັນ ຄື:  ການຮ່ວມຕໍ່ສູ້ຕ້ານກັບ ໂຄວິດ-19 ແລະ ແກ້ໄຂບັນດາສິ່ງທ້າທາຍຮ່ວມກັນ ໃນການພັດທະນາ ເສດຖະກິດ-ສັງຄົມ; ການລຶບລ້າງຄວາມທຸກຍາກ ໂດຍຜ່ານການແລກປ່ຽນປະສົບການ ແລະ ລົງເລິກການຮ່ວມມື ໃນຂອບໃຕ້-ໃຕ້;  ການສ້າງຄວາມເຂັ້ມແຂງ ໃຫ້ແກ່ການເຊື່ອມໂຍງ ລະຫວ່າງຂໍ້ລິເລີ່ມຫນຶ່ງ ແລວທາງຫນຶ່ງເສັ້ນທາງ ແລະ ວິໄສທັດຮອດປີ 2030 ເພື່ອບັນລຸການຫລຸດຜ່ອນ ຄວາມທຸກຍາກ ແລະ ເປົ້າຫມາຍການພັດທະນາອື່ນໆ.

ກອງປະຊຸມທາງການວີດີໂອຄັ້ງນີ້, ຈັດໂດຍ ສປ ຈີນ, ພາຍໃຕ້ການເປັນປະທານຂອງ ທ່ານ ຫວັງ , ລັດຖະມົນຕີ ການຕ່າງປະເທດແຫ່ງ ສປ ຈີນ, ມີຜູ້ແທນຂັ້ນລັດຖະມົນຕີ ຕ່າງປະເທດຈາກປະ ເທດສະມາຊິກຫລາຍກວ່າ 10 ປະເທດ, ຮອງເລຂາທິການໃຫ່ຍອົງການສະຫະປະຊາຊາດ ຜູ້ຊີ້ນຳວຽກງານເສດຖະກິດ-ສັງຄົມ ແລະ ອົງການຈັດຕັ້ງສາກົນອື່ນໆເຂົ້າຮ່ວມ.

ໃນໂອກຸດດັ່ງກ່າວ, ທ່ານ ສະເຫລີມໄຊ ກົມມະສິດ ໄດ້ກໍາຄໍາເຫັນຕໍ່ກອງປະຊຸມ ໂດຍທ່ານ ໂດ້ເນັ້ນ ຫນັກຄວາມສໍາຄັນ ຂອງການລຶບລ້າງ ຄວາມທຸກຍາກ ຊຶ່ງເປັນຫນຶ່ງໃນບູລິມະສິດ ຕົນຕໍ ຂອງວົງຄະນາຍາດສາກົນເພື່ອບັນລຸອາລະ 2030 ເພື່ອການພັດທະນາ, ການຮ່ວມມືແບບໃຕ້-ໃຕ້ ຖືເປັນແບບຢ່າງ ແcຫ່ງຄວາມສາມັກຄີ ແລະ ເປັນກົນໄກຂອງການຮ່ວມມື ລະຫວ່າງ ບັນດາ ປະເທດ ກໍາລັງພັດທະນາ ອັນໄດ້ເປັນການປະກອບສ່ວນສໍາຄັນ ເຂົ້າໃນການຫລຸດຜ່ອນ ຄວາມທຸກ ຍາກ ແລະ ນໍາເອົາຄວາມຮຸ່ງເຮືອງສີວິໄລມາສູ່ ປະຊາຊົນຂອງອົງ ຄະນະຍາດສາກົນ ບົນພື້ນຖານຫລັກການ ການຮ່ວມມືແບບ ຫລາຍຝ່າຍ ພາຍໃຕ້ກົດບັດ ຂອງອົງການສະຫະປະຊາຊາດ ກໍຄື ຫລັກການພົວພັນຮ່ວມມື ແລະ ຢູ່ຮ່ວມກັນໂດຍສັນຕິພາບບົນພື້ນຖານເເຫ່ງຄວາມສາມັກຄີ, ການເຄົາລົບອະທິປະໄຕ ແລະ ບໍ່ແຊກແຊງເຂົ້າໃນ ກິດຈະການ ພາຍໃນຂອງກັນ ແລະ ກັນ ແລະ ການຮ່ວມມືທີ່ຕ່າງໆຝ່າຍຕ່າງ ໄດ້ຮັບຜົນປະໂຫຍດ. ບັນດາ ຜົນສໍາເລັດຕ່າງໆ ທີ່ປະເທດກໍາລັງພັດທະນາ ຍາດມາໄດ້ໃນ ໄລຍະຜ່ານມາ ສະແດງໃຫ້ເຫັນເຖິງ ຄວາມ ສໍາຄັນຂອງສັນຕິພາບ ແລະ ຄວາມຫມັ້ນຄົງສາກົນ, ການຮ່ວມມືເພື່ອການພັດທະນາ ໂດຍ ສະເພາະແມ່ນ ການຮ່ວມມືໃນ ຂອບໃຕ້-ໃຕ້, ແລະການຮ່ວມມື້ໃນຂອບເຂດການຮ່ວມມືເໜືອ-ໃຕ້ ພ້ອມດຽວກັນນີ້, ທ່ານລັດຖະມົນຕີ ຍັງໄດ້ຕີລາຄາສູງ ຕໍ່ບົດບາດທີ່ເປັນ ແກນກາງ ຂອງການຮ່ວມມືໃຕ້-ໃຕ້ ແລະ ການຮ່ວມແບບສາມແຈ ຊຶ່ງເປັນທ່າເເຮງນໍາ ທີ່ສະນັບສະຫນູນ ການຈັດຕັ້ງປະ ຕິບັດແຜນພັດທະນາ ເສດຖະກິດ-ສັງຄົມ ຂອງບັນດາປະເທດ ກໍາລັງ ພັດທະນາ ໂດຍຜ່ານການຖ່າຍທອດ ແລກປ່ຽນຄວາມຮູ້, ປະສົບການ ແລະ ການຮ່ວມມື ລະຫວ່າງ ປະເທດກໍາລັງ ພັດທະນາດ້ວຍກັນ.

ສໍາລັບ ສປປ ລາວ ກໍ່ໄດ້ມີຄວາມພະຍາຍາມ ຢ່າງຕັ້ງຫນ້າໃນການລຶບລ້າງ ຄວາມທຸກຍາ ແລະ ວາງຄາດຫມາຍສູ້ຊົນ ເພື່ອນໍາພາປະເທດຊາດ ອອກຈາກ ສະຖານະພາບ ດ້ອຍພັດທະນາ ! ອະນາຄົດ, ທ່ານລັດຖະມົນຕີ ຍັງໄດ້ສະcດງຄວາມຍ້ອງຍໍຊົມເຊີຍຕໍ່ຜົນສໍາເລັດ ແລະ ບົດບາດ ຂອງ ສປ ຈີນ ໃນການຮ່ວມມື ແລະ ສະຫນັບສະຫນູນຊ່ວຍ ເຫລືອປະເທດຕ່າງໆ ໂດຍສະເພາະ ພາຍໃຕ້ຂໍ້ລິເລີ່ມ “ຫນຶ່ງແລວ ຫນຶ່ງເສັ້ນທາງ”, ຜົນສໍາເລັດຂອງ ສປ ຈີນ ໃນການລຶບລ້າງ ຄວາມທຸກຍາກ ສ່ວນຫລາຍຂອງປະເທດ ໄດ້ພຽງໄລຍະເວລາອັນສັ້ນນັ້ນ ລ້ວນແຕ່ໄດ້ຮັບການຍ້ອງຍໍ ຊົມເຊີຍ ຈາກວົງຄະນະຍາດສາກົນ ແລະ ກາຍເປັນ ບົດຮຽນອັນລໍ້າຄ່າ ໃຫ້ແກ່ປະເທດຕ່າງໆໃນທົ່ວໂລກ ດັ່ງນັ້ນ, ສປປ ລາວ ຈຶ່ງຖືສໍາຄັນຢ່າງຍິ່ງໃນການສົ່ງເສີມການເປັນຄູ່ຮ່ວມພັດທະນາ ໃນຂົງເຂຕ ຕ່າງໆ ກັບ ສປ ຈີນ ແລະ ປະເທດຕ່າງໆ ໃນພາກພື້ນ ເພື່ອບັນລຸຍຸດທະສາດຂອງລັດຖະບານ ເພື່ອ ປ່ຽນສະຖານະພາບ ເປັນປະເທດທີ່ບໍ່ມີຊາຍແດນ ຕິດຈອດທະເລ ໃຫ້ກາຍເປັນສູນກາງຂອງ ການ ເຊື່ອມຈອດພາກພື້ນ ດ້ວຍການຍົກລະດັບພື້ນຖານໂຄງລ່າງດ້ານການຂົນສົ່ງພາຍໃນປະເທດ , ໂດຍສະເພາະໂຄງການທາງລົດໄຟຄວາມໄວສູງ ລາວ-ຈີນ, ຊຶ່ງຄາດວ່າຈະສໍາເລັດສົມບູນໃນ ປີ 2021.

ຕໍ່ກັບສະພາບການລະບາດຂອງພະຍາດ COVID-19, ທ່ານລັດຖະມົນຕີ ໄດ້ຮຽກຮ້ອງໃຫ້ ປະເທດຕ່າງໆ ພ້ອມກັນຍົກສູງບົດບາດ ການຮ່ວມມື ແບບຫລາຍຝ່າຍ ແລະ ສືບຕໍ່ເຮັດວຽກຮ່ວມ ກັນ ຢ່າງໃກ້ຊິດ ເພື່ອຊອກຫາວິທີທາງແກ້ໄຂບັນຫາ ແລະ ສິ່ງທ້າທາຍຮ້າຍແຮງ ນີ້ຢ່າງຮີບດ່ວນ ແນໃສ່ຫລຸດຜ່ອນ ຜົນກະທົບ ຕໍ່ຄວາມພະຍາຍາມ ໃນການບັນລຸເປົ້າຫມາຍລົບ ລ້າງຄວາມທຸກ ຍາກ ແລະ ການພັດທະນາ ແບບຍືນຍົງຂອງສາກົນ, ໃນໂອກາດນີ້, ສປປ ລາວ ໄດ້ສະແດງຄວາມຍິນດີ ສະຫນັບສະຫມູນຕໍ່ຂໍ້ສະເຫນີຂອງ ສປ ຈີນ ເພື່ອສະຫນັບສະຫນູນ ວຽກງານຕ່າງໆ ຂອງອົງການສະຫະ ປະຊາຊາດ ໃນຫລາຍຂົງເຂດ, ລວມທັງການຮັບມືພະຍາດ COVID-19 ໃນປັດຈະບັນ ແລະ ການຟື້ນຟູໃນອະນາຄົດ, ການປະກອບສ່ວນງົບປະມານ ເຂົ້າໃນກອງທຶນຂອບການຮ່ວມມືໃຕ້-ໃຕ້ ແລະ ຂອບອື່ນໆ.

ການເຂົ້າຮ່ວມ ກອງປະຊຸມຄັ້ງນີ້ຂອງ ສປປ ລາວ ໄດ້ສະແດງໃຫ້ເຫັນບົດບາດ ແລະ ການປະກອບສ່ວນຢ່າງຫ້າວຫັນຂອງ ສປປ ລາວ ເຂົ້າໃນເວທີ ປຶກສາຫາລືບັນຫາສໍາຄັນຂອງສາກົນ ແລະ ໄດ້ຮັບຜົນສໍາເລັດຢ່າງຈົບງາມ.

 

 

Off

Comments are closed.