30th Sep2020

ສາທາເຕືອນໄລຍະນີ້ໄຂ້ຍຸງລາຍລະບາດ ເມື່ອມີອາການໄຂ້ຕ້ອງໄປພົບແພດ

by somchan

ກົມຄວບຄຸມພະຍາດຕິດຕໍ່ ກະຊວງສາທາລະນະສຸກ ເຕືອນວ່າໄລຍະນີ້ແມ່ນຢູ່ໃນໄລຍະລະດູຝົນ ຈືງເຮັດໃຫ້ເກີດການແຜ່ລະບາດ ຂອງພະຍາດໄຂ້ຍຸງລາຍ ຢູ່ປະເທດເຮົາ, ສະເພາະມື້ດຽວຄືວັນທີ 29 ກັນຍາ 2020 ພົບຜູ້ຕິດເຊື້ອ ຈຳນວນ 41 ກໍລະນີ ແລະ ນັບແຕ່ວັນທີ 1 ມັງກອນ 2020 -29 ກັນຍາ 2020 ມີຜູ້ຕິດເຊື້ອກໍລະນີ ສະສົມທັງໝົດ 6,512 ຄົນ ,ໃນນີ້ ຫຼາຍກ່ວາໝູ່ແມ່ນນະຄອນຫຼວງວຽງຈັນ ມີ 1,585 ຄົນ, ລອງລົງມາແມ່ນ ແຂວງ ບໍລິຄຳໄຊ ມີ 753 ຄົນ, ບໍ່ແກ້ວ 680 ຄົນ ແລະ ແຂວງວຽງຈັນ 664 ຄົນ ຕົວເລກຜູ້ເສຍຊີວິດ ຍ້ອນພະຍາດໄຂ້ຍຸງລາຍ ມີທັງໝົດ 12 ຄົນ, ຢູ່ນະຄອນຫຼວງວຽຍຈັນ 4 ຄົນ ,ບໍລິຄຳໄຊ 2 ຄົນ, ຄຳມວນ 2 ຄົນ, ໄຊຍະບູລີ,ຊຽງຂວາງ,ສະຫວັນນະເຂດ ແລະ ແຂວງ ຜົ້ງສາລີ ມີແຂວງລະ 1 ຄົນ.
ກົມຄວບຄຸມພະຍາດຕິດຕໍ່ ກະຊວງສາທາລະນະສຸກ ໄດ້ແນະນຳວ່າ: ເພື່ອທຳລາຍແຫຼ່ງເພາະພັນຂອງຍຸງລາຍ ປະຊາຊົນ ແລະ ອຳນາດການປົກຄອງ ທຸກຂັ້ນຈົ່ງຮ່ວມແຮງຮວມໃຈ ໃນການປະຕິບັດ 5 ປ ຢ່າງເຄັ່ງຄັດໃຫ້ເປັນປະຈຳ, ຖ້າເປັນໄຂ້ ໃຫ້ຮິບຮ້ອນໄປພົບແພດໝໍ ບໍ່ໃຫ້ຊື້ຢາມາກີນເອງ ເພື່ອຈະໄດ້ຮັບການປິ່ນປົວຢ່າງທັນການ.

Off

Comments are closed.