05th Oct2020

ກະຊວງ ປກສ ປະກາດເລື່ອນຊັ້ນຂັ້ນ ພັອ ຂຶ້ນ ພົຈວ ໃຫ້ນາຍຕຳຫຼວດຂັ້ນສູງ ຂອງກະຊວງ ປກສ

by somchan

ກະຊວງປ້ອງກັນຄວາມສະຫົງບ ໄດ້ປະກາດເລື່ອນຊັ້ນຂັ້ນພັອ ຂຶ້ນເປັນຊັ້ນ ພົຈວ ໃຫ້ນາຍຕຳຫຼວດຂັ້ນສູງ ຂອງກະຊວງປ້ອງກັນຄວາມສະຫົງບ ໃນວັນທີ 5 ຕຸລານີ້ ໃຫ້ກຽດເປັນປະທານຂອງ ພົທ ວິໄລ ຫຼ້າຄຳຟອງ ເລຂາທິການສູນກາງພັກ ລັດຖະມົນຕີກະຊວງປ້ອງກັນຄວາມສະຫົງບ, ມີ ຮອງລັດຖະມົນຕີ, ຄະນະພັກກະຊວງ, ກົມໃຫຍ່, ກົມກອງອ້ອມຂ້າງກະຊວງເຂົ້າຮ່ວມ.

ພົຈວ ປອ ສຸວັນນີ ສີສຸພາບມີໄຊ ຮອງຫົວໜ້າກົມໃຫຍ່ການເມືອງ ປ້ອງກັນຄວາມສະຫົງບໄດ້ຜ່ານ ລັດຖະດຳລັດ ຂອງປະທານປະເທດ ວ່າດ້ວຍການເລື່ອນຊັ້ນນາຍຕຳຫຼວດ ຊັ້ນ ພັອ ຂຶ້ນ ຊັ້ນ ພົຈວ. ຈຳນວນ 6 ສະຫາຍ ໃນນີ້ມີ ພັອ ຄຳຜາສິດ ບົງມູນທອງ, ພັອ ວັນສົມ ສີສົມບັດ, ພັອ ວົງເຊໂດນ ພັນທະແກ້ວ, ພັອ ໄຊສີ ແກ້ວສະຫ່ງາ, ພັອ ສົມພົງ ຂຳວິລຸນ ແລະ ພັອ ສົມໄຊ ຈັນທະວົງ ຂຶ້ນເປັນ ຊັ້ນ ພົຈວ. ໃຫ້ກຽດປະດັບຊັ້ນໂດຍ ພົທ ວິໄລ ຫຼ້າຄຳຟອງ ເລຂາທິການສູນກາງພັກ ລັດຖະມົນຕີ ກະຊວງ ປ້ອງກັນຄວາມສະຫົງບ.

ໂອກາດດຽວກັນນີ້ທ່ານຍັງໄດ້ໂອ້ລົມ ແລະ ເນັ້ນໜັກໃຫ້ບັນດາສະຫາຍທີ່ໄດ້ຮັບການເລື່ອນຊັ້ນໃນຄັ້ງນີ້, ກ່ອນອື່ນທ່ານໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານທີ່ບັນດາສະຫາຍຍາດມາໄດ້ ພ້ອມທັງເນັ້ນໜັກໃຫ້ເພີ່ມທະວີຄວາມຮັບຜິດຊອບໃນການຊີ້ນຳ-ນຳພາໃນຂົງເຂດວຽກງານວິຊາສະເພາະ ຕິດພັນກັບການສຶກສາອົບຮົມການເມືອງແນວຄິດ, ເອົາໃຈໃສ່ປັບປຸງກໍ່ສ້າງພະນັກງານ, ເອົາໃຈໃສ່ປັບປຸງແບບແຜນວິທີເຮັດວຽກໃຫ້ມີວິທະຍາສາດ, ການປະຕິບັດ ຫຼັກການລວມສູນປະຊາທິປະໄຕ ເຮັດວຽກເປັນໝູ່ຄະນະ, ຍົກສູງຄວາມຮັບຜິດຊອບໜ້າທີ ການເມືອງໃຫ້ມີຜົນສຳເລັດ ສຳເລັດເປັນແມ່ນການ ຮັກສາໄດ້ຄວາມສະຫົງບ ຄວາມເປັນລະບຽບຮຽບຮ້ອຍໃນສັງຄົມ.

Off

Comments are closed.