12th Oct2020

ຄາດຕະກຳນ້ອງຊາຍ ຍ້ອນຄວາມມືນເມົາ.

by somchan

ໃນວັນທີ 2 ຕຸລາ 2020 ເວລາປະມານ 19-20 ໂມງ ໄດ້ເກີດເຫດຄາດຕະກຳ ຂື້ນທີບ້ານຫ້ວຍເດື່ອ ເມືອງໂພນໂຮງ ແຂວງວຽງຈັນ ຜູ້ກໍ່ເຫດຊື່ ທ້າວ ແຍງ ອາຍຸ 29 ປີ ອາຊິບກຳມະກອນ ຢູ່ບ້ານຫ່ວຍເດື່ອ ເມືອງໂພນໂຮງ ແຂວງວຽງຈັນ ແລະ ຜູ້ເສຍຊີວິດຊື່ ທ້າວ ແປງ ອາຍຸ 26 ປີ ປະຊາຊົນ ຢູ່ບ້ານຫ້ວຍເດື່ອ ເມືອງໂພນໂຮງ ແຂວງວຽງຈັນ ເຊີ່ງເປັນນ້ອງຊາຍແທ້ໆຂອງຜູ້ກໍ່ເຫດ ເຈົ້າໜ້າທີ່ ແລະ ການຈັດຕັ້ງບ້ານ ໄດ້ກັກຕົວ ທ້າວ ແຍງ ພ້ອມທັງຂອງກາງ ປະເພດປືນລ່າສັດ ແລະ ມິດ ເພື່ອດຳເນີນການສອບສວນ ແລະ ດຳເນີນຄະດີຕາມຄາດໝາຍ.

ຜ່ານການສອບສວນຂອງເຈົ້າໜ້າທີ່ ທ້າວ ແຍງ ໄດ້ໃຫ້ການສາລະພາບວ່າ: ໃນຄືນຂອງວັນທີ 2 ຕຸລາ 2020 ເວລາປະມານ 19-20 ໂມງ ຜູ້ກ່ຽວໄດ້ລົງມືຄາດຕະກຳນ້ອງຊາຍຂອງຕົນ ຊື່ ທ້າວ ແປງ ໂດຍການເອົາປືນລ່າສັດ ຍິງໃສ່ ທ້າວ ແປງ ຈົນເສຍຊີວິດ ສວນສາເຫດ ແລະ ແຮງຈູງໃຈ ແມ່ນເກີດຈາກຄວາມມືນເມົາ, ເຊີ່ງເຮັດໃຫ້ເກີດມີ ການຜິດຖຽງກັນແລ້ວ ນຳໄປສູ່ການກໍ່ເຫດຄາດຕະກຳໃນຄັ້ງນີ້.

ປັດຈຸບັນເຈົ້າໜ້າທີ່ຕຳຫຼວດໄດ້ກັກຕົວ ທ້າວ ແຍງ ເຊີ່ງເປັນຜູ້ຖືກຫາວ່າເປັນຜູ້ລົງມື ກໍ່ເຫດຄາດຕະກຳໃນຄັ້ງນີ້ ເພື່ອສືບສວນ-ສອບສວນ ແລະ ສະຫຼູບສຳນວນຄະດີ ສົງໄອຍາການປະຊາຊົນ ເພື່ອພິຈາລະນາສົ່ງຟ້ອງຜູ້ກະທຳຜິດ ໃຫ້ສານຕັດສີນລົງໂທດຕາມກົດໝາຍ.

Off

Comments are closed.