19th Oct2020

ແຂວງວຽງຈັນຈູດທໍາລາຍຢາເສບຕິດ

by somchan

ໃນວັນທີ 16 ຕຸລາ 2020 ນີ້ ແຂວງວຽງຈັນ ໄດ້ຈັດພິທີສະເຫຼີມສະຫຼອງວັນແຫ່ງຊາດຕ້ານຢາ ເສບຕິດ ຄົບຮອບ 19 ປີ ແລະ ຈັດພິທີຈູດທໍາລາຍຢາເສບຕິດ, ໂດຍພາຍໃຕ້ການເປັນປະທານຂອງ ທ່ານ ບຸນສອນ ເພັດລາວັນ ຮອງເຈົ້າແຂວງໆວຽງຈັນ ປະທານຄະນະກໍາມະການກວດກາ ແລະ ຄວບຄຸມຢາເສບຕິດຂັ້ນແຂວງ, ມີ ພົຈວ ປອ ທອງເຄນ ບຸນໜັ້ນ ຫົວຫນ້າກອງບັນຊາການ ປກສ ແຂວງ ວຽງຈັນ ມີຕາງຫນ້າພະແນກການ, ອົງການ, ກົມກອງ, ອໍານາດການປົກຄອງບ້ານອ້ອມຂ້າງ ເຂົ້າຮວ່ມ.

 

ພັທ ຄໍາຟອງ ວົງດາລາແສນ ຮອງຫົວຫນ້າກອງບັນຊາການ ປກສ ແຂວງວຽງຈັນ ໄດ້ຜ່ານບົດລາຍງານຫຍໍ້ກ່ຽວກັບການເຄື່ອນໄຫວວຽກງານສະກັດກັ້ນ ແລະ ຕ້ານຢາເສບຕິດໃນໄລຍະ 1 ປີຜ່ານມາ ເຊິ່ງທ່ານໄດ້ຍົກໃຫ້ເຫັນຜົນຮ້າຍຂອງຢາເສບຕິດປະເພດຕ່າງໆ ແລະ ການລັກລອບຄ້າຂາຍ ຢາເສບຕິດທີ່ຜິດກົດຫມາຍ, ຢາເສບຕິດແມ່ນໄດ້ສົ່ງຜົນກະທົບໃຫ້ແກ່ທຸກພາກສ່ວນໃນສັງຄົມ ກົດໜ່ວງທ່ວງດຶງການພັດທະນາແຕ່ລະປະເທດ ເປັນສິ່ງທ້າທາຍ ແລະ ຫນ້າເປັນຫ່ວງ ສະນັ້ນ ພັກ-ລັດ ພວກເຮົາໄດ້ນໍາໃຊ້ກາລະໂອກາດທີ່ດີວາງແນວທາງແກ້ໄຂບັນຫາຢາເສບຕິດໂດຍສະເພາະຄະນະ

ພັກ, ອໍານາດການປົກຄອງແຕ່ລະຂັ້ນພາຍໃນແຂວງວຽງຈັນ ໄດ້ສືບຕໍ່ຈັດຕັ້ງຜັນຂະຫຍາຍບັນດາມະຕິ ຄໍາສັ່ງ, ແຈ້ງການຕ່າງໆວ່າດ້ວຍການສ້າງແຂວງໃຫ້ເປັນຫົວຫນ່ວຍຍຸດທະສາດ, ສ້າງເມືອງໃຫ້ເປັນຫົວ ໜ່ວຍເຂັ້ມແຂງຮອບດ້ານ, ສ້າງບ້ານໃຫ້ເປັນຫົວຫນ່ວຍພັດທະນາແນ່ໃສ່ລຶບລ້າງຄວາມທຸກຍາກເຮັດ ໃຫ້ ສປປລາວ ແລະ ພາກພື້ນປອດຢາເສບຕິດ ໂດຍສະເພາະຢູ່ແຂວງວຽງຈັນ ໃນປີຜ່ານມາ ມີຄະດີທີ່ເກີດຂຶ້ນທັງຫມົດ 400 ເລື່ອງ, ມີຜູ້ຖືກຫາ 519 ຄົນ, ສາມາດຍຶດຢາບ້າ 1 ລ້ານກວ່າເມັດ, ຢາໄອສ໌ 275 ກິໂລກຮາມ, ຢາເຄ 302 3 ກິໂລກຮາມ, ເຮໂຣອິນ 1 ຄູ່, ກັນຊາ 14 ແທ່ງ, ໂທລະສັບ 420 ເຄື່ອງ, ລົດຈັກ 108 ຄັນ, ລົດໃຫຍ່ 13 ຄັນ, ປືນສັນ 7 ກະບອກ, ເງີນ 184 ລ້ານກວ່າກີບ, ເງິນບາດ 23 ພັນກວ່າບາດ, ເງິນໂດຣາ ຫນຶ່ງພັນກວ່າໂດລາ, ເງິນຢວນ 2.100 ຢວນ ຄະດີສົ່ງໃຫ້ອົງການໄອຍະການປະຊາຊົນມີທັງຫມົດ 222 ເລື່ອງ, ມີຜູ້ຖືກຫາ 255 ຄົນ, ພ້ອມດ້ວຍຂອງກາງຄະດີຈໍານວນຫນື່ງ ປະຈຸບັນຄະດີພວມດໍາເນີນການສຶບສວນ-ສອບສວນ ມີທັງຫມົດ 178 ເລື່ອງ, ມີຜູ້ຖືກຫາ 264 ຄົນ, ສ່ວນຢາເສບຕິດທີ່ນຳມາຈູດທຳລາຍແມ່ນສານຕັດສິນແລ້ວນັບແຕ່ປີ 2019-2020 ມີຢາບ້າທັງຫມົດ 127.859 ເມັດ, ຢາໄອສ໌ 72 ກຣາມ ແມ່ນໄດ້ນໍາມາຈູດທໍາລາຍຖິ້ມ.

Off

Comments are closed.