19th Oct2020

ການນໍາແຂວງສະຫວັນນະເຂດ ລົງມອບເຄື່ອງ ຊ່ວຍເຫລືອແກ່ປະຊາຊົນ ເມືອງຊົນນະບຸລີ

by somchan

ທ່ານ ວຽງທະວີສອນ ເທບພະຈັນ ຄະນະປະຈໍາພັກແຂວງ ຜູ້ຊີ້ນໍາວຽກງານຂົງເຂດ ວັດທະນະທຳ-ສັງຄົມ ແຂວງສະຫວັນນະເຂດ ພ້ອມຄະນະ ໄດ້ສືບຕໍ່ເຄື່ອນໄຫວ ລົງພື້ນທີ່ ເພື່ອຕິດຕາມເກັບກໍາສະພາບ ຜົນກະທົບຈາກໄພນ້ໍາຖ້ວມ ພ້ອມທັງມອບເຄື່ອງຊ່ວຍເຫລືອບັນເທົາທຸກ ແກ່ປະຊາຊົນ ເມືອງຊົນນະບູລີ ໃນວັນທີ 14 ຕຸລາ 2020 ນີ້ ຊຶ່ງເປັນອີກຫນຶ່ງເມືອງ ທີ່ໄດ້ຮັບຜົນກະທົບຫນັກ ຈາກນ້ໍາຖ້ວມ ໂດຍການຕ້ອນຮັບ ຂອງທ່ານ ຄໍາມອນ ພິລາວົງ ຮອງເລຂາພັກເມືອງຊົນນະບູລີ ພ້ອມດ້ວຍຄະນະ.

ທ່ານນາງ ຄອນສະຫວັນ ແກ້ວດວງດີ ຮອງເຈົ້າເມືອງຊົນນະບູລີ ທັງເປັນປະທານ ຄະນະກໍາມະ ການປ້ອງກັນ ແລະ ຄວບຄຸມໄພພິບັດຂັ້ນເມືອງ ໃຫ້ຮູ້ວ່າ: ສະພາບນ້ໍາຖ້ວມ ມາຮອດວັນ. ທີ 14 ຕຸລາ 2020 ປະຊາຊົນໄດ້ຮັບຜົນກະທົບທັງຫມົດ 28 ບ້ານ, ມີເນື້ອທີ່ຖືກນ້ຳຖ້ວມ 4.223 ເຮັກຕາ, ໄດ້ຮັບຜົນກະທົບ, ມີ 2.797 ຫລັງຄາເຮືອນ, , ຫນອງປາ 176 ເຮັກຕາ, ປະຕູນໍ້າ 3 ແຫ່ງ, ໂຮງຮຽນ 15 ແຫ່ງ, ເສັ້ນທາງຕ່າງໆຖືກຕັດຂາດຫຼາຍເສັ້ນ ພະນັກງານການນໍາຂອງ ເມືອງ ແລະ ຄະນະກໍາມະການປ້ອງກັນ ແລະ ຄວບຄຸມໄພພິບັດຂັ້ນເມືອງ ພ້ອມດ້ວຍກໍາລັງ ປກຊປກສ ໄດ້ລົງໄປຊ່ວຍເຫລືອ ແລະ ຕິດຕາມເຝົ້າລະວັງຢູ່ຕາມຈຸດຕ່າງໆ ທີ່ເກີດນ້ໍາຖ້ວມ, ປັດຈຸບັນ , ທາງເມືອງໄດ້ສ້າງຈຸດພັກຊົ່ວຄາວໄວ້ຮອງຮັບປະຊາຊົນທີ່ໄດ້ຮັບຜົນກະທົບ ຈໍານວນ 7 ຈຸດ.

ຕໍ່ກັບສະພາບການດັ່ງກ່າວ ທາງການນຳຂອງແຂວງໄດ້ມີການລະດົມ ເຄື່ອງຊ່ວຍເຫລືອຈາກພາກສ່ວນຕ່າງໆທັງ ລັດ-ເອກະຊົນ ແລະໃນສັງຄົມ ເພື່ອນໍາໄປ ຊ່ວຍເຫລືອບັນເທົາທຸກໃຫ້ຜູ້ທີ່ ໄດ້ຮັບຜົນກະທົບ ຈາກໄພນ້ໍາຖ້ວມໃນຄັ້ງນີ້ ຢ່າງເປັນການດ່ວນ.ພ້ອມນີ້, ທ່ານ ວຽງທະວີສອນ ເທບພະຈັນໄດ້ເນັ້ນໃຫ້ຄະນະນໍາຂອງເມືອງ ແລະ ພາກສ່ວນກ່ຽວຂ້ອງ ຈົ່ງສືບຕໍ່ຕິດຕາມເຝົ້າລະວັງ

ຕາມຈຸດສຽງຕ່າງໆ ເພື່ອກຽມຊ່ວຍເຫລືອແກ່ປະຊາຊົນ ແລະ ຮຽກຮ້ອງໃຫ້ປະຊາຊົນ ຈົ່ງມີຄວາມສາມັກຄີ ຊ່ວຍເຫລືອເຊິ່ງກັນ ແລະ ກັນ ໂດຍສະເພາະ ໃນຍາມທີ່ເກີດວິກິດຄືໃນປັດຈຸບັນນີ້.

ໂອກາດນີ້, ທາງຄະນະການນໍາແຂວງ ກໍໄດ້ນໍາເອົາເຂົ້າສານ ຈໍານວນ 1 ໂຕນ ແລະ ນ້ໍາດື່ມເກືອບ 400 ແພັກ, ເຄື່ອງອຸປະໂພກ-ບໍລິໂພກ ຈໍານວນຫນຶ່ງມອບໃຫ້ ເມືອງຊົນນະບູລີ ເພື່ອນໍາໄປ ແຈກຢາຍ ໃຫ້ຜູ້ທີ່ໄດ້ຮັບຜົນກະທົບ.

 

Off

Comments are closed.