21st Oct2020

ຮອງລັດຖະມົນຕີ ກະຊວງ ປກສ ລົງຊີ້ນຳວຽກງານວິຊາສະເພາະທີ່ ປກສ ແຂວງອຸດົມໄຊ     

by somchan

ໃນທ້າຍອາທິດຜ່ານມານີ້ ພົຕ ທອງເຫຼັກ ມັງໜໍ່ເມກ ຄະນະປະຈໍາພັກກະຊວງ,ຮອງລັດຖະມົນຕີກະຊວງປ້ອງກັນຄວາມສະຫງົບພ້ອມຄະນະໄດ້ພົບປະ ແລະ ຊີ້ນຳວຽກງານວິຊາສະເພາະຢູ່ ກອງບັນຊາການ ປກສ ແຂວງອຸດົມໄຊ,ໃຫ້ກຽດຕ້ອນຮັບໂດຍ ທ່ານ ພັອ ສີວອນ ໄຊຍະວົງ ຄະນະປະຈຳພັກແຂວງ,ເລຂາຄະນະພັກ ຫົວໜ້າກອງບັນຊາການ ປກສ ແຂວງອຸດົມໄຊ, ມີຄະນະພັກ,ຄະນະຫ້ອງ,ກອງ,ຄ້າຍ,ໂຮງຮຽນ  ແລະ ພະນັກງ່ານຫຼັກແຫຼ່ງໃນກຳລັງປ້ອງກັນຄວາມສະຫງົບແຂວງເຂົ້າຮ່ວມຢ່າງພ້ອມພຽງ.

ໂອກາດດັ່ງກ່າວ ທ່ານ ພັອ ສີວອນ ໄຊຍະວົງ ຕາງໜ້າໃຫ້ພະນັກງານ-ນັກຮົບ ພາຍໃນແຂວງ ລາຍງານສະພາບກ່ຽວກັບການປະຕິບັດ ໜ້າທີຮັກສາຄວາມສະຫງົບ ແລະ ຄວາມເປັນລະບຽບຮຽບຮ້ອຍພາຍໃນແຂວງ ໃນໄລຍະຜ່ານມາ ເຊີ່ງສາມາດເຮັດໃຫ້ທົ່ວແຂວງ ມີຄວາມສະຫງົບ ໂດຍພື້ນຖານ ນອກນັ້ນ ຄະນະພັກ-ຄະນະບັນຊາ ແລະ ພະນັກງານຫັກແຫຼ່ງໃນກໍາລັງປ້ອງກັນຄວາມສະຫງົບແຂວງອຸດົມໄຊໄດ້ພ້ອມກັນຮັບຟັງການໂອ້ລົມເນ້ນໜັກວຽກງານຈຸດສຸມແຕ່ລະດ້ານ ຈາກທ່ານຮອງລັດຖະມົນຕີກະຊວງປ້ອງກັນຄວາມສະຫງົບ ແລະ ເຊື່ອມຊຶມບັນດາມະຕິ,ຂໍ້ຕົກລົງຕ່າງໆຂອງລັດຖະມົນຕີກະຊວງປ້ອງກັນຄວາມສະຫງົບ ວ່າດ້ວຍການແຕ່ງຕັ້ງຄະນະຊີ້ນຳ-ບັນຊາລວມ ແລະ ຄະນະກອງເສນາຊ່ວຍວຽກປ້ອງກັນ  ແລະ ຮ່າງແຜນປ້ອງກັນກອງປະຊຸມໃຫ່ຍ ຄັ້ງທີ XI ຂອງພັກ,  ວ່າດ້ວຍການແບ່ງຄວາມຮັບຜິດຊອບໃຫ້ຄະນະຊີ້ນໍາ-ບັນຊາ ແລະ ກອງເລຂາຊ່ວຍວຽກປ້ອງກັນກອງປະຊຸມໃຫ່ຍຄະນະບໍລິຫານານສູນກາງພັກຄັ້ງທີ XI, ຄໍາສັ່ງ ວ່າດ້ວຍແຜນແມ່ບົດປ້ອງກັນກອງປະຊຸມ, ງານສຳຄັນຕ່າງໆຂອງພັກ-ຂອງຊາດ ໃນປີ 2020-2021 ແລະ ແຜນແມ່ບົດໃຫ້ບັນດາກົມ-ກອງ ຂັ້ນສູນກາງ ແລະ ທ້ອງຖິ່ນ ເພື່ອເປັນເຈົ້າການໃນການກະກຽມ ແລະ ດຳເນີນການປ້ອງກັນໃຫ້ແກ່ກອງປະຊຸມ, ງານສຳຄັນຕ່າງໆ ຂອງພັກ-ຂອງຊາດ ໃຫ້ບັນລຸຕາມເປົ້າໝາຍທີ່ຂັ້ນເທິງວາງອອກໃນແຕ່ລະໄລຍະ ໃນຂອບເຂດທົ່ວປະເທດມີຄວາມສະຫງົບ, ປອດໄພ ແລະ ເປັນລະບຽບຮຽບຮ້ອຍ, ເພື່ອຢັ້ງຢືນເຖິງຄວາມສະຫງົບດ້ານການເມືອງ, ເສດຖະກິດ-ສັງຄົມ, ສ້າງເງື່ອນໄຂເອື້ອຍອຳນວຍແກ່ການດຶງດູດການລົງທຶນ ຈາກຕ່າງປະເທດ, ສ້າງຄວາມເຊື່ອໝັ້ນໃຫ້ກຳລັງປະກອບອາວຸດພວກເຮົາໃນເວທີສາກົນ ແລະ ພາກພື້ນ, ເສີມຂະຫຍາຍກຳລັງແຮງຂອງປວງຊົນ, ເຂົ້າຮ່ວມວຽກງານ ປກຊ-ປກສ ຢ່າງຕັ້ງໜ້າ, ສຸມທຸກຄວາມພະຍາຍາມຮັບປະກັນເຮັດໃຫ້ປະເທດຊາດມີສະຖຽນລະພາບທາງດ້ານການເມືອງ, ມີຄວາມສະຫງົບປອດໄພທາງສັງຄົມຢ່າງໜັກແໜ້ນ, ສຸມໃສ່ການລົງກໍ່ສ້າງຮາກຖານການເມືອງ, ພັດທະນາຊົນນະບົດ, ແກ້ໄຂຄວາມທຸກຍາກຂອງປະຊາຊົນ, ສືບຕໍ່ປະຕິບັດ 4 ເນື້ອໃນ 4 ຄາດໝາຍ ໃຫ້ເກີດໝາກເກີດຜົນເປັນຮູບປະທຳ, ຖືເອົາມາດຕະການສະກັດກັ້ນ, ບັນດາກົນອຸບາຍ, ເລ້ລ່ຽມຂອງຂອງກຸ່ມຄົນບໍ່ດີ ເປັນມາດຕະການຫຼັກ, ເອົາການແກ້ໄຂກໍລະນີເຫດການທີ່ຈະເກີດຂື້້ນຢູ່ບັນດາແຂວງ, ນະຄອນຫຼວງ, ແຕ່ລະຈຸດແຕ່ລະບໍລິເວນເປັນສຳຄັນ ແລະ ໃຫ້ຫັນເປັນແຜນລະອຽດເຂົ້າໃນການຈັດຕັ້ງເຄື່ອນໄຫວວຽກງານບັນລຸຕາມເປົ້າໝາຍ.

Off

Comments are closed.