22nd Oct2020

ຖະແຫຼ່ງຂ່າວ ການຈັດງານບຸນນະມັດສະການພະທາດຫຼວງວຽງຈັນ ປະຈຳປີ 2020

by somchan

ຄະນະຮັບຜິດຊອບຈັດງານບຸນນະມັດສະການພຣະທາດຫຼວງວຽງຈັນ ປີ 2020 ໄດ້ຈັດພິທີຖະແຫຼ່ງຂ່າວ ໃນການຈັດງານບຸນນະມັດສະການພະທາດຫຼວງວຽງຈັນ ໃນວັນທີ 21 ຕຸລາ 2020 ນີ້ ທີ່ເດີນທາດນະຄອນຫຼວງວຽງຈັນ ໂດຍການເຂົ້າຮ່ວມຂອງ ທ່ານ ຖະໜອມ ທຳທອງ ປະທານແນວລາວສ້າງຊາດ ນະຄອນຫຼວງວຽງຈັນ, ຄະນະຮັບຜິດຊອບຈັດງານບຸນ, ທ່ານ ນາງ ວິໄລວອນ ຈັນທະລາຕີ ຫົວໜ້າຖະແຫຼ່ງຂ່າວ ວັດທະນະທຳ ແລະ ທ່ອງທ່ຽວ ນະຄອນຫຼວງວຽງຈັນ, ຄະນະກຳມະການຈັດງານບຸນ, ມີເຈົ້າເມືອງໄຊເສດຖາ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.

ທ່ານ ນາງ ວິໄລວອນ ຈັນທະລາຕີ ຫົວໜ້າພະແນກຖະແຫຼ່ງຂ່າວ ວັດທະນະທຳ ແລະ ທ່ອງທ່ຽວນະຄອນຫຼວງວຽງຈັນ, ໃນນາມຄະນະກຳມະການຮັບຜິດຊອບຈັດງານບຸນນະມັດສະການພຣະທາດຫຼວງວຽງຈັນ ປະຈຳ ປີ 2020 ໄດ້ກ່າວວ່າ:

ພ້ອມນີ້ທ່ານຍັງຮູ້ຕື່ມອີກວ່າ: ພາຍໃນງານບຸນນະມັດສະການພະທາດຫຼວງວຽງຈັນ ປະຈຳປີ 2020 ນີ້ ຈະໄດ້ມີການຄົບງັນເປັນເວລາ 3 ວັນ ແຕ່ວັນທີ 29 ຫາວັນທີ 31 ຕຸລາ ເຊິ່ງພາຍໃນງານຈັດໄດ້ມີການຈັດຫຼາຍກິດຈະກຳຕາມຮີດຄອງປະເພນີ ເປັນຕົ້ນພິທີຕັກບາດ, ແຫ່ຜາສາດຜົ້ງ, ຕີຄີ ແລະ ກິດຈະກຳອື່ນໆ.

ສຳລັບວຽກງານປ້ອງກັນຄວາມສະຫງົບ ເພື່ອຮັບປະກັນຄວາມສະຫງົບ, ​ຄວາມເປັນລະບຽບຮຽບຮ້ອຍ ແມ່ນຈະໄດ້ຈັດວາງກຳລັງ ເພື່ອເຮັດໜ້າທີ່ກວດກາ, ປ້ອງກັນ ເວນຍາມ ຕະຫຼອດໄລຍະການຈັດງານບຸນ  ແລະ ປະສານສົມທົບກັບຄະນະສະເພາະກິດປ້ອງກັນ, ຄວບຄຸມ ແລະ ແກ້ໄຂ ການລະບາດຂອງພະຍາດໂຄວິດ-19 ເພື່ອຈະມີມາດຕະການປ້ອງກັນຢ່າງເຂັ້ມງວດ.

Off

Comments are closed.