23rd Oct2020

ການນໍາແຂວງ ໄຊຍະບູລີ ມອບເຄື່ອງນຸ່ງຮົ່ມໃຫ້ປະຊາຊົນເມືອງ ໄຊສະຖານ

by somchan

ທ່ານ ພົງສະຫວັນ ສິດທະວົງ ເຈົ້າແຂວງ ໄຊຍະບູລີ ພ້ອຍດ້ວຍພັນລະຍາ ແລະ ການນໍາຂອງແຂວງ ໄດ້ນໍາເອົາເຄື່ອງນຸ່ງຮົ່ມກັນໜາວເປັນຕົ້ນແມ່ນ: ສົ້ງ, ເສື້ອ ຈໍານວນ 1,500 ຜືນ ມອບໃຫ້ປະຊາຊົນກຸ່ມບ້ານ ກໍ່-ສະປີ ເມືອງ ໄຊສະຖານ ແຂວງ ໄຊຍະບູລີ. ໃຫ້ການຕ້ອນຮັບໂດຍ ທ່ານ ກອງສີ ວົງສີ ເຈົ້າເມືອງ ໄຊສະຖານ ພ້ອມດ້ວຍການນໍາຂອງເມືອງ, ໃນວັນທີ 22 ຕຸລາ ນີ້ ທີ່ຫ້ອງການກໍ່ສ້າງຮາກຖານປະຈໍາກຸ່ມບ້ານ ກໍ່-ສະປິ, ເຄື່ອງຊ່ວຍເຫຼືອດັ່ງກ່າວ ໂດຍແມ່ນ ບໍລິສັດ ຢາສູບລາວທຽນຫຼົງຈໍາກັດ ໃຫ້ການຊ່ວຍເຫຼືອ.

 

ໂອກາດດັ່ງກ່າວ ທ່ານເຈົ້າແຂວງກໍ່ໄດ້ເັນັ້ນໜັກໃຫ້ອໍານາດການປົກຄອງທຸກຂັ້ນຂອງເມືອງຈົ່ງສືບຕໍ່ຊີ້ນໍາ-ນໍາພາປະຊາຊົນເຂດດັ່ງກ່າວປູກພືດເປັນສິນຄ້າເຊັ່ນ: ປູກແຂມ, ໝາກເດືອຍ ແລະ ລ້ຽງສັດຕິດພັນກັບການປູກຫຍ້າ, ຈາກນັ້ນ ທ່ານ ພົງສະຫວັນ ສິດທະວົງ ພ້ອມພັນລະຍາ ແລະ ການນໍາຂອງແຂວງກໍ່ໄດ້ແຈກຢາຍເຄື່ອງນຸ່ງ-ຮົ່ມໃຫ້ ປະຊາຊົນ ແລະ ນ້ອງນັກຮຽນ, ພ້ອມດຽວກັນກໍ່ໄດ້ຢ້ຽມຢາມ ແລະ ມອບເຄື່ອງອຸປະໂພກ-ບໍລິໂພກ ລວມມູນຄ່າ 5 ລ້ານກວ່າກີບ ໃຫ້ກອງຮ້ອຍຊາຍແດນ 154 ຕື່ມອີກ.

Off

Comments are closed.