23rd Oct2020

ປກສ ແຂວງອັດຕະປື ເຜີຍແຜ່ເຊື່ອມຊຶມຜົນສຳເລັດ ກອງປະຊຸມໃຫຍ່ຄັ້ງທີ V ຂອງອົງຄະນະພັກກະຊວງ ປກສ

by somchan

ໃນ ວັນທີ 23 ຕຸລາ 2020 ນີ້ ກອງບັນຊາການ ປກສ ແຂວງອັດຕະປື ໄດ້ ເຜີຍແຜ່ເຊື່ອມຊຶມ ຜົນສຳເລັດການດຳເນີນກອງປະຊຸມໃຫຍ່ຄັ້ງທີ V ຂອງອົງຄະນະພັກກະຊວງປ້ອງກັນຄວາມສະຫງົບ ຢູ່ທີ່ສະໂມສອນກອງບັນຊາການ ປກສ ແຂວງ, ໃຫ້ເຜີຍແຜ່ ໂດຍ ພົຈວ ສົມວັນ ສາຍລ້ອງພາ ຄະນະປະຈຳພັກກະຊວງ ຫົວໜ້າຫ້ອງວ່າການກະຊວງປ້ອງກັນຄວາມສະຫງົບ, ມີ ພັອ ສີເວີນ ແກ້ວສີວົງສາ ກຳມະການພັກແຂວງ ເລຂາຄະນະພັກ ຫົວໜ້າກອງບັນຊາການ ປກສ ແຂວງ, ມີຄະນະພັກ, ຄະນະກອງບັນຊາການ, ຄະນະຫ້ອງ, ກອງພັນ, ຄ້າຍຄຸມຂັງ – ດັດສ້າງ, ຄະນະກອງບັນຊາການ ປກສ 5 ຕົວເມືອງ ແລະ ພະນັກງານຫຼັກແຫຼ່ງຂອງກອງບັນຊາການ ປກສ ແຂວງອັດຕະປືເຂົ້າຮ່ວມຢ່າງພ້ອມພຽງ.

ພົຈວ ສົມວັນ ສາຍລ້ອງພາ ໄດ້ເຜີຍແຜ່ມະຕິຕົກລົງ ຂອງຄະນະເລຂາທິການສູນກາງພັກ ວ່າດ້ວຍການຮັບຮອງເອົາຄະນະບໍລິຫານງານພັກ ກະຊວງປ້ອງກັນຄວາມສະຫງົບ; ເອກະສານ ຜົນສຳເລັດກອງປະຊຸມໃຫຍ່ຜູ້ແທນ ຄັ້ງທີ V ຂອງອົງຄະນະພັກກະຊວງປ້ອງກັນຄວາມສະຫງົບ ແລະ ບົດໂອ້ລົມຂອງສະຫາຍເລຂາທິການໃຫຍ່ ຄະນະບໍລິຫານງານສູນກາງພັກ ຕໍ່ກອງປະຊຸມໃຫຍ່ຜູ້ແທນ ຄັ້ງທີ V ຂອງອົງຄະນະພັກກະຊວງປ້ອງກັນຄວາມສະຫງົບ. ນອກນັ້ນ, ສະຫາຍຍັງໄດ້ກ່າວຕື່ມອີກວ່າ: ກອງປະຊຸມໃຫຍ່ຄັ້ງທີ V ຂອງອົງຄະນະພັກກະຊວງປ້ອງກັນຄວາມສະຫງົບ ໄດ້ໄຂຂື້ນຢ່າງເປັນທາງການ ໃນວັນທີ 9 ກັນຍາ 2020. ໂດຍການເປັນປະທານຂອງ ສະຫາຍ ພົທ ວິໄລ ຫຼ້າຄຳຟອງ ເລຂາທິການສູນກາງພັກ ເລຂາຄະນະພັກ ລັດຖະມົນຕີກະຊວງປ້ອງກັນຄວາມສະຫງົບ; ໃນກອງປະຊຸມໄດ້ຄົ້ນຄວ້າຢ່າງເລິກເຊິ່ງ ແລະ ເປັນເອກະພາບ ຮັບຮອງເອົາບົດລາຍງານການເມືອງທັງສອງພາກ ເປັນຕົ້ນແມ່ນບັນດາຜົນງານດ້ານດີທີ່ຕັ້ງໜ້າ ແລະ ດ້ານອ່ອນທີ່ເປັນຂໍ້ຄົງຄ້າງ, ບົດຮຽນທີ່ຖອດຖອນໄດ້ ແລະ ແຜນການເຄື່ອນໄຫວໃນ 5 ປີຕໍ່ໜ້າ ຂອງກະຊວງປ້ອງກັນຄວາມສະຫງົບ ທີ່ຈະໄດ້ສືບຕໍ່ຈັດຕັ້ງປະຕິບັດໃຫ້ປະກົດຜົນເປັນຈິງເທື່ອລະກ້າວ.

ທ່ານຍັງໃຫ້ຮູຕື່ມອີກວ່າ: ໃນໄລຍະດຽວນີ້ ປກສ ແຂວງຫົວພັນ ກໍ່ໄດ້ຈັດຕັ້ງເຊື່ອມຊືມເອກະສານຜົນສຳເລັດຂອງກອງປະຊຸມໃຫຍ່ຜູ້ແທນຄັ້ງທີ 5 ຂອງອົງຄະນະພັກກະຊວງປ້ອງກັນຄວາມສະຫງົບເຊັ່ນດຽວກັນ, ໃຫ້ກຽດປາຖະກະຖາໂດຍ ພຈວ ຈັນສະແຫວງ ທິບຄູນທອງ ຄະນະພັກກະຊວງຫົວໜ້າກອງບັນຊາການປ້ອງກັນເຄື່ອນທີ່, ມີຄະນະພັກຄະນະບັນຊາ ພະນັກງານ-ນັກຮົບ ພາຍໃນກອງບັນຊາການ ປກສ ແຂວງຫົວພັນເຂົ້າຮ່ວມຮັບຟັງ.

 

Off

Comments are closed.