26th Oct2020

ພິທີໂຮມຊຸມນຸມສະເຫຼີມສະຫຼອງວັນສ້າງຕັ້ງສະພາແຫ່ງຊາດ ຄົບຮອບ 45 ປີ

by somchan

ພິທີໂຮມຊຸມນຸມສະເຫຼີມສະຫຼອງວັນສ້າງຕັ້ງສະພາແຫ່ງຊາດ ທີ 2 ທັນວາ ຄົບຮອບ 45 ປີ ຈັດຂື້ນໃນຕອນເຊົ້າວັນທີ 26 ຕຸລາ 2020 ນີ້ທີ່ຫໍປະຊຸມແຫ່ງຊາດ ນະຄອນຫຼວງວຽງຈັນ ໂດຍການເປັນປະທານຂອງທ່ານ ນາງ ປານີ ຢາທໍ່ຕູ້ ກຳມະການກົມການເມືອງສູນກາງພັກ ປະທານສະພາແຫ່ງຊາດ

ເຂົ້າຮ່ວມເປັນກຽດມີທ່ານ ບຸນຍັງ ວໍລະຈິດ ເລຂາທິການໃຫ່ຍ ຄະນະບໍລິຫານງານສູນກາງພັກ ປະຊາຊົນປະຕິວັດລາວ, ປະທານປະເທດ, ທ່ານ ທອງລຸນ ສີສຸລິດ ກຳມະການກົມການເມືອງສູນກາງພັກ, ນາຍຍົກລັດຖະມົນຕີ, ມີການນຳພັກ-ລັດ, ສະມາຊິກສະພາແຫ່ງຊາດ, ສະມາຊິກສະພາປະຊາຊົນຂັ້ນແຂວງ, ອາດີດການນຳຂັ້ນສູງ ແລະ ແຂກຮັບເຊີນເຂົ້າຮ່ວມ.

 

ໃນພິທີທີ່ມີຄວາມໝາຍສຳຄັນນີ້ ທ່ານ ນາງ ປານີ ຢາທໍ່ຕູ້ ກຳມະການກົມການເມືອງສູນກາງພັກ ປະທານສະພາແຫ່ງຊາດ ໄດ້ຂື້ນກ່າວປາໃສ ໂດຍໄດ້ຍົກໃຫ້ເຫັນຕະຫຼອດໄລຍະ 45 ປີ ແຫ່ງການເຕີບໃຫ່ຍຂະຫຍາຍຕົວຢ່າງຮອບດ້ານຂອງລັດ ປະຊາທິປະໄຕ ປະຊາຊົນລາວ, ສະພາແຫ່ງຊາດໃນຖານະທີ່ເປັນຕົວແທນແຫ່ງສິດ ແລະ ຜົນປະໂຫຍດອັນຊອບທຳຂອງປະຊາຊົນລາວບັນດາເຜົ່າເປັນອົງການສູງສຸດຂອງອົງການອຳນາດລັດ ໄດ້ຕັ້ງໜ້າປະຕິບັດພາລະບົດບາດ ນິຕິບັນຍັດໃນການຫັນແນວທາງປ່ຽນແປງ ໃໝ່ຮອບດ້ານ, ທີ່ມີຫຼັກການຂອງພັກ, ສ້າງລັດຖະທຳມະນູນ ແລະ ກົດໝາຍໃນແຕ່ລະຂົງເຂດວຽກງານເປັນລະບົບຄົບຊຸດໂດຍພື້ນຖານ, ສາມາດສ້າງພື້ນຖານທາງດ້ານນິຕິກຳໃຫ້ການຄຸ້ມຄອງລັດ, ຄຸ້ມຄອງເສດຖະກິດສັງຄົມດ້ວຍກົດໝາຍ ແລະ ການເຊື່ອມໂຍງເຂົ້າກັບສາກົນໃນແຕ່ລະໄລຍະນັບມື້ດີຂື້ນ.

ນອກຈາກນີ້ສະພາແຫ່ງຊາດໄດ້ເອົາໃຈໃສ່ປະຕິບັດສິດ ແລະ ໜ້າທີ່ໃນການຕົກລົງບັນຫາສຳຄັນພື້ນຖານຂອງປະເທດຕິດຕາມກວດກາການເຄົາລົບປະຕິບັດລັດຖະທຳມະນູນ ແລະ ກົດໝາຍຂອງບັນດາອົງການລັດ, ເອົາໃຈໃສ່ປັບປຸງກົງຈັກການຈັດຕັ້ງ, ການເຄື່ອນໄຫວວຽກງານ ແລະ ການບຳລຸງສ້າງຍົກລະດັບໃຫ້ແກ່ສະມາຊິກສະພາແຫ່ງຊາດ, ສະມາຊິກສະພາປະຊາຊົນຂັ້ນແຂວງ, ພະນັກງານວິຊາການໃນດ້ານຂະແໜງການຕ່າງໆ ເຮັດໃຫ້ສະພາແຫ່ງຊາດ, ສະພາປະຊາຊົນຂັ້ນແຂວງ, ສາມາດປະຕິບັດໜ້າທີ່ຂອງຕົນຢ່າງມີຄຸນນະພາບ, ມີປະສິດທິຜົນສູງຂື້ນ, ການເຕີບໃຫ່ຍຂະຫຍາຍຕົວທາງດ້ານປະລິມານ ແລະ ຄຸນນະພາບຂອງສະພາແຫ່ງຊາດໄດ້ປະກອບສ່ວນອັນສຳຄັນເຂົ້າໃນການເພີ່ມທະວີຄວາມສາມັກຄີເປັນປຶກແຜ່ນຂອງທົ່ວປວງຊົນລາວທັງຊາດ, ພາຍໃຕ້ການນຳພາຂອງພັກ, ກໍ່ຄືການສືບຕໍ່ສ້າງ ແລະ ບູລະນະລະບອບປະຊາທິປະໄຕປະຊາຊົນ, ຄວາມໜັກແໜ້ນເຂົ້າໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດຕາມຈຸດໝາຍສັງຄົມນິຍົມ.

ໂອກາດນີ້ ທ່ານ ບຸນຍັງ ວໍລະຈິດ ເລຂາທິການໃຫ່ຍ ຄະນະບໍລິຫານງານສູນກາງພັກປະຊາຊົນປະຕິວັດລາວ, ປະທານປະເທດ, ໄດ້ໃຫ້ກຽດຂື້ນປະດັບຫຼຽນຄຳແຫ່ງຊາດ ຊຶ່ງເປັນຫຼຽນສູງສຸດຂອງຊາດ ໃຫ້ແກ່ສະພາແຫ່ງຊາດ ແລະ ປະດັບຫຼຽນໄຊອິດສະຫຼະຊັ້ນ I ໃຫ້ແກ່ຄະນະປະຈຳສະພາແຫ່ງຊາດຕາມລຳດັບ.

ຈາກນັ້ນທ່ານ ບຸນຍັງ ວໍລະຈິດ ໄດ້ໃຫ້ກຽດຂື້ນກ່າວສູນທອນພົດຕໍ່ງານໂຮມຊຸມນຸມເພື່ອເປັນທິດນຳໃຫ້ແກ່ການເຄື່ອນໄຫວວຽກງານຂອງສະພາແຫ່ງຊາດໃນຊຸມປີຕໍ່ໜ້າ ໂດຍບາງຕອນທ່ານໄດ້ກ່າວວ່າ:

Off

Comments are closed.