27th Oct2020

ປກສ ແຂວງອຸດົມໄຊ ເຜີຍແຜ່ຜົນສຳເລັດກອງປະຊຸມໃຫ່ຍຜູ້ແທນ ຄັ້ງທີ V ອົງຄະນະພັກ

by somchan

ໃນວັນທີ 26 ຕຸລາ 2020 ນີ້, ປກສ ແຂວງອຸດົມໄຊ ໄດ້ຈັດຕັ້ງເຜີຍແຜ່ຜົນສຳເລັດກອງປະ ຊຸມໃຫ່ຍຜູ້ແທນ ຄັ້ງທີ V ອົງຄະນະພັກກະຊວງ ປ້ອງກັນຄວາມສະຫງົບ, ໂດຍການເຜີຍແຜ່ຂອງ ພົຕ ປອ ທອງເຫຼັກ ມັງໜໍ່ເມກ ຄະນະປະຈຳພັກກະຊວງ ຮອງລັດຖະມົນຕີກະຊວງປ້ອງກັນຄວາມສະຫງົບ, ມີສະຫາຍ ພັອ ສີວອນ ໄຊຍະວົງ ຄະນະປະຈໍາພັກແຂວງ, ເລຂາຄະນະພັກ ຫົວໜ້າກອງບັນຊາການ ປກສ ແຂວງອຸດົມໄຊ, ມີຄະນະພັກ-ຄະນະກອງບັນຊາການ, ຫົວໜ້າຫ້ອງ, ກອງ, ຄ້າຍ, ໂຮງຮຽນ ແລະ ປກສ ເມືອງໄຊ, ຕະຫຼອດຮອດພະນັກງ່ານຫຼັກແຫຼ່ງໃນກຳລັງປ້ອງກັນຄວາມສະຫງົບແຂວງເຂົ້າຮ່ວມ.

ພັອ ສອນພະຈັນ ທຳມະວົງ ຄະນະພັກກົມໃຫ່ຍການເມືອງ ຫົວໜ້າກົມໂຄສະນາອົບຮົມກົມໃຫ່ຍການເມືອງ ປກສ ໄດ້ຜ່ານມະຕິຕົກລົງຂອງຄະນະເລຂາທິການສູນກາງພັກ ວ່າດ້ວຍການຮັບຮອງເອົາຄະນະບໍລິຫານງານພັກກະຊວງປ້ອງກັນຄວາມສະຫງົບ; ຈາກນັ້ນ ພົຕ ປອ ທອງເຫຼັກ ມັງໜໍ່ເມກ ໄດ້ເຜີຍແຜ່ຜົນສຳເລັດກອງປະຊຸມໃຫ່ຍຜູ້ແທນ ຄັ້ງທີ V ອົງຄະນະພັກກະຊວງ ປກສ ແລະ ບົດໂອ້ລົມຂອງສະຫາຍ ບຸນຍັງ ວໍລະຈິດ ເລຂາທິການໃຫ່ຍ ຄະນະບໍລິຫານງານສູນກາງພັກປະທານປະເທດ ຕໍ່ກອງປະຊຸມໃຫ່ຍຜູ້ແທນ ຄັ້ງທີ V ອົງຄະນະພັກກະຊວງ ປກສ. ນອກນັ້ນ, ສະຫາຍໃຫ້ຮູ້ວ່າ: ກອງປະຊຸມ ໄດ້ມີການຄົ້ນຄວ້າ ແລະ ຮັບຮອງ ເອົາຢ່າງເປັນເອກະສັນຕໍ່ບົດ ລາຍງານການເມືອງຂອງຄະນະບໍລິຫານງານພັກກະຊວງສະໄໝທີ IV ເປັນຕົ້ນແມ່ນ ຕີລາຄາຢ່າງ ເລິກເຊິງຕໍ່ບັນດາສາເຫດທີ່ພາໃຫ້ມີຂໍ້ຄົງຄ້າງ ແລະ ຖອດຖອນບົດຮຽນ ການຈັດຕັ້ງຜ່ານມາ ດ້ານ ວຽກງານປັບປຸງ-ກໍ່ສ້າງພັກໃນກໍາລັງປ້ອກັນຄວາມສະຫງົບໃຫ້ປອດໃສ, ໜັກແໜ້ນ-ເຂັ້ມແຂງ, ເວົ້າລວມ ດ້ານວຽກງານພະລາທິການ, ວຽກງານເສນາທິການໃຫ້ວ່ອງໄວ ແລະ ວຽກງານຜັນຂະຫຍາຍແນວທາງ ການຕ່າງປະເທດຂອງພັກ, ກອງປະຊຸມໄດ້ຮັບຟັງການ ລາຍງານ ແລະ ປະກອບຄວາມເຫັນຈາກ ຕ່າງໜ້າບັນດາອົງຄະນະພັກ, ກົມກອງວິຊາສະເພາະ ແລະ ຮັບຮອງເອົາບົດສໍາຫຼວດການນໍາພາ ຂອງຄະນະບໍລິຫານງານພັກກະຊວງສະໄໝທີ IV ໂດຍຕີ ລາຄາສູງຕໍ່ຄວາມພະຍາ ຍາມອັນຕັ້ງໜ້າ, ຄວາມເປັນເຈົ້າການ ປະດິດສ້າງ ແລະ ການສູ້ຊົນນໍາພາຈັດ ຕັ້ງຜັນຂະຫຍາຍມະຕິກອງປະຊຸມ ໃຫຍ່ຄັ້ງທີ X ຂອງພັກ. ກອງປະຊຸມ, ບັນດາຜູ້ແທນຍັງໄດ້ໃຊ້ສິດປະຊາທິປະໄຕ ໃນການປ່ອນບັດຄັດເລືອກເອົາຄະນະບໍລິຫານງານພັກກະຊວງ ຊຸດທີ V ໄດ້ຕາມລະດັບຄາດໝາຍ, ໃນນັ້ນ ໄດ້ເປັນເອກະສັນເລືອກເອົາເລຂາ-ຮອງເລຂາຄະນະພັກກະຊວງ 3 ສະ ຫາຍ, ເລືອກເອົາຄະນະປະຈຳພັກກະຊວງ 9 ສະຫາຍ ແລະ ເລືອກເອົາປະທານ-ຮອງປະທານກວດກາ 4 ສະຫາຍ.

Off

Comments are closed.