30th Oct2020

ລັດຖະບານ ແຫ່ງ ສປປ ລາວ ມອບຫລຽນກາມິດຕະພາບ ໃຫ້ທ່ານທູດ ອົດສະຕຣາລີ

by somchan

ໃນວັນທີ 29 ຕຸລາ 2010 ທີ່ກະຊວງການຕ່າງປະເທດ, ທ່ານ ສະເຫລີມໄຊ ກົມມະສິດ ລັດຖະມົນຕີ ກະຊວງການຕ່າງປະເທດ ແຫ່ງ ສປປ ລາວ ໄດ້ຕ້ອນຮັບການເຂົ້າຢ້ຽມອໍາລາຂອງທ່ານ ຊ່ອງ ເບິນາດ ຄາຣາສໂກ, ເອກອັກຄະລັດຖະທູດ ວິສາມັນຜູ້ມີອໍານາດເຕັມແຫ່ງອົດສະຕຣາລີ ປະຈໍາ ສປປ ລາວ ໃນໂອກາດທີ່ສໍາເລັດ ການປະຕິບັດຫນ້າທີ່ການທູດ ຢູ່ ສປປ ລາວ.

ໃນໂອກາດນີ້, ທ່ານ ສະເຫລີມໄຊ ກົມມະສິດ ໄດ້ສະແດງຄວາມຍິນດີ ແລະ ຊົມເຊີຍທ່ານ ທ່ານ ຊ່ອງ ເບິນາດ ຄາຣາສໂກ ຕໍ່ຜົນສໍາເລັດ ໃນການປະຕິບັດຫນ້າທີ່ການ ທູດ ຢູ່ ສປປ ລາວ ຕະຫລອດໄລຍະ 3 ປີ ຜ່ານມາ, ເຊິ່ງໄດ້ປະກອບສ່ວນອັນສໍາຄັນ ເຂົ້າໃນການຊຸກຍູ້ ສາຍພົວພັນມິດຕະພາບ ແລະ ການຮ່ວມມືອັນດີງາມ ລະຫວ່າງ ສປປ ລາວ ແລະ ອົດສະຕຣາລີ ກໍຄື ການພັດທະນາເສດຖະກິດ-ສັງຄົມ ຂອງ ສປປ ລາວ ໃຫ້ ຂະຫຍາຍຕົວຍິ່ງໆຂຶ້ນ.

ພ້ອມດຽວກັນນີ້, ທ່ານ ສະເຫລີມໄຊ ກົມມະສິດ ໄດ້ຕາງຫນ້າລັດຖະບານ ແລະ ປະຊາຊົນລາວ ມອບຫລຽນກາມິດຕະພາບ ໃຫ້ແກ່ ທ່ານ ຊ່ອງ ເບີນາດ ຄາຣາສໂກ ເພື່ອສະແດງຄວາມຍ້ອງຍໍຊົມເຊີຍ ແລະ ຈາລຶກຜົນງານຄວາມດີ ທີ່ທ່ານໄດ້ອຸທິດ ເຫື່ອແຮງ ແລະ ສະຕິປັນຍາ ເຂົ້າໃນການເສີມຂະຫຍາຍ ສາຍພົວພັນມິດຕະພາບ ແລະ ການຮ່ວມມືອັນດີງາມລະຫວ່າງສອງປະເທດລາວ ແລະ ອົດສະຕຣາລີ ໃຫ້ແຫນ້ນແຟ້ນຍິງຂຶ້ນ.

ໃນໂອກາດດຽວກັນນີ້, ທ່ານ ຊ່ອງ ເບີນາດ ຄາຣາໂກ ກໍ່ໄດ້ສະແດງຄວາມຂອບໃຈ ຕໍ່ລັດຖະບານ ແລະ ປະຊາຊົນລາວ, ໂດຍສະເພາະກະຊວງ ການຕ່າງປະເທດລາວ ທີ່ໄດ້ອໍານວຍຄວາມສະດວກ ໃຫ້ແກ່ການເຄື່ອນໄຫວປະຕິບັດວຽກງານການທູດຂອງຕົນ ຢູ່ ສປປ ລາວ ໃຫ້ມີປະສິດທິຜົນເປັນຢ່າງດີ, ທ່ານຍັງໄດ້ສະແດງຄວາມຮູ້ສຶກ ເປັນກຽດຢ່າງສູງ ທີ່ລັດຖະບານ ແລະ ປະຊາຊົນລາວ ມອບຫລຽນກາມິດຕະພາບ ອັນຊົງກຽດໃຫ້ແກ່ຕົນ ແລະ ຢືນຢັນຈະສືບຕໍ່ປະກອບສ່ວນເຂົ້າໃນການຮັດແຫນ້ນ ແລະ ເສີມຂະຫຍາຍ

Off

Comments are closed.