30th Oct2020

ຄາດຕະກໍາພີ່ນ້ອງຕົນເອງຍ້ອນບໍ່ພໍໃຈຄຳເວົ້າ

by somchan

ອີງຕາມການລາຍງານຂອງເຈົ້າຫນ້າທີ່ພະແນກຕໍາຫຼວດສືບສວນ-ສອບສວນ ປກສ ແຂວງຈໍາປາສັກ ໃຫ້ຮູ້ວ່າ: ໃນຄັ້ງວັນທີ 1 ຕຸລາ 2020 ເວລາ 16:00 ນາທີ ໄດ້ມີການຄາດຕະກໍາເກີດຂື້ນຢູ່ບ້ານໂນນແດງ ເມືອງສຸຂຸມາ ແຂວງຈໍາປາສັກ ມີຜູ້ເສຍຊີວິດ 01 ຄົນ ຊື່ທ້າວ ເຖຶກນ້ອຍ ອາຍຸ 19 ປີ ຢູ່ບ້ານ ໂນນແດງ ເມືອງສຸຂຸມາ ແຂວງຈໍາປາສັກ

ສ່ວນຜູ້ກໍ່ເຫດລົງມືຄາດຕະກໍາ ໃນຄັ້ງນີ້ ແມ່ນທ້າວ ນວກ ບາງທອງ ອາຍຸ 45 ປີ ເຊິ່ງຢູ່ບ້ານດຽວກັນກັບຜູ້ເສຍຊີວິດ, ທັງສອງຄົນແມ່ນເປັນ ຍາດພີ່ນ້ອງກັນ, ສວນສາເຫດທີ່ພາໃຫ້ເກີດເຫດຄາດຕະກໍາໃນຄັ້ງນີ້ ເບື້ອງຕົ້ນແມ່ນໄດ້ນັ່ງສ້າງສັນນໍາກັນ ຈໍານວນ 06 ຄົນ, ເວລາຜ່ານໄປປະມານ 30 ນາທີ ທ້າວ ເກນ້ອຍ ຜູ້ເສຍຊີວິດ ໄດ້ເວົ້າສຽດສີເຮັດໃຫ້ທາງທ້າວ ນວກ ບາງທອງ ບໍ່ພໍໃຈ ຈິ່ງໄປເອົາປືນແກັບຢູ່ເຮືອນກັບມາຍິງໃສ່ທ້າວ ເຖິກນ້ອຍ ເຮັດ ໃຫ້ລູກປືນເຂົ້າບໍລິເວນຫນ້າເອິກ ເສຍຊີວິດຄາປີ ຈາກນັ້ນ ທ້າວ ນວກ ເຊິ່ງເປັນຜູ້ກໍ່ເຫດ ຈຶ່ງໄດ້ກັບເມືອ ເຮືອນຂອງຕົນ ຕໍ່ມາເວລາ 18:00 ນາທີ ຂອງວັນດຽວກັນເຈົ້າຫນ້າທີ່ຂອງພວກເຮົາ ຈຶ່ງໄດ້ກັກໂຕຜູ້ກໍ່ເຫດມາດໍາເນີນຄະດີຕາມຂັ້ນຕອນຂອງກົດຫມາຍ.

Off

Comments are closed.