02nd Nov2020

ສະພາຮັບຮອງເອົາການແຕ່ງຕັ້ງບຸກຄະລາກອນຂັ້ນສູງຂອງລັດບາງຕຳແໜ່ງ

by somchan

ວາລະດໍາເນີນກອງປະຊຸມສະໄຫມສາມັນເທື່ອທີ 10 ຂອງສະພາແຫ່ງຊາດຊຸດທີ VIII ໃນວັນທີ 30 ຕຸລາ 2020 ນີ້, ພາຍໃຕ້ການເປັນປະທານຂອງ ທ່ານນາງ ປານີ ຢາທໍ່ຕູ້ ປະທານສະພາແຫ່ງຊາດ, ສະມາຊິກສະພາແຫ່ງຊາດ (ສສຊ) ໄດ້ພິຈາລະນາຕາມການສະເຫນີຂອງນາຍົກລັດຖະມົນຕີ ກ່ຽວກັບ ການຍົກຍ້າຍ ແລະ ການແຕ່ງຕັ້ງບຸກຄະລາກອນຂັ້ນສູງຂອງລັດ,

ໂດຍໄດ້ສະເຫນີຍົກຍ້າຍ ທ່ານ ລຽນ ທີແກ້ວ ລັດຖະມົນຕີກະຊວງກະສິກໍາແລະ ປ່າໄມ້ ໄປຮັບຫນ້າທີ່ໃຫມ່ ເປັນລັດຖະມົນຕີປະຈໍາສໍາງານ ນາຍົກລັດຖະມົນຕີ, ຍົກຍ້າຍ ທ່ານ ເພັດ ພົມພິພັກ ລັດຖະມົນຕີປະຈໍາສໍານັກງານນາຍົກລັດຖະມົນຕີ, ຫົວຫນ້າຫ້ອງວ່າການສໍານັກງານນາຍົກລັດຖະມົນຕີ ໄປຮັບຫນ້າທີ່ໃຫມ່ເປັນລັດຖະມົນຕີກະຊວງກະສິກໍາ ແລະ ປ່າໄມ້.

ສໍາລັບການແຕ່ງຕັ້ງບຸກຄະລາກອນນັ້ນ, ນາຍົກລັດຖະມົນຕີໄດ້ສະເຫນີແຕ່ງຕັ້ງ ທ່ານ ຄໍາເຈນ ວົງໂພສີ ຮອງຫົວຫນ້າຄະນະໂຄສະນາອົບຮົມສູນກາງພັກ ໄປຮັບຫນ້າທີ່ເປັນ ລັດຖະມົນຕີປະຈໍາສໍານັກງານນາຍົກລັດຖະມົນຕີ, ຫົວຫນ້າຫ້ອງວ່າການສໍານັກງານນາຍົກລັດຖະມົນຕີ ແລະ ສະເຫນີແຕ່ງຕັ້ງທ່ານ ທອງຈັນ ມະນີໄຊ ຮອງລັດຖະມົນຕີກະຊວງພາຍໃນ ຂຶ້ນເປັນລັດຖະມົນກະຊວງພາຍໃນ.

ພາຍຫລັງຜ່ານການພິຈະລະນາຢ່າງຖີ່ຖ້ວນ ແລະ ກົງໄປກົງມາຕາມຊີວະປະຫວັດ, ວຸທິການສຶກສາ ແລະ ການເຄື່ອນໄຫວວຽກງານຕົວຈິງຂອງບັນດາທ່ານ ທີ່ໄດ້ຖືກສະເຫນີຍົກຍ້າຍ ແລະ ແຕ່ງຕັ້ງຄືດັ່ງກ່າວແລ້ວ, ສະມາຊິກສະພາແຫ່ງຊາດ ກໍໄດ້ພ້ອມກັນລົງຄະແນນສຽງຮັບຮອງເອົາດ້ວຍຄະແນນສຽງສ່ວນຫລາຍ

 

Off

Comments are closed.