05th Nov2020

ເກີດເຫດຄາດຕະກໍາເອື້ອຍໃພ້ ຢູ່ບ້ານ ນາກາງ ເມືອງປາກລາຍ

by somchan

ເກີດເຫດການຄາດຕະກໍາ ຢູ່ບ້ານ ນາກາງ ເມືອງປາກລາຍ ແຂວງໄຊຍະບູລີ ວັນທີ 18 ຕຸລາ 2020 ພາຍຫຼັງໄດ້ຮັບແຈ້ງເຫດການຈາກອໍານາດການປົກຄອງບ້ານ ນາກາງ ເຈົ້າຫນ້າທີ່ຫນວຍງານສືບສວນ – ສອບສວນ ພະແນກຕໍາຫຼວດ ກອງບັນຊາການ ປກສ ເມືອງປາກລາຍ ໄດ້ລົງສົມທົບ ປກສ ບໍລິການປະຊາຊົນ ກຸ່ມບ້ານ ສຸວັນນະພູມ ເມືອງປາກລາຍ ລົງກວດກາຊັນລະສູດສະຖານທີ່ເກີດເຫດ ພົບເຫັນຄົນເສຍຊີວິດ 1 ຄົນ ຄື ນາງ ພິມ ອາຍຸ 42 ປີ ນອນເສຍຊີວິດຢູ່ເທິງຕຽງນອນຂອງຜູ້ກ່ຽວ ໃນສະພາບຮ່າງກາຍມີຮອງຮອຍຖືກທຸບຕີດ້ວຍວັດຖຸຂອງແຂງ ຢູ່ບໍລິເວນກະໂຫຼກຫົວຫຼາຍຈຸດ ແລະ ຖືກຝົນດ້ວຍວັດຖຸມີຄົມຢູ່ບໍລິເວນດ້ານຫຼັງ ແລະ ໃນສະຖານທີ່ເກີດເຫດ ຍັງມີຜູ້ບາດເຈັບຄື ທ້າວ ຄໍາພາ ອາຍຸ 46 ປີ ຜູ້ຖືກເຄາະຮ້າຍລາຍທີ 2 ທີ່ຢູ່ໃນເຫດການໄດ້ໃຫ້ຂໍ້ມູນເບື້ອງຕົ້ນຕໍ່ເຈົ້າຫນ້າທີວ່າ: ໃນວັນທີ 18 ຕຸລາ ປີ 2020 ໄດ້ມີທ້າວ ສິດ ບຸນແກ້ວ ອາຍຸ 33 ປີ ປະຊາຊົນ ຢູ່ບ້ານດຽວກັນໄດ້ຍ່າງເຂົ້າໄປໃນເຮືອນ ຂອງນາງ ຝົນ ( ຜູ້ເປັນເອື້ອຍໃພ້ ) ເຊິ່ງໃນຄືນນັ້ນຜົວຂອງນາງ ພິນ ບໍ່ຢູ່ເຮືອນ; ເມື່ອໄດ້ໂອກາດ, ທ້າວ ສິດ ບຸນແກ້ວ ກໍ່ໄດ້ນໍາໃຊ້ທ່ອນເຫຼັກຍາວປະມານ 80 ຊັງຕີແມັດ ແລະ ພ້າ 01 ດວງ ທີ່ເອົາຕິດຕົວມານໍາກໍ່ເຫດຄາດຕະກໍາ ນາງ ບິນ ຜູ້ເປັນເອື້ອຍໃພ້ຈົນເສຍຊີວິດຄາທີ່.

ຫຼັງຈາກນັ້ນທ້າວ ສິດ ບຸນແກ້ວ ກໍ່ໄດ້ໃຊ້ເຫຼັກ ແລະ ຜ້າໄປງັດປະຕູເຮືອນຂອງທ້າວ ຄໍາພາ ຜູ້ເປັນອ້າຍເຂີຍ ພ້ອມທັງນໍາໃຊ້ທ່ອນເຫຼັກ ແລະ ຜ້າທີ່ເອົາຕິດຕົວມານຳທຸບຕີທ້າວ ຄໍາພາ ຖືກບໍລິເວນຫົວຈົນຫມົດສະຕິ ແຕ່ໂຊກດີເວລານັ້ນໄດ້ມີທ້າວ ເສັງ ຍາດພີ່ນ້ອງທີ່ຢູ່ເຮືອນໃກ້ຄຽງເຂົ້າໄປຊ່ວຍເອົາໄວ້ທັນ; ແຕ່ທ້າວ ສິດ ບຸນແກ້ວ ຜູ້ກໍ່ເຫດຍັງໃຊ້ ທ່ອນເຫຼັກທີ່ຕິດຕົວມານໍາຕໍ່ສູ້ກັບທ້າວ ເສັງ ຖືກບໍລິເວນຫົວ ເຮັດໃຫ້ທ້າວ ເສັງ ໄດ້ຮັບບາດເຈັບ ຫົວແຕກ 02 ຈຸດ; ບໍລິເວນແຂນ, ຂາມີຮອຍຊໍ້າ ແລະ ບໍລິເວນບ່າໄຫຼ່ເບື້ອງຊ້າຍ ມີບາດແຜ. ຈາກນັ້ນ, ທ້າວ ສິດ ບຸນແກ້ວ ກໍ່ເອົາຕົວຫຼົບຫນີໄປລີ້ຊ່ອນຢູ່ເຮືອນຫມູ່ຄົນບ້ານດຽວກັນ, ຮອດເວລາ 09: ໂມງ ຂອງວັນທີ 18 ຕຸລາ 2020 ຈຶ່ງຖືກເຈົ້າຫນ້າທີ່ກັກຕົວໄດ້.

ປະຈຸບັນເຈົ້າໜ້າທີ່ພວມດຳເນີນຄະດີຕາມຂັ້ນຕອນຂອງກົດໝາຍ.

Off

Comments are closed.