12th Nov2020

ຫົວຫນ້າ ປກສ ເມືອງໄຊທານີ ໄດ້ໃຫ້ທັດສະນະຕໍ່ມູນເຊື້ອວັນຊາດທີ 2 ທັນວາ

by somchan

ເພື່ອເປັນການສ້າງຂະບວນການດ້ານຕ່າງໆຂໍ່ານັບຮັບຕ້ອນວັນສໍາຄັນຕ່າງໆຂອງພັກຂອງຊາດ ໂດຍສະເພາະແມ່ນວັນຊາດ ທີ 2 ທັນວາ ຄົບຮອບ 45 ປີ ໃຫ້ມີບັນຍາກາດຟົດຟື້ນມ່ວນຊື່ນ ແລະ ເຕັມໄປດ້ວຍຄວາມຫມາຍຄວາມສໍາຄັນ, ພັທ ສົມພອນ ວົງສາ ຫົວຫນ້າກອງບັນຊາ ການ ປກສ ເມືອງ ໄຊທານີ ໄດ້ໃຫ້ທັດສະນະຕໍ່ມູນເຊື້ອວັນຊາດທີ 2 ທັນວາ ວ່າ :

ວັນຊາດທີ 2 ທັນວາ ແມ່ນວັນທີ່ມີຄວາມຫມາຍສໍາຄັນທີ່ສຸດຕໍ່ກັບປະຊາຊົນລາວບັນດາເຜົ່າ ເວົ້າ ລວມ,ເວົ້າສະເພາະຕໍ່ກໍາລັງ ປ້ອງກັນຄວາມສະຫງົບ ເຊິ່ງກ່ອນຈະໄດ້ສະຖາປານາເປັນສາທາລະນະລັດ ປະຊາທິປະໄຕ ປະຊາຊົນລາວ ແມ່ນໄດ້ຜ່ານການຕໍ່ສູ້ອັນຍືດເນື້ອຍາວນານ, ເຕັມໄປດ້ວຍຄວາມເສຍສະຫຼະ, ຄວາມອົງອາດກ້າຫານ, ຄວາມສາມັກຄີປອງດອງ ຂອງປວງຊົນລາວບັນດາເຜົ່າ, ແລກມາດ້ວຍຊີວິດ ແລະ ເລືອດເນື້ອ, ນັກຮົບຫລາຍສະຫາຍຕ້ອງສູນເສຍຊີວິດ, ເສຍອົງຄະ, ດັ່ງນັ້ນ ວັນທີ 2 ທັນວາ ຈຶ່ງແມ່ນວັນແຫ່ງໄຊຊະນະອັນຍິງໃຫ່ຍໃນ ປະຫວັດສາດແຫ່ງການຕໍ່ສູ້ຫຼາຍພັນປີຂອງຊາດລາວເຮົາ ແມ່ນວັນທີ່ປະຊາຊົນລາວບັນດາເຜົ່າໄດ້ມີອິດ ສະລະພາບ ແລະ ເປັນເຈົ້າຂອງປະເທດຊາດຢ່າງແທ້ຈີງ ຕະຫຼອດໄລຍະ 45 ປີ ຜ່ານມາພາຍໃຕ້ການ ຊີ້ນໍາ-ນໍາພາຂອງພັກ ແລະ ລັດຖະບານ ເຫັນວ່າ ສາມາດຍາດໄດ້ຜົນສໍາເລັດຫຼາຍດ້ານ ລະບົບ ການເມືອງແມ່ນໄດ້ຮັບການປັບປຸງຕາມລະບອບປະຊາທິປະໄຕ ປະຊາຊົນ ໃຫ້ນັບມື້ນັບດີຂຶ້ນເປັນ ກ້າວໆ ປະຊາຊົນ ມີ ສິດ ປະຊາທິປະໄຕ ຢ່າງເຕັມສ່ວນໃນການເຄື່ອນໄຫວດໍາລົງຊີວິດ ແລະ ເປັນເຈົ້າ ຂອງປະເທດຊາດຢ່າງແທ້ຈິງ ພ້ອມກັນສືບຕໍ່ປົກປັກຮັກສາ ພັດທະນາປະເທດຊາດ ໃຫ້ມີຄວາມ ສະຫງົບ, ເສີມຂະຫຍາຍມູນເຊື້ອອັນດີງາມຂອງຊາດຢ່າງຕັ້ງຫນ້າ.

 

Off

Comments are closed.