12th Nov2020

ປິດຂະບວນການແຂ່ງຂັນກິລາເພື່ອຂ່ຳນັບຮັບຕ້ອນວັນສ້າງຕັ້ງກຳລັງປ້ອງກັນສູນກາງຄົບຮອບ 59 ປີ

by somchan

ກອງບັນຊາການປ້ອງກັນສູນກາງ, ກະຊວງປ້ອງກັນຄວາມສະຫງົບ, ປິດຂະບວນການແຂ່ງຂັນກິລາ ເພື່ອຂ່ຳນັບຮັບຕ້ອນວັນສ້າງຕັ້ງກຳລັງປ້ອງກັນສູນກາງ ທີ 11 ພະຈິກ ຄົບຮອບ 59 ປີ ໃນວັນທີ 10 ພະຈິກ ນີ້ ທີ່ເດີນບານເຕະກອງບັນຊາການປ້ອງກັນສູນກາງ ໂດຍການເຂົ້າຮ່ວມເປັນກຽດມີ ພັນເອກ ຄຳເຜີຍ ຄຳດີ ຮອງຫົວໜ້າກອງບັນຊາການປ້ອງກັນສູນກາງ, ມີຄະນະພັກ-ຄະນະບັນຊາ, ຫ້ອງ, ພະແນກ, ກອງຮ້ອຍ, ໂຮງຮຽນ, ພະນັກງານ-ນັກຮົບ ແລະ ນັກກິລາເຂົ້າຮ່ວມ.

 

ພັນໂທ ຄຳພູວົງ ບຸດຕະວົງ ຫົວໜ້າພະແນກປ້ອງກັນການນຳ, ຄະນະຮັບຜິດຊອບຂະບວນການແຂ່ງຂັນກິລາ ຂ່ຳນັບຮັບຕ້ອນວັນສ້າງຕັ້ງກຳລັງປ້ອງກັນສູນກາງ ຄົບຮອບ 59 ປີ, ໄດ້ສະຫຼຸບຜົນສຳເລັດການສ້າງຂະບວນການແຂ່ງຂັນກິລາ ເຊິ່ງໄດ້ເປີດຂະບວນການແຂ່ງຂັນກິລາມາແຕ່ວັນທີ 30 ຕຸລາ ແລະ ປິດລົງດ້ວຍຜົນສຳເລັດໃນວັນທີ 10 ພະຈິກ 2020 ນີ້, ເຊິ່ງມີ 3 ປະເພດກິລາ ຄື: ບານເຕະຊາວໜຸ່ມມີ 11 ທິມ, ເປຕັງຊາວໜຸ່ມຍິງມີ 14 ທິມ, ຊາວໜຸ່ມຊາຍ 18 ທິມ, ເປຕັງອາວຸໂສ 18 ທິມ ແລະ ກິລາດຶງເຊືອກມີ 4 ທິມ, ຜົນການແຂ່ງຂັນກິລາບານເຕະຊາວໜຸ່ມຊະນະເລີດແມ່ນກອງຮ້ອຍ 1, ຮອງຊະນະເລີດກອງຮ້ອຍ 2, ເປຕັງຊາວໜຸ່ມຊາຍຊະນະເລີດໂຮງຮຽນຊັ້ນຕົ້ນປ້ອງກັນສູນກາງ, ຮອງຊະນະເລີດກອງຮ້ອຍ 10, ເປຕັງຊາວໜຸ່ມຍິງຊະນະເລີດຫ້ອງພະລາ, ຮອງຊະນະເລີດກອງຮ້ອຍ 9 , ເປຕັງອາວຸໂສຊະນະເລີດກອງຮ້ອຍ 9, ຮອງຊະນະເລີດກອງຮ້ອຍ8, ດຶງເຊືອກຊະນະເລີດທິມສຳນັກປ້ອງກັນສູນກາງ, ຮອງຊະນະເລີດກອງຮ້ອຍ 8 ແລະ ໃຫ້ກຽດມອບຂັນລາງວັນໃນຄັ້ງນີ້ໂດຍ ພັນເອກ ຄຳເຜີຍ ຄຳດີ ຮອງຫົວໜ້າກອງບັນຊາການປ້ອງກັນສູນກາງ.

ໃນໂອກາດທີ່ມີຄວາມໝາຍສຳຄັນນີ້ ພັນໂທ ສູນເພັງ ສິນທະວອນ ຄະນະພັກກອງບັນຊາການ, ຫົວໜ້າຫ້ອງການເມືອງ ກອງບັນຊາການປ້ອງກັນສູນກາງໄດ້ມີຄຳເຫັນກ່າວປິດຂະບວນການແຂ່ງຂັນກິລາຂ່ຳນັບຮັບຕ້ອນວັນສ້າງຕັ້ງກຳລັງປ້ອງກັນສູນກາງ ຄົບຮອບ 59 ປີ ເຊິ່ງບາງເນື້ອໃນໄດ້ກ່າວວ່າ:

Off

Comments are closed.