16th Nov2020

ລະບຽບການໃນການຈຳກັດບໍລິເວນ ຜູ້ເດີນທາງຈາກຕ່າງປະເທດ ເພື່ອປ້ອງກັນການລະບາດພະຍາດໂຄວິດ-19

by somchan

ກອງປະຊຸມເຜີຍແຜ່ລະບຽບການ ແລະ ແລກປ່ຽນບົດຮຽນໃນການຈຳກັດບໍລິເວນຜູ້ເດີນທາງຈາກຕ່າງປະເທດເພື່ອປ້ອງກັນຄວບຄຸມ ແລະ ແກ້ໄຂການລະບາດພະຍາດໂຄວິດ 19 ໄດ້ຈັດໃນວັນທີ 13 ພະຈິກ 2020 ນີ້ ທີ່ໂຮງແຮມແລນມາກ ນະຄອນຫຼວງວຽງຈັນ ພາຍໃຕ້ການເປັນປະທານຂອງ ປອ ດຣ ບຸນແຝງ ພູມມະໄລສິດ ຮອງລັດຖະມົນຕີກະຊວງສາທາລະນະສຸກ,

ຫົວໜ້າຄະນະຮັບຜິດຊອບສະຖານທີ່ຈຳກັດບໍລິເວນແຍກປ່ຽວ ແລະ ປິ່ນປົວຜູ້ຕິດເຊື້ອພະຍາດໂຄວິດ 19 ລະດັບຊາດ,ມີຮອງຫົວໜ້າຄະນະສະເພາະກິດເພື່ອປ້ອງກັນຄວບຄຸມພະຍາດໂຄວິດ 19 ນະຄອນຫຼວງວຽງຈັນ, ມີບັນດາຫົວໜ້າກົມ, ຮອງກົມ, ຜູ້ອຳນວຍການຜູ້ປະກອບການທຸລະກິດໂຮງແຮມ, ຜູ້ປະກອບການຂົນສົ່ງ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.

ເຊິ່ງເນື້ອໃນເອກະສານທີ່ນຳມາເຜີຍແຜ່ເຊື່ອມຊຶມແລກປ່ຽນບົດຮຽນກັນໃນຄັ້ງນີ້ ມີຄຳແນະນຳຂອງກະຊວງການຕ່າງປະເທດກ່ຽວກັບຂັ້ນຕອນລະອຽດໃນການປະກອບເອກະສານຂໍອະນຸຍາດເຂົ້າ-ອອກ ສາທາລະນະລັດ ປະຊາທິປະໄຕ ປະຊາຊົນລາວ ຂອງຄະນະສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດໂຄວິດ 19 ແລະ ຄຳແນະນຳກ່ຽວກັບການປະຕິບັດມາດຕະການຜ່ອນຜັນການຈຳກັດບໍລິເວນຜູ້ທີ່ເດີນທາງຈາກຕ່າງປະເທດທີ່ບໍ່ມີການລະບາດພະຍາດໂຄວິດ 19 ແລະ ເອກະສານສຳຄັນອື່ນໆ.

ທັງນີ້ກໍ່ເພື່ອເຮັດໃຫ້ຄະນະຮັບຜິດຊອບປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດໂຄວິດ 19 ຢູ່ນະຄອນຫຼວງວຽງຈັນ, ກໍ່ຄືຜູ້ປະກອບການດ້ານທຸລະກິດ ໄດ້ຮັບຮູ້ເຂົ້າໃຈຕໍ່ເນື້ອໃນເອກະສານສຳຄັນດັ່ງກ່າວ, ເພື່ອພ້ອມກັນຈັດຕັ້ງປະຕິບັດຕາມຄຳແນະນຳຂອງຄະນະສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂການລະບາດພະຍາດໂຄວິດ 19 ຢູ່ ສປປ ລາວ ໃຫ້ໄດ້ຮັບໝາກຜົນສູງສຸດຕາມການຊີ້ນຳຂອງພັກ-ລັດຖະບານໄດ້ວາງອອກ ເຊິ່ງບາງເນື້ອໃນສຳຄັນ ປອ ດຣ ບຸນແຝງ ພູມມະໄລສິດ ຮອງລັດຖະມົນຕີກະຊວງສາທາລະນະສຸກ, ຫົວໜ້າຄະນະຮັບຜິດຊອບສະຖານທີ່ຈຳກັດບໍລິເວນແຍກປ່ຽວ ແລະ ປິ່ນປົວຜູ້ຕິດເຊື້ອພະຍາດໂຄວິດ 19 ລະດັບຊາດມີຄຳເຫັນວ່າ.

Off

Comments are closed.