23rd Nov2020

ຄະນະປະຈຳສະພາແຫ່ງຊາດ ໄດ້ຖະແຫຼງຂ່າວ ກ່ຽວກັບການປະກາດວັນເລືອກຕັ້ງ ສະພາແຫ່ງຊາດຊຸດທີ່ 9

by somchan

ປອ ສົມພູ ດວງສະຫວັນ ຄະນະປະຈຳສະພາແຫ່ງຊາດຊາດ ກຳມະການອະນຸກຳມະການເລຂານຸການ ໂຄສົກຂອງຄະນະກຳມະການ ເລືອກຕັ້ງລະດັບຊາດ ໄດ້ຖະແຫຼງຂ່າວຕໍ່ສື່ມວນຊົນ ໃນວັນທີ່ 20 ພະຈິກ 2020 ນີ້ ກ່ຽວກັບການປະກາດວັນເລືອກຕັ້ງ, ຈຳນວນຜູ້ສະໜັກຮັບເລືອກຕັ້ງ ແລະ ຈຳນວນສະມາຊິກສະພາແຫ່ງຊາດ ຊຸດທີ 9 ແລະ ສະມາຊິກສະພາປະຊາຊົນແຂວງຊຸດທີ 2 ເຊີ່ງ ທ່ານ ໄດ້ກ່າວວ່າ ກ່ຽວກັບການກຳນົດວັນເລືອກຕັ້ງ ໂດຍປະຕິບັດຕາມມາດຕາ 32 ຂອງກົດໝາຍວ່າດ້ວຍການເລືອກຕັ້ງສະມະຊິກ ສະພາແຫ່ງຊາດ ແລະ ສະພາປະຊົນແຂວງ ສະບັບປັບປຸງປີ 2015 ໄດ້ກຳນົດໃຫ້ຄະນະປະຈຳສະພາແຫ່ງຊາດ ເປັນຜູ້ທີມີສິດ ໃນການກຳນົດວັນເລືອກຕັ້ງ ແລ້ວນຳສະເໜີໃຫ້ປະທານປະເທດ ພິຈາລະນາ ມາຮອດປະຈຸບັນ ປະທານປະເທດແຫ່ງ ສປປ ລາວ ໄດ້ອອກຖະດຳລັດ ວ່າດ້ວຍການປະກາດເອົາວັນອາທິດ ກົງກັບວັນທີ 21 ກຸມພາ 2021 ເປັນວັນເລືອກຕັ້ງ  ສະມາຊິກສະພາແຫ່ງຊາດຊຸດທີ 9 ແລະ ສະມາຊິກສະພາປະຊາຊົນ ແຂວງ ຊຸດທີ 2 ໃນທົ່ວປະເທດຕາມການສະເໜີຂອງຄະນະປະຈຳສະພາແຫ່ງຊາດ ກ່ຽວກັບຈຳນວນຜູ້ສະໜັກຮັບເລືອກຕັ້ງ ແລະ ຈຳນວນສະມາຊິກສະພາແຫ່ງຊາດຊຸດທີ 9 ແລະ ສະມາຊິກສະພາປະຊາຊົນ ແຂວງ ຊຸດທີ 2 ອິງຕາມມາດຕາ 11 ຂອງກົດໝາຍວ່າດ້ວຍການເລືອກຕັ້ງ ສະມາຊິກສະພາແຫ່ງຊາດ ແລະ ສະມາຊິກສະພາຂັ້ນແຂວງ ສະບັບປັບປຸງປີ 2020 ກ່ຽວກັບການກຳນົດຈຳນວນ ສະມາຊິກສະພາ ແມ່ນໃຫ້ປະຕິບັດຕາມຫຼັກການ ຮັບປະກັນການເຮັດວຽກເປັນໝູ່ຄະນະອີງໃສ່ທີ່ຕັ້ງ ຄວາມສຳຄັນ ຄວາມຈຳເປັນ ແລະ ຈຸດພິເສດທາງດ້ານການເມືອງ ,ການປ້ອງກັນຊາດ-ປ້ອງກັນຄວາມສະຫງົບ, ເສດຖະກິດ, ວັດທະນາທຳ-ສັງຄົມ ຂອງແຕ່ລະແຂວງ, ນະຄອນຫຼວງ ,ເມືອງ ເທດສະບານນະຄອນ ການກຳນົດຈຳນວນສະມາຊິກ ສະພາແຫ່ງຊາດ ແມ່ນເອົາຈຳນວນພົນລະເມືອງ ເປັນຫົວໜ່ວຍຄິດໄລ່ຄື: ແຂວງ ທີມີພົນລະເມືອງ ສອງຮ້ອຍຫ້າສິບພັນຄົນ ລົງມາໃຫ້ມີສະມາຊິກສະພາແຫ່ງຊາດ 6 ຄົນ ແຂວງທີມີພົນລະເມືອງເກີນສອງຮ້ອຍຫ້າສິບພັນຄົນຂື້ນໄປ ໃຫ້ເພີມສະມາຊິກສະພາແຫ່ງຊາດ 1 ຄົນ ຕໍ່ພົນລະເມືອງ ຫ້າສິບພັນຄົນ, ແຕ່ສູງສຸດບໍ່ໃຫ້ເກີນ 20 ຄົນ. ການກຳນົດຈຳນວນຜູ້ສະໜັກເລືອກຕັ້ງ ເປັນສະມາຊິກສະພາ ແມ່ນມີເພດ,ເຜົ່າ,ໄວອາຍຸ, ຜູ້ເກົ່າ ແລະ ຜູ້ໃໝ່ຈາກຫຼາຍສາຂາອາຊິບ ທັງພາກລັດ ແລະ ເອກະຊົນ ເປັນຕົວແທນຂອງບັນດາຊັ້ນຄົນ

Off

Comments are closed.