24th Nov2020

ສປປ ລາວ ພົບຜູ້ຕິດເຊື້ອພະຍາດ ໂຄວິດ-19 ເພີມ 14 ຄົນ

by somchan

ຕາມການຖະແຫຼງຂອງຄະນະສະເພາະກິດ ເພື່ອປ້ອງກັນຄວບຄຸມ ແລະ ແກ້ໄຂການແຜ່ລະບາດຂອງພະຍາດໂຄວິດ 19 ໃນວັນທີ 23 ພະຈິກ 2020 ນີ້ວ່າ: ສປປ ລາວ ໄດ້ກວດພົບຜູ້ຕິດເຊື້ອ ພະຍາດໂຄວິດ-19 ເພີມ 14 ຄົນ ໃນນັ້ນມີຄົນລາວ 1 ຄົນ ແລະ ຄົນຕ່າງປະເທດ 13 ຄົນ ປະຈຸບັນທັງໝົດ 14 ຄົນ ໄດ້ແຍກປ່ຽວ ເພື່ອປີ່ນປົວຢູ່ໂຮຽໝໍ ມິດຕະພາບ 150 ຕຽງ, ມາຮອດປັດຈຸບັນ ຕົວເລກຜູ້ຕິດເຊື້ອສະສົມທັງໝົດ ເພີມເປັນ 39 ຄົນ, ປີ່ນປົວຫາຍດີ 24 ຄົນ, ຍັງສືບຕໍ່ປີ່ນປົວ 15 ຄົນ.

ຮສ ດຣ ພູທອນ ເມືອງປາກ ຮອງລັດຖະມົນຕີ ກະຊວງສາທາລະນະສຸກລາຍງານໃຫ້ຮູ້ວ່າ: ສປປ ລາວ ໄດ້ກວດພົບຜູ້ຕິດເຊື້ອພະຍາດໂຄວິດ 19 ເພີມ 14 ຄົນ ໃນນັ້ນມີອາຍຸ ນ້ອຍສຸດ 12 ປີ ແລະ ສູງສຸດ 51 ປີ ເປັນເພດຊາຍ 11 ຄົນ ແລະ ຍິງ 3 ຄົນ ເຊີ່ງໃນວັນທີ 22 ພະຈິກ 2020 ມີຜູ້ເດີນທາງເຂົ້າມາທັງໝົດ 1,326 ຄົນ, ຜ່ານດ່ານກວດຄົນເຂົ້າ-ອອກເມືອງ ລະຫວ່າງລາວ-ໄທ 512 ຄົນ ໃນນັ້ນມີຜູ້ອອກແຮງງານລາວກັບມາແຕ່ໄທ 43 ຄົນ, ຜ່ານດ່ານ ລາວ-ຈີນ 20 ຄົນ; ດ່ານລາວ-ຫວຽດນາມ 793 ຄົນ, ດ່ານລາວ-ກຳປູເຈຍ 1 ຄົນ, ໄດ້ເກັບຕົວຢ່າງມາກວດວິເຄາະທັງໝົດ 514 ຄົນ ແລະ ກວດພົບເຊື້ອ 14 ຄົນ.

ຮສ ດຣ ພູທອນ ເມືອງປາກ ຍັງໄດ້ຮຽກຮ້ອງໃຫ້ທຸກພາກສ່ວນໃນສັງຄົມ ແລະ ປະຊາຊົນລາວ ຈົ່ງດຳລົງຊີວິດ ຢູ່ໃນຄວາມສະຫງົບ ບໍ່ໃຫ້ແຕກຕື່ນ ແລະ ເຊື່ອໝັ້ນຕໍ່ການປະຕິບັດ ໜ້າທີຂອງແພດໝໍ ໃນການປ້ອງກັນ ຄວບຄຸມ ແລະ ແກ້ໄຂການລະບາດ ຂອງພະຍາດໂຄວິດ-19 ຢູ່ພາຍໃນປະເທດລາວແມ່ນມີການແຜ່ລະບາດ, ສຳລັບທັງໝົດ 14 ຄົນນັ້ນ ລ້ວນແຕ່ມາຈາກຕ່າງປະເທດ ແລະ ໄດ້ມີການກັກຕົວຕາມລະບຽບ ນອກຈາກນີ້ກໍຂໍໃຫ້ທຸກຄົນ ພ້ອມກັນເປັນເຈົ້າການສືບຕໍ່ປະຕິບັດ ແຈ້ງການຂອງຫ້ອງວ່າການ ສຳນັກງານນາຍົກລັດຖະມົນຕີ ທີ່ໄດ້ວາງອອກ ນັບທັງຄຳແນະນຳຂອງຂະແໜງການກ່ຽວຂ້ອງ ຢ່າງເຄັ່ງຄັດ ປະຕິບັດມາດຕະການປ້ອງກັນການຕິດເຊື້ອ ຢ່າງຖືກຕ້ອງ ແລະ ເຂັ້ມງວດ ເປັນຕົ້ນໃສ່ຜ້າອັດປາກ-ອັດດັງ ເມືອທ່ານອອກຈາກເຮືອນ ການລ້າງມື ດ້ວຍນ້ຳສະອາດໃສ່ສະບູ ຫຼືເຈວລ້າງມືຂ້າເຊື້ອເລືອຍໆ ປະຕິບັດການດຳລົງຊີວິດປົກກະຕິແບບໃໝ່ ໃຫ້ກາຍເປັນຄວາມຊິນເຄີຍ ທັງໝົດນີ້ ກໍ່ແມ່ນເພື່ອຊ່ວຍກັນຂ້າມຜ່ານວິກິດນີ້ໄປນຳກັນ

Off

Comments are closed.