24th Nov2020

ກອງບັນຊາການທະຫານຊາຍແດນ ແຂວງກວງຈິ ແຫ່ງ ສສ ຫວຽດນາມ ມອບເຄື່ອງຊ່ວຍເຫຼືອ ໃຫ້ກຳລັງ ປກຊ- ປກສ ແຂວງສະຫວັນນະເຂດ

by somchan

ໃນວັນທີ 19 ພະຈິກ 2020 ນີ້  ຢູ່ທີ່ດ່ານສາກົນແດນສະຫວັນ- ລາວບາວ  ກອງບັນຊາການທະຫານຊາຍແດນແຂວງກວງຈິ ສາທາລະນະລັດສັງຄົມນິຍົມຫວຽດນາມ ພ້ອມດ້ວຍຄະນະ, ໄດ້ມອບເຄື່ອງຊ່ວຍເຫຼືອປະເພດ ເຂົ້້າສານ ຈຳນວນ 06 ໂຕນ ໃຫ້ກອງບັນຊາການ ທະຫານ ແລະ ກອງບັນຊາການ ປກສ ແຂວງສະຫວັນນະເຂດ  ເຊິ່ງກ່າວມອບໂດຍ ພັອ ເລ່ ວັນເຟືອງ ຫົວໜ້າກອງບັນຊາການທະຫານຊາຍແດນ ແຂວງກວງຈິ ແລະ ຕ່າງໜ້າກ່າວຮັບໂດຍ  ພັທ ຈັນທາ ແສນສຸລິວົງ ຮອງຫົວໜ້າກອງບັນຊາການ ປກສ ແຂວງສະຫວັນນະເຂດ ເຄື່ອງຊ່ວຍເຫຼືອໃນຄັ້ງນີ້ແມ່ນຈະນຳໄປຊ່ວຍເຫຼືອພໍ່ແມ່ປະຊາຊົນ ທີ່ໄດ້ຮັບຜົນກະທົບຈາກໄພພິບັດນ້ຳຖ້ວມ ເພື່ອບັນເທົາທຸກໃຫ້ແກ່ພໍ່ແມ່ປະຊາຊົນ ແລະ ເປັນການປະກອບສ່ວນເຂົ້າໃນການດຳລົງຊີວິດຂອງພໍ່ແມ່ປະຊາຊົນຜູ້ໄດ້ຮັບຜົນກະທົບໃນໄລຍະຜ່ານມາ.

Off

Comments are closed.