26th Nov2020

ກອງປະຊຸມທາງໄກລັດຖະມົນຕີອາຊຽນ ວ່າດ້ວຍການຕ້ານອາຊະຍາກໍາຂ້າມຊາດ ຄັ້ງທີ 14

by somchan

ກອງປະຊຸມທາງໄກລັດຖະມົນຕີອາຊຽນ ວ່າດ້ວຍການຕ້ານອາຊະຍາກຳຂ້າມຊາດ ຄັ້ງທີ 14 ໄດ້ຈັດຂຶ້ນໃນ ລະຫວ່າງວັນທີ 25-26 ພະຈິກ 2020 ໂດຍການເປັນປະທານຂອງ ພົອ ໂຕເລິມ ລັດຖະມົນຕີກະຊວງຕຳຫຼວດ ສສ ຫວຽດນາມ ພາຍໃຕ້ຄໍາ ຂັວນ “ອາຊຽນທີ່ໜຽວແໜ້ນ ແລະ ຕອບສະໜອງຕໍ່ສະພາບການ ເພື່ອຕ້ານອາຊະຍາກຳຂ້າມຊາດ” ເຊິ່ງມີຄະນະຜູ້ແທນຈາກ 10 ປະເທດສະມາຊິກອາຊຽນ ແລະ ກອງເລຂາອາຊຽນເຂົ້າຮ່ວມ. ສໍາລັບ ສປປ ລາວ ແມ່ນນຳໂດຍ ພົທ ວິໄລ ຫຼ້າຄໍາຟອງ, ລັດຖະມົນຕີກະຊວງປ້ອງກັນຄວາມສະຫງົບ ພ້ອມດ້ວຍຄະນະຜູ້ແທນຂອງກະຊວງ ປກສ ເຂົ້າຮ່ວມ.

ໃນກອງປະຊຸມຄະນະຜູ້ແທນ ໄດ້ພ້ອມກັນແລກປ່ຽນທັດສະນະກ່ຽວກັບຄວາມພະຍາຍາມລະດັບຊາດ, ພາກພື້ນ ແລະ ສາກົນໃນການຕ້ານອາຊະຍາກໍາຂ້າມຊາດ, ພ້ອມກັນນັ້ນກໍ່ໄດ້ລາຍງານສະພາບອາຊະຍາກຳຂ້າມຊາດ ແລະ ບັນດາມາດຕະການສະກັດກັ້ນບັນຫາດັ່ງກ່າວໃນປະເທດຂອງຕົນ ພ້ອມທັງໄດ້ຍົກໃຫ້ເຫັນເຖິງຄວາມສໍາຄັນຂອງການຮັດແໜ້ນການຮ່ວມມືພາກພື້ນເພື່ອແກ້ໄຂບັນຫາດັ່ງກ່າວ, ນອກນັ້ນ, ກອງປະຊຸມຍັງໄດ້ຮັບຮອງເອົາບັນດາເອກະສານສໍາຄັນທີ່ພົວພັນເຖິງຄວາມຮັບຜິດຊອບຂອງກອງປະຊຸມລັດຖະມົນຕີອາຊຽນ ແລະ ກອງປະຊຸມເຈົ້າໜ້າທີ່ອາວຸໂສອາຊຽນ ວ່າດ້ວຍການຕ້ານອາຊະຍາກຳຂ້າມຊາດ ເພື່ອເປັນບ່ອນອີງໃຫ້ແກ່ການເຄື່ອນໄຫວວຽກງານ.

ກອງປະຊຸມໄດ້ມີການມອບ-ຮັບໜ້າທີ່ການເປັນປະທານກອງປະຊຸມເຈົ້າໜ້າທີ່ອາວຸໂສອາຊຽນ ແລະ ກອງປະຊຸມລັດຖະມົນຕີອາຊຽນ ວ່າດ້ວຍການຕ້ານອາຊະຍາກຳຂ້າມຊາດ ໃຫ້ແກ່ປະເທດ ບຣູໄນ ດາຣູຊາລາມ ໃນນາມປະ ທານອາຊຽນໃນປີ 2021.

ກອງປະຊຸມທາງໄກລັດຖະມົນຕີອາຊຽນ ວ່າດ້ວຍການຕ້ານອາຊະຍະກໍາຂ້າມຊາດ ຄັ້ງທີ 14 ພາ%E

Off

Comments are closed.