26th Nov2020

ວິທະຍາຄານ ກົມມະດໍາ ຕ້ອນຮັບຄະນະ ຊ່ຽວຊານຈີນຄົນໃຫມ່ ປະຈໍາລາວ

by somchan

ວັນທີ 25 ພະຈິກ 2020 ຢູ່ທີ່ຫ້ອງຮັບແຂກ ວິທະຍາຄານ ກົມມະດໍາ ກະຊວງປ້ອງກັນປະເທດ ໄດ້ຕ້ອນຮັບຄະນະຊ່ຽວຊານຈີນ ຄົນໃຫມ່ ປະຈໍາລາວ ນໍາໂດຍ ພັນເອກ ເຍ້ ຊີນໂຈນ 5 ຫົວຫນ້າຄະນະຊ່ຽວຊານຈີນ ປະຈໍາລາວ ພ້ອມດ້ວຍຄະນະ.

ໂດຍໃຫ້ກຽດຕ້ອນຮັບຂອງ ພັນເອກ ຖາວອນ ແກ້ວອິນທະວົງ ຫົວຫນ້າການເມືອງວິທະຍາຄານ ກົມມະດໍາ ພ້ອມດ້ວຍຄະນະພັກ – ຄະນະອໍານວຍ ການ ມີພະນັກງານ ແລະ ອົງການຈັດຕັ້ງມະຫາຊົນເຂົ້າຮ່ວມຕ້ອນຮັບ.

ໂອກາດດັ່ງກ່າວ ພັນເອກ ຖາວອນ ແກ້ວອິນທະວົງ ຫົວຫນ້າການເມືອງ ວິທະຍາຄານ ກົມມະດໍາ ກໍ່ໄດ້ລາຍງານກ່ຽວກັບຈຸດພິເສດ ທີ່ຕັ້ງພາລະບົດບາດການເຄື່ອນໄຫວວຽກງານຂອງ ວິທະຍາຄານ ກົມມະດໍາ ໃນເມື່ອກ່ອນ ຈົນມາເຖິງປະຈຸບັນ ຈາກນັ້ນຄະນະຜູ້ແທນທັງສອງຝ່າຍ ກໍ່ໄດ້ພົບປະແລກປ່ຽນບົດຮຽນວຽກງານການພົວພັນຮ່ວມມື ລະຫວ່າງສອງກະຊວງປ້ອງກັນ ປະເທດ ລາວ – ຈີນ, ຈີນ – ລາວ ເຂົ້າໃນໂຄງການຫຼັກສູດການຮຽນ – ການສອນ ຂອງວິທະຍາຄານປ້ອງກັນຊາຍແດນທາງບົກ – ທາງທະເລ ກັບ ວິທະຍາຄານ ກົມມະດໍາ ຕະຫຼອດໄລຍະຜ່ານມາ, ທີ່ກອງທັບປົດປ່ອຍປະຊາຊົນຈີນ ໃຫ້ການ ຊ່ວຍເຫຼືອກໍ່ສ້າງນາຍທະຫານ ຢູ່ວິທະຍາຄານ ແຫ່ງນີ້. ໂອກາດດຽວກັນນີ້ ພັນເອກ ເຢ້ ຊິນໂຈ ກໍ່ໄດ້ສະແດງຄວາມຂອບໃຈຕໍ່ວິທະຍາຄານ ກົມມະດຳ ທີ່ໃຫ້ການຕ້ອນຮັບຢ່າງອົບອຸ່ນ ພ້ອມທັງໃຫ້ສັນຍາວ່າ ຈະສືບຕໍ່ຮັດແຫນ້ນສາຍພົວພັນຮ່ວມມືຊ່ວຍເຫຼືອ ເຊິ່ງກັນ ແລະ ກັນ ໃນດ້ານຕ່າງໆ ລະຫວ່າງ ລາວ – ຈີນ ໂດຍສະເພາະແມ່ນການຊ່ວຍເຫຼືອໂຄງການຫຼັກສູດດ້ານການຮຽນ – ການສອນໃຫ້ແກ່ບັນດາ ຄູ-ອາຈານ ແລະ ກໍ່ສ້າງບຸກຄະລາກອນໃນຖັນແຖວກອງທັບປະຊາຊົນລາວໃຫ້ຫຼາຍຂຶ້ນກວ່າເກົ່າ.

Off

Comments are closed.